1/ Di pasak Thể dục Thể thao tỉnh Thừa Thiên - Huế, Cục Nghệ thuật parang me-in, cục pambuak bruk dunya, kapul nghệ sĩ sân khấu VN, Liên đoàn Xiếc Việt Nam (mintri ilamu, Thể thao  saong Du lịch) pambuak bruk saong Sở ilamu, Thể thao saong Du lịch tỉnh Thừa Thiên - Huế barau peih harei pataom xiếc dunya thun 2016. Harei pataom mbang ini pachreih hu labaih 70 diễn viên ngan saong labaih 30 kadha xiếc mai meng 5 đơn vị nghệ thuật xiếc dalam taneh ia saong 6 kapul nghệ thuật xiếc negar langiu, nan lac Campuchia, Lào, Malaixia, Ucraina, Thái Lan saong Trung Quốc. 

2/ Harei pataom pandap mbang bhum taneh gah meraong thun 2016 di mblang bein Đầm Sen, ban raya HCM pachreih hu jaik 100 ribau mbang tuai damuai mai pataom mbaok dalam 5 harei rah tabiak harei pataom meng bloh. Gam saong bruk yaih khan ka dom pandap DL ilamu, pandap mbang, harei pataom hu peih dom bruk ngak hu makna pato megru, tacei jalan bruk ngak ka rai rah ranaih yau pato chế biến, ngak mbang huak tapa danak dak “adei ranam pandap mbang Việt”. Ini lac mbang ka 6, gah DL ban raya HCM peih harei pataom “pandap mbang bhum taneh gah meraong”.

3/ Pasak khik iek inem krung ilamu Đà Nẵng barau peih bruk jao taong abih dom pandap duah mboh dalam lubang khai quật di Di chỉ vườn đình Khuê Bắc, phường Hòa Hải, quận Ngũ Hành Sơn, ban Đà Nẵng thun 2015 ka miuyim Đà Nẵng. Hu abih tih 5.319 pandap hu jao ka miuyim Đà Nẵng. 

4/ Thành đoàn, mban điều hành Jalan tapuk ban raya Hồ Chí Minh barau peih ralo bruk ngak dalam 3 bilan hè yau: mblang me-in brei ka dom adei gaok kan kandah, sang peih, uranaih đường phố: parang me-in daoh tamia, cih rup cih, tô tượng… thun ini, danak dak alin tu tapuk ka dom adei vùng ven, hu alin ka dom labik yau: huyện Cần Giờ, Bình Chánh saong tỉnh Bến Tre. Yaom yaok tu tapuk hu 564 baoh, 188 angan samu 17 triệu đồng.

5/ Ngan saong kadha “Gah ti-mur – Ninh Thuận – kavong tangin ayut sahabat”. Harei pataom sap daoh gah ti-mur mbang ka 17 – NT thun 2016 barau rah tabiak hu mbaok di 9 kapul nghệ thuật di dom tỉnh: Bình Thuận, Lâm Đồng, Đồng Nai, Bà Rịa-Vũng Tàu, Bình Dương, Bình Phước, Tây Ninh, ban raya Hồ Chí Minh saong Ninh Thuận. Dom kapul hu ba mai harei pataom danak dak nghệ thuật hadah krah ngan saong dom janih daoh, tamia.

6/ Piah pabak bruk me-in sambai, giải trí saong paglaong akaok sahneng ka dom adei uranaih tuk hè, dalam bilan 6 saong bilan 7/2016, gilang tapuk tỉnh Bình Thuận peih 2 danak dak pakacah cih rup cih tui tapuk saong nhân diện tác giả, tác phẩm. Urang hu mbaok tame pakacah nan lac taong abih uranaih puac tapuk di gilang tapuk. Dom panuac jalei njauk saong 5 blah rup cih siam abih hu taduan pandap di mban peih bruk.

7/ Di labik DL Suối Tiên, sở du lịch ban raya HCM pambuak bruk saong dom đơn vị peih harei pataom baoh kayau nam bộ mbang ka 12 thun 2016. Ini lac harei pataom hu ralo janih baoh kayau abih di VN ngan saong labaih 150 janih. Abih di nyu nan lac, harei pataom mbang ini ralo janih baoh kayau lạ hu mbaok yau tamekai quạ, baoh bứa, bồng rừng…. Harei pataom daok yaih khan bộ sưu tập baoh karaoh praong ngan saong ralo baoh karaoh lạ yau baoh proi trak 70 kg, baoh dak 50 kg, dưa lưới 8kg, kroc aik yên 7kg…

8/ Di HN, Đại sứ quán I-ta-li-a di Việt Nam pambuak bruk saong Hội đồng thời trang Ý - Việt barau peih danak dak nghệ thuật “Dom thiên thần taneh ia ý”, pahadar 70 thun harei negar taneh ia Cộng hòa I-ta-li-a (2/6/1946 – 2/6/2016). Dalam danak dak, dom urang thiết kế hu mek ý tưởng meng dom tem taneh ia ý piah brei mboh dom kadha siam hadah krah di taneh ia hu angan “cái nôi di thời trang dunya” angaok thiết kế di drei. Dom blah thaot brei thau ka taneh ia I-ta-li-a siam mekre jeng hu yaih khan tal bhap bini./.