1/ Parang iek “VN 25 thun sa taneh ia daok salih barau” rah tabiak meng harei 10/4 tal harei 8/4 di HN. Ini lac jalan nao 25 thun pambuak saong VN di kamei nhiếp ảnh gia Mỹ Catherine Karnow, hu peih tabiak tuk  pahadar 20 thun pambuak bruk ngoại giao Việt – Mỹ saong 40 thun tamat mesruh metak di Mỹ saong VN. Talei pambuak bruk di Catherine Karnow haong VN saong sajarah dak rai 25 thun anai thaot dom blah rup thaot xã hội daok salih bahrau saong dom blah thoat phong cảnh, lac sa baoh nhật ký brei mboh meng harei camereip anai mai tal taneh ia ini, hu mboh dom salih bharau saong ba drei tame bhum taneh, anek menuac di labik ini.

2/ Pasak khik ramik inem krung medil huế hu brei thau dank dak kích cầu “adit ameh DL di inem krung Huế”, rah tabiak meng harei 22 tal harei 28/4. Ini lac bruk ngak salam uan 40 thun yasa taneh ia (30/4/1975 - 30/4/2015) saong taduan rok Festival bruk ngak meng kan Huế thun 2015 (28/4 tal 2/5).

3/ Lễ hội Quán Thế Âm - Ngũ Hành Sơn 2015 hu rah tabiak di baha Quán Thế Âm (quận Ngũ Hành Sơn, ban  Đà Nẵng) hu mbaok di yaok pluh ribau chư tôn, tăng, ni, phật tử, đạo hữu saong bhap bini, tuai damuai. Kadha barau di lễ hội Quán Thế Âm thun ini lac mban peih bruk hu pataom tame pathau khan, jak ba bhap bini oh am ba-ar vàng mã ngak jhak ka môi trường, oh blei cim phóng sinh ngak oh siam ka môi trường sinh thái saong oh njauk jalan di đạo phật.

4/ Bình Định ba tabiak bruk ngak lac tal thun 2020, gah DL tỉnh taduan jaik 3,3 triệu mbang tuai damuai  saong yaom jien mek tame hu 3.400 tỷ đồng, meblah meng 10 tal 12%GDP di tỉnh. Taphia di nan langyah siam talei pambuak bruk di gah patagok DL saong patagok ngak công – ngak nông saong patagok DL rik daong paglaong ilamu di urang Bình Định.

5/ Pahadar 40 thun harei peih paha gah meraong, yasa taneh ia (30.4.1975 - 30.4.2015), gah ilamu, TT saong DL tỉnh Bình Dương daok kuhria peih ralo bruk ngak, rilo danak dak brei ka bhap bini. Tui nan, pakat tỉnh hu dom bruk trang trí, pathau khan jak ba tapak meng hala dok, pano, băng rôn, khẩu hiệu; parang iek thoat, pandap saong dom kadha yau: “jak jeng kinh tế - ilamu – xã hội tỉnh Bình Dương hadei di 40 thun yasa taneh ia”; “Hoàng Sa, Trường Sa lac di VN – dom bằng chứng sajarah dak rai”. 

6/ Rah tabiak meng harei 13 tal harei 16/4, tết Chôl-Chnăm-Thmây di bhap bini bangsa Khmar tỉnh Kiên Giang thun ini hu tỉnh ủy Kiên Giang tacei pato peih ngak tui jalan jum pataom, bui sambai, siam mekre, patak pataom. Tui nan, gah chức năng di tỉnh pambuak bruk saong dom puk palei daong palagaih ka bhap bini bangsa Khmar peih dom bruk ilamu, daoh tamia, thể thao, sambai me-in khik kajap ilamu meng kan siam mekre di bangsa. 

7/ "Khoảng lặng" nan lac angan album di nhạc sĩ Quỳnh Hợp barau brei tabiak tuk pahdar 40 thun peih paha gah meraong, yasa taneh ia. Album hu 12 kadha daoh hu paneh meng ariya di nhà văn Nguyễn Trọng Luân, dom kadha daoh brei mboh cambaih ka saman “blah ceik Trường Sơn nao taong Mỹ”. Album kayua 2 nhạc sĩ Yên Lam saong Lâm Pianist phối khí hu dom ca sĩ Y Jang Tuyn, Trang Nhung, Đông Đào, Dương Quốc Hưng saong 3 urang likei di Artista daoh.

8/ Danak dak nghệ thuật đặc biệt ngan saong kadha Bài ca thống nhất hu rah tabiak harei 19/4 di pasak nghệ thuật Âu Cơ, HN. Danak dak hu 3 kadha praong nan lac “Mai Hiền Lương”, "Jalan peih paha”,  "peih paha gah meraong” hu brei mboh veik dom thun bilan rambah rambup, pandik harao, min biak hadah mbaok meta di bangsa drei dalam bruk mesruh metak pacang kol Mỹ daong taneh ia./.