#/ “Hừng đông” lac vở cải lương hu padang tagok meng kịch bản  di Nguyễn Thế Kỷ, brei mboh thaot binguk urang ngak cach mạng Phan Đăng Lưu song dom ayut di ong tuk vak 1923-1940. Vở diễn ngak brei hadah tagok thaot binguk urang lin cộng sản naih gheih,  urang pang akaok  khang hatai, nhà báo, nhà văn, nhà lý luận ba akaok nao dahlau, naih ghieh di Đảng song CM. Vở diễn hu tabiak mbaok bhap bini ban ine Hà Nội di meldam  7 tal  9/1 di Rạp Hồng Hà, hadei di nan hu yaih khan dalam danak dak Sân khấu truyền hình” di rayo papar binguk Việt Nam.

#/ Danak dak Xuân Quê hương 2016 kayua Ub karja ka urang VN daok di negar langiu, Mintri ngoại giao song UB  bhap bini ban HN peih ngak, hu rah tabiak dalam harei 31/1/2016 ( njauk tame harei 22 bilan mat thun anek sak pabe) di HN. Danak dak hu dom bruk yau Hội hoa Xuân di Hoàng thành Thăng Long, rivang palei ngak HN,  cuh gilau song palao ilan chép tui adat cambat meng kan.

#/ UB bhap bini ban sit Mường Lay, tỉnh Điện Biên pambuak bruk song Sở Ilamu, Thể thao song  Du lịch peih bruk brei thau saong jao harak pok angan tamia xòe Thái, Lễ Kin Pang Then lac inem krung ilamu phi vật thể pakat negar. Lễ Kin Pang Then lac sa adat tâm linh di urang Thái patih ka dom Yang lac dom ong Then, muk  Then. Lễ Kin Pang Then bhian rah tabiak di tuk akaok xuân ( hadei  tết nguyên đán) hu makna thau dar phol ong Then, muk Then; likau hajan siam, pala drak njauk, likau siam mekre, salamat ka boh sang song palei Mường. Tamia xòe Thái  hu labik dang praong dalam rai duik di urang Thái. Tapa vòng xòe, talei rohim puk paga, talei pambuak bruk menuac haong menuac hu khang kajap jang, jum pataom jang.

# Ngan song kadha ““Xuân biên giới”, danak dak “Bien giới - khúc tình ca” mbang ka 13 bahrau peih tabiak di tỉnh Đắk Nông, hu ba mai ka urang maong iek dom kadha gheih mekre, pok meyaom hatai anit ranam puk paga, palei negar, urang lin biên phòng, talei rohim meng kan di bhap bini 2 negar Việt Nam – Campuchia...

#/ Urak ni, dalam tỉnh Quảng Trị hu 53 palei ngak song 66 bruk ngak, palei ngak, rilo meng lac dom nyaom bruk ngak chế biến, khik ramik kaya nong, kaya glai, kaya ikan, ngak pandap  thủ công mỹ nghệ, ngak pandap xây dựng, mây tre đan. Bruk pasiam veik song patagok palei ngak meng kan piah patagok KT, ilamu XH di palei pala, rik dong prong ka bruk padang ngak palei pala bahrau.

# “Drei thau gauk halei oh” lac vở hài kịch, brei mboh sa bruk di dunya, tuk gaok kan kandah mboh anit ranam gauk, tal tuk  kaya meda dom urang nan daok hatai hadar tal dom urang rambah rambeip song drei. Vở kịch ni hu padang piah parang me-in tuk tết 2016 ni,  hu mbaok di dom Nghệ sĩ ưu tú Thành Hội, Hồng Ánh, Quang Thảo, Thế Hải, Tấn Đạt, Sĩ Hoàng, Thái Kim Tùng… Vở diễn daok hu parang me-in dalam harei  24/1 di sân khấu Hoàng Thái Thanh, ban raya  Hồ Chí Minh./.