1/ Di gilang tupuk tỉnh Thanh Hóa dok parang iek thaot binguk “Thanh Hóa – bhum inem krung”  song “Cariah dalam rai duik ilamu Việt”. Ni lac sa dalam dom bruk ngak peih akaok ka adit peih thun Du lịch pakat negar 2015 Thanh Hóa. Parang iek hu labaih 100 thaot binguk dom inem krung ilamu  di tỉnh Thanh Hóa, dalam nan hu rilo inem krung pakat negar. Dok parang iek “Cariah dalam rai duik ilamu Việt” parang tabiak jiak 100 blah rup thaot di dom tác giả daok dalam song langiu tỉnh Thanh Hóa thaot ka bingu caraih. Parang iek hu peih pambah mbang taduan tuai mai maong iek tal abih harei 8/4.

2/ Di labik Gác Trịnh, jalan Nguyễn Trường Tộ, phường Vĩnh Ninh, ban sit  Huế  "Kapul jak ba padang ngak Gác Trịnh" hu peih bruk pahadar 14 thun harei lihik di aruah nhạc sĩ Trịnh Công Sơn song 2 thun harei padang Gác Trịnh. Gác Trịnh lac boh bilik sit daok di angaok tal 2 di sang chung cư angaok jalan Nguyễn Trường Tộ,, labik nhạc sĩ Trịnh Công Sơn dok song paneh tabiak rilo kadha doh dalam tuk vak meng thun 1960-1970 di abhap dahlau. Hadei di 2 thun padang tabiak, Gác Trịnh hu jeng sa labik taom gaok ndom nyai nao mai di văn nghệ sĩ, ayhut sahabah anit ranam di Nhạc sĩ song dom urang takre kadha doh di ong.

3/ 20 tuk harei 9/4 anak tal, di pasak ilamu Prang L'Espace , 24 Tràng Tiền, Hoàn Kiếm, Hà Nội, Dàn nhạc Thính phòng Hà Nội hu danak dak hòa nhạc Summer Concert. Hu padang tagok di thun 2014 meng hatai sahaneng di Nguyễn Khắc Thành, Dàn nhạc Thính phòng Hà Nội lac labik pataom di rilo nghệ sỹ ranaih umo mai meng dàn nhạc giao hưởng VN, Học viện Âm nhạc Việt Nam. Dom nghệ sỹ dalam dàn nhạc ranaih umo min hu ilamu parang me-in saong abih hatung hatain, biak takre song caong ba âm nhạc cổ điển, hàn lâm mai jiak jang urang maong iek.

4/ Pachreih tui harei tapuk VN (21-4), harei 11-4 anak tal,  di labik ilamu Heritage Space (28 Trần Bình, Mỹ Đình, Hà Nội) hu rah tabiak nyaom darak pasa tapuk bilan hè 2015. Nyaom darak pasa tapuk Heritage Space 2015 hu mbaok di labaih 20 nhà xuất bản, nhà sách hu angan je dalam negar yau Nhà xuất bản Hội Nhà văn, Nhà xuất bản Trẻ, Nhà xuất bản Kim Đồng, Alpha Books, pasak ilamu Đông Tây. Hu yaok pluh ribau angan tapuk rilo janih, hu pablei trun yaom. Nyaom darak pasa hu dui atah tal harei 20/4 

5/ Mintri ilamu Thể Thao song  Du lịch bahrau brei adat ka Công ty Cổ phần Hoàn Vũ Sài Gòn (UniCorp) peih bruk pakacah Hoa hậu Hoàn Vũ Việt Nam 2015 (Miss Universe Vietnam) di Diamond Bay City, Nha Trang, Khánh Hoà. Bruk pakacah hu peih tabiak meng harei 2-4 tal 8-8-2015. Vòng bán kết song chung kết hu peih ngak di khu du lịch padeih padei Diamond Bay City, di sân khấu praong labaih 7.500 labik dok. Labik ni dahlau deih hu rah tabiak bruk pakacah hoa hậu Hoàn Vũ dunya 2008. 

6/ Kapul dam dara Cộng sản Hồ Chí Minh pakat negar, Hội Liên hiệp dam dara Việt Nam, Pasak halan hatain pakat negar bahrau peih bruk yaih khan danak dak “Ba ragu ragam tal sang iek ruak thun 2015”. Tui nan, dalam thun 2015, danak dak hu parang me-in yaok bilan 2 sang iek ruak di HN, sa sang iek ruak di ban raya HCM, langiu di nan, danak dak daok hu parang me-in pamơrơ ka 5 sang iek ruak di dom tỉnh, ban langiu HN, ban raya HCM song sa sang iek ruak di palao Lý Sơn, tỉnh Quảng Ngãi. Tui kuhria dom mbang parang main di danak dak dalam thun 2015 meda pamơrơ hu ka 80.000 tal 100.000 urang

7/ Pahadar 40 thun peih paha gah meraong yasa taneh ia, harei 14/4 anak tal, parang iek thaot binguk hu angan "Urang vak di mblang mesruh” hu peih tabiak di pasak Ilamu Pháp (Tràng Tiền - Hà Nội). Parang iek hu parang tabiak dom thaot binguk dalam mbang mesruh pacang Mỹ tapa ống kính di 4 urang vak di mblang mesruh dahlau deih. Dahlau di nan, parang iek ka bruk ni jeng lac sa dalam dom kadhja praong di harei patom Ảnh báo chí dunya "Visa pour l’image” di ban Perpignan gah merong negar Prang, peih tabiak di puac bilan 8 thun 2014 tal kreih bilan 9/2014

8/ Sang doh kịch VN bahrau peih bruk padang vở kịch kinh điển “Hamlet” di đại văn hào urang Anh William Shakespeare. Ni lac vở diễn camereip abih dalam bruk padang ngak dom kiệt tác sân khấu dunya di sang doh song taduan hu bruk sangka di gah nghệ sĩ song dom urang takre sân khấu dalam taneh ia. Vở diễn hu padang ngak dalam 2 bilan, hu mbaok di 2 đoàn kịch di sang doh, hu rilo nghệ sỹ, diễn viên ranaih umo hu angan je, dalam nan hu   Xuân Bắc song  Tạ Tuấn Minh đảm nhận vai chính lac hoàng tử Hamlet, 2 Nghệ sĩ Ưu tú Trung Anh song Quốc Khánh  tame vai Clodiut./.