1/ Thủ tướng rajaei barau mbaoh tangin tame “đề án patui bruk daong sáng tạo tác phẩm, công trình văn học nghệ thuật, báo chí di Trung ương saong dom Hội Văn học nghệ thuật puk palei; daong tác phẩm báo chí chất lượng glaong di dom Hội Nhà báo puk palei, tukvak 2016 – 2020”. Bruk ngak di đề án lac patui đầu tư, daong dom tác giả, kapul tác giả, hoạt động sáng tạo dalam dom gah văn học, mỹ thuật, âm nhạc, sân khấu, điện ảnh, kiến trúc, nhiếp ảnh, tamia, daoh tamia bhap bini, daoh tamia dom bangsa takik, báo chí di TƯ saong dom Hội văn học nghệ thuật puk palei piah hu rilo jang dom tác phẩm, công trình hu chất lượng glaong.  

2/ Pahadar 130 thun harei dunya urang ngak (1/5/1886 – 1/5/2016), di palei ilamu - Du lịch dom bangsa Việt Nam, Đồng Mô, Hà Nội hu padang ngak veik dom bruk ndung bak ilamu dom bangsa bhum ceik gah brak. Dom bruk ngak praong nan lac: yaih khan drak bhum glaong gah brak; yaih khan dom pandap di yaok puk palei yau khan bai, alat ragam, pandap thu sản vật, alak, labung, njam patam, baoh karaoh that, ngak pandap trang sức bangsa… Langiu darak bhum glaong, daok padang ngak veik adat uan sang barau di bangsa Khơ Mú saong lễ Sử Ca di bangsa Mông; yaih khan dom bruk thủ công meng; pak yot, menyim khan bai, ngak alat ragam… di sang bangsa Ê đê, bangsa Mường, bangsa Thái, bangsa Khơ Mú. Dom bruk ngak rah tabiak meng ini tal harei 3/5/2016.

3/ Ban raya HCM – sami samar, hadah krah, patagok saong mbeik drei tame” – nan lac angan di parang iek rup thaot barau hu peih tabiak di jalan nao takai Nguyễn Huệ, quận 1, ban Hồ Chí Minh tuk pahadar harei dunya urang ngak. Parang iek hu parang tabiak 80 blah thaot saong bảng trích yaih khan tapa  bruk đấu tranh hào hùng di bol bala saong bhap bini gah meraong; rup binguk labaih 4 pluh thun ba gauk rik pren yava tame dak padang saong khik caga khang kajap taneh ia Vn XHCN; saong dom tjak jeng bo Đảng bộ saong bhap bini ban raya ngak hu.

4/ Tui sở ilamu – TT saong DLtỉnh Đắk Nông, Đề án lễ hội – bingu la – cồng chiêng saong alat ragam bhap bini tỉnh peih ngak hu 10 thun (2005 – 2015), saong yaom jien hu duyệt brei jaik 16 tỉ đồng. Tỉnh hu peih ngak ralo bruk yau peih tal pato taong chiêng, pasiam chiêng, menyim khan bai… Sở jeng hu peih brei 150 bộ chiêng, dalam nan hu 3 bộ chiêng di bangsa ê đê, 147 bộ chiêng di bangsa M’nông saong 15 bộ goòng ka dom puk palei dalam tỉnh.

5/ Miuyim urang kamei Nam bộ saong mban khik iek quần thể rup patau amaik VN anh hùng di Quảng Nam barau pambuak gauk peih bruk parang iek ngan saong kadha “dom harak gar, pandap panda, rup binguk ka amaik VN anh hùng saong chân dung amaik VN anh hùng ban raya HCM” di rup patau amaik VN anh hùng Quảng Nam. Parang iek hu dui atah tal harei 21/10. Mbang parang iek ini yaih khan tal bhap bini labaih 100 rup binguk chân dung, 125 pandap panda, harak gar kayua miuyim urang kamei Nam bộ kham merat duah pataom, khik ramik saong 40 pandap hu makna kayua dom tỉnh, ban alin brei./.