1/ Melam ni 21/6, di Cung Văn hóa Hữu nghị Việt Xô – Hà Nội hu rah tabiak “Bruk jao giải báo chí pakat negar thun 2014". Ni lac bruk ngak piah pahadar 90 thun harei Báo chí Cách mạng Việt Nam. Tapa dom vòng sơ khảo, chung khảo, 118 kadha hu palih ruah piah jao giải dalam nan hu 9 giải A, 26 giải B, 54 giải C song  29 giải khuyến khích ka dom tác giả, tác phẩm báo chí gheih di abih dalam 11 thể loại. 9 kadha giải A jeng lac glong di abih kuhria meng dahlau mai, brei mboh chất lượng hu paglong jang di taong abih gah.  

 2/ Pahadar 90 thun harei Báo chí Cách mạng Việt Nam (21.6.1925 - 21.6.2015), bahrau ini, Hội Nhà báo ban raya HCM hu peih danak dak “Nhà báo song ilamu mbang huak”. Danak dak hu angan ieu lac “ Harei thanh nhẹ”, hu mbaok di 5 gu thí sinh mai meng dom báo, đài yau Thanh Niên, Văn Hóa, Tuổi Trẻ, Người Lao Động, Phụ Nữ  ban raya Hồ Chí Minh, Công An ban raya Hồ Chí Minh, Rayo papar binguk Việt Nam, Rayo papar binguk ban raya Hồ Chí Minh, Rayo sap ndom Việt Nam. Hadei di 45 minite, dom gu thí sinh pakacah gauk ngak sa var mbang ka boh sang 4 urang song 3 janih, ia bai, xao, mbak (tui yaom jien 500 ribau đồng), song brei langyah ka makna dom janih pandap mbang. Gu thí sinh Báo Tuổi Trẻ - Phụ Nữ ban raya Hồ Chí Minh mek hu  giải nhất.

3/ Hội Nhà báo tỉnh Thừa Thiên-Huế  bahrau peih bruk parang iek “Thừa Thiên-Huế - 90 thun báo chí anit ranam taneh ia song cách mạng” di ban sit Huế, yaih khan 90 ấn phẩm báo chí anit ranam taneh ia song cách mạng tabiak rai di Thừa Thiên-Huế. Ni lac dom ấn phẩm báo chí meng dom thun 1926 – 1927, 1930, 1932, 1936, 1937, 1938, 1942, 1945, song dom thun camereip hadei di CM bilan 8, dalam saman mesruh pacang Prang, pacang Mỹ…. Parang iek hu rah tabiak tal abih harei 22/6  

4/ Mintri Thông tin song Truyền thông hu peih bruk Liên hoan thaot binguk  saong Phim phóng sự - tài liệu ka dom bangsa dalam ASEAN di  Việt Nam thun 2015. Tui Akaok pasak Báo chí song Hợp tác Truyền thông dunya Nguyễn Trường Sơn, Liên hoan brei mboh bruk mbang ngui dok dang song jak jeng di dom bangsa ka ilamu KTXH agama, jang yau yaih khan song pok meyaom dom rik dong di dom urang, jabat, kapul nyaom di yaok negar ASEAN ka bangsa di drei, brei mboh sa rup binguk ASEAN sami samar jum patom, pambuak bruk song hu pren patagok.

5/ Tỉnh Quảng Ninh bahrau hu gilac 2 inum krung ilamu phi vật thể pakat negar. Hadei  " Nghi lễ then" di urang Tày huyện Bình Liêu hu pok brei angan lac inum krung ilamu phi vật thể pakat negar thun 2013, "Hát nhà tơ" (daok ieu lac doh tamia cửa đình) di Quảng Ninh song 25 inum krung karei dalam negar bahrau hu mintri Ilamu Thể thao song Du lịch pok brei angan lac inum krung ilamu phi vật thể pakat negar. Doh nhà tơ lac sa janih nghệ thuật ndung bak adat cambat tanarakum gam song rai duik puk palei. Ni jeng lac sa janih dalam 46 lagu doh trù Việt Nam

6/ Ngan song kadha “Ilamu meng kan – mbeik drei tame song pambak prong”, Harei pataom ilamu - Du lịch palei ngak meng kan Hà Nội thun 2015 hu rah tabiak meng harei 1/10 tal harei 4/10 di Cung Thể thao Quần Ngựa. Thun ni Harei pataom hu ngak tui jalan ndung bak ilamu di HN song 9 labik, samu song 9 nyaom song dom bruk ngak karei karei.

7/ Danak dak papar sap binguk ka uranaih, hu rilo uranaih takre dalam dom thun tapa nan lac Đồ Rê Mí hu tagok riyah lingik di harei 18/6 song hu mbaok pakacah di 12 thí sinh naih gheih. Đồ Rê Mí 2015 hu 12 danak dak, parabha jeng 2 vòng. Đồ Rê Mí thun ni hu sa kadha bahrau nan lac 12 thí sinh lac 12 tài năng, 12 tính cách karei karei di gauk hu ba mai rilo bất ngờ ka danak dak. Danak dak jeng lac piah dong ka dom adei tự tin pasang tabiak khả năng song tính cách. 

8/ Cong khin yaih khan nghệ thuật sơn mài, 14 họa sĩ VN meda ba tranh sơn mài nao parang iek di HQ. Dalam 42 tác phẩm hu mbaok parang iek hu 12 tác phẩm hu ngak tui jalan meng kan song 30 tác phẩm dok veik hu ngak tui jalan bahrau./.