1/ Mintri ilamu - thể thao saong DL barau brei thau angan dom inem krung ilamu phi vật thể pakat negar 2016, dalam nan hu akhar vak klak di urang Thái, tỉnh Sơn La. Urak ini, miuyim tỉnh Sơn La duah pataom hu 1.094 baoh tapuk akhar Thái klak. Dom baoh tapuk akhar Thái klak hu vak meng mực tàu sambo juk meng bút lông angaok janih ba-ar kayua urang Thái ngak eng. Dom baoh tapuk nan hu ralo janih; hu baoh pak meta, hu baoh hình chữ nhật; baoh sit di abih lac 15cm x 15cm, baoh praong di abih lac 50cm x 30cm. Kanduh dom baoh tapuk hu baoh ngak meng ba-ar kapal, hu baoh ngak meng klik athur, hu baoh ngak meng tanyaih, hu kak meng talei biak kajap. 

2/ meng harei 21 tal harei 27/3, di miuyim mỹ thuật VN, HN hu parang iek “sarak meng kan tal urak ini – sưu tập rup cih sarak kayau saong mộc bản Trần Nguyên Đán”. Parang iek hu gah roh duah, họa sĩ saong mban peih bruk miuyim Lan am HN pambuak saong dom urang ruah duah nghệ thuật đồ họa di miuyim mỹ thuật VN palih ruah ba tabiak parang iek jaik 100 blah rup cih đồ họa ralo meng lac rup cih sarak kayau saong mộc bản hu họa sĩ Trần Nguyên Đán sáng tác và khik ramik meng thun 1970 – 2015.

3/ Adit DL – ilamu Lai Châu thun 2016 hu rah tabiak meng harei 29/4 tal harei 2/5 di tỉnh Lai Châu. Dalam adit DL – ilamu, tỉnh Lai Châu hu yaih khan tal tuai damuai dom hang động Pu sam cap, palei du lịch San Thàng, palei Gia Khâu, palei du lịch Sin Súi Hồ, ceik patau Ô; harei pataom âm nhạc dalam hang động Pu sam cap saong dom pandap mbang ndung bak ilamu puk palei. Abih di nyu nan lac, dalam adit DL – ilamu ini, tỉnh Lai Châu hu padang veik, parang iek trích đoạn lễ hội Tủ Cải di urang Dao đầu bằng, adat ngak yang cầu mùa di bangsa Giáy, bruk raok metau di urang Dao Khâu saong dom adat cambat, rija roya di 4 bangsa tok hu dalam tỉnh nan lac Cống, Mảng, Si La saong La Hủ.

4/ Hadei di 8 thun meng tuk tiểu thuyết Trần Quốc Toản tabiak mbaok urang puac tapuk, nhà văn Lưu Sơn Minh barau brei tabiak tiểu thuyết sajarah dak rai barau daok dalam dom dalikan ka nhà Trần hu angan Trần Khánh Dư. Dalam jaik 300 blah di baoh tapuk, Trần Khánh Dư hu mboh ginup abih dom gah: Tuk lac sa phaok đô tướng thủy quân uy dũng, tuk lac sa anek menuac daok sa drei kayua oh thei thau hatai ong saong ong jeng oh caong thei thau hatai drei. Taphia bruk padang veik mbang mesruh angaok kraong di Vân Đôn sajarah dak rai, baoh tapuk jeng brei mboh dom jalan maong karei di gauk ka bruk meyut meyau di Trần Khánh Dư saong công chúa Thiên Thụy.

5/ Ong Phạm Thành Công, sa dalam dom urang daok diuk hadei di mbang thảm sát Mỹ Lai thun 1968 di palei Sơn Mỹ, xã Tịnh Khê, huyện Sơn Tịnh, tỉnh Quảng Ngãi barau brei tabiak baoh tapuk “chứng nhân daok veik meng palei Hồng”. Baoh tapuk vak veik dom dalikan, rup binguk ka sa palei pala sron mbon dalam dom thun bilam mesruh metak pacang kol Mỹ; dom ký ức bak ia meta di adei umo 11 thun (ong Phạm Thành Công) tuk mboh 6 adei saai saong amaik di drei njauk lin Mỹ cuh metai dalam chiến dịch “duah saong pametai”. Baoh tapuk kapal 248 blah saong hu 4 chương nan lac dom tư liệu hu yaom glaong ka menuac sia angaok dunya thau cambaih laih jang ka bruk mesruh metak di Mỹ pak VN

6/ Harei pataom tapuk ban raya HCM mbang ka 9 hu rah tabiak meng harei 21 tal harei 27/3 di mblang bein Lê Văn Tám. Harei pataom tapuk thun ini hu 710 gian hàng tiêu chuẩn, ralo jang 20% duk saong thun 2014. Abih tih hu mbaok 172 đơn vị ngak gah xuất bản saong patabiak tapuk. Jaik 300 ribau angan tapuk ngan saong labaih 30 triệu bản hu parang tabiak di harei pataom tapuk. Labaih 99 danak dak taom gaok ndom meyai nao mai, yaih khan tác giả, tác phẩm barau./.