1/ Sở ilamu – Thể thao HN pambuak bruk saong mban khik iek inem krung sang gut Hỏa Lò barau peih parang iek kadha “abih rai tui Đảng”. ini lac sa dalam dom bruk ngak salam uan nyaom roya pakat negar mbang ka 12 di đảng saong pahadar 86 thun harei padang đảng cộng sản VN (3/2/1930 - 3/2/2016). Tui nan, parang iek hu yaih khan tal bhap bini rai diuk, bruk ngak cacah1 mạng di 5 ong dahlau daih lac Tổng Bí thư mban chấp hành TƯ đảng cộng sản VN, bhian njauk kol Prang cap kreik dalm sang gut Hỏa Lò nan lac:  Nguyễn Văn Cừ, Trường Chinh, Lê Duẩn, Nguyễn Văn Linh, Đỗ Mười. Parang iek hu jaik 200 blah rup thaot, tài liệu, pandap panda. Yaok blah rup thaot, yaok dalikan dalam parang iek, lac dom ký ức ka hatung hatian kiên trung, bất khuất di dom urang lin cách mạng.

2/ Hiệp hội DL tỉnh Thừa Thiên – Huế pambuak bruk saong sở công thường saong sở ilamu, thể thao saong DL tỉnh peih bruk pok angan dom thương hiệu đặc sản Huế di pasak ilamu thông tin tỉnh. Ini lac danak dak daok dalam dom bruk ngak “peih mbaok bruk ilamu, thể thao saong DL thun 2016”. Di mbang peih bruk, tỉnh Thừa Thiên - Huế hu pok meyaom bún bò huế - angan mek hu kỷ lục “Yaom glaong pandap mbang châu Á” saong 11 thương hiệu đặc sản di tỉnh nan lac: bún bò huế, bu asar caraih, mắm tôm mesam, ruốc huế, mè sững, tré huế, kruoc bung Thanh Trà, har khoái, har lọc tai hadang, bánh bèo saong lisei hến hu tổ chức kỷ lục VN ba tame kỷ lục VN.

3/ Miuyim tỉnh Khánh Hòa daok parang tabiak labaih 300 pandap asal ka di vật khảo cổ, inem krung samar klak hu kuac mek di tỉnh Khánh Hòa. Dom pandap ini brei mboh dom samar patagok di bhap bini Khánh Hòa atah di ini 3.500 thun tal 2.000 thun dahlau công nguyên. Dalam nan hu dom pandap quý yau bình klaok 8 tasau angaok dunya daok hu dua baoh min, langiu sa baoh daok di Khánh Hòa, baoh daok veik daok di Philippines. Bruk parang iek dom pandap klak nan piah thau cambaih mbaok meta dom nền ilamu khảo cổ di labik ini: bruk hu mbaok di nền ilamu Xóm Cồn atah di ini 3.000 – 4000 thun, ilamu Sa Huỳnh saong ilamu Đông Sơn dom abhap dahlau công nguyên. 

4/ Di jalan 16/4, ban sit Phan Rang Tháp Chàm, tỉnh NT, miuyim kamei Nam bộ ban raya HCM pambuak bruk saong miuyim tỉnh NT barau peih parang iek kadha “urang kamei gah meraong dalam xuân mậu thân 1968”. Hu jaik 200 rup thaot saong 84 pandap panda, parang iek yaih khan tal bhap bini NT saong tuai damuai mai maong iek dom rik daong di urang kamei gah meraong dalam dom harei sajarah dak rai chreih chrai, rik daong hadar veik bruk hào hùng di bol bala saong bhap bini drei.

5/ Di ban sit Phan Thiết, UB bhap bini tỉnh Bình Thuận barau peih bruk pok brei angan nghệ nhân ưu tú gah inem krung ilamu phi vật thể thun 2015 kayua akaok negar mbaoh tangin tame kayua hu buh pren yava dalam bruk khik ramik saong patagok inem krung ilamu di bangsa, rik daong tame bruk dak padang CNXH saong khik caga taneh ia palei negar. Dalam 9 urang hu pok brei angan mbang ini hu tal 5 nghệ nhân lac urang Chăm: ong Cửu Lạc, ginang Chăm; ong Thổ Đồng, alat ragam Chăm; amuk Đào Thị Sâu, menyim khan bai Chăm; amuk Đơn Thị Hiệu, khik ramik bruk ngak lan am meng kan; ong Thường Xuân Hữu, ngak adat cambat urang Chăm Ahier.

6/ Meng harei 11/2 tal harei 12/3 tal, di labik inem krung sajarah dak rai – ilamu Danh thắng saong DL Núi Bà Đen. Ban sit Tây Ninh, tỉnh Tây Ninh hu rah tabiak hội xuân núi Bà Đen anek sak kara. Tui nan, hội xuân hu dom bruk ngak ilamu daoh tamia, thể dục thể thao saong dom bruk pablei salih dịch vụ chreih chrai, duh ka tuai damuai mai rivang; dalam nan, kadha praong lac dom kadha me-in bhap bini mbak carak ilamu tết cổ truyền di bangsa; danak dak hu cuh phao bingu, dom kadha me-in duh ka uranaih./.