#/ Mintri ilamu, thể thao song du lịch bahrau tabiak harak Phê duyệt kịch bản danak dak daoh tamia Salam uan harei palih ruah urang ka QH mbang 14 song urang ka hội đồng bhap bini dom pakat tuk vak 2016-2021, hu rah tabiak di melam  21/5 di mblang bein Cách mạng tháng Tám, Hà Nội.  Ngan saong kadha “ Harei roya taneh ia” danak dak atah 90 minite dalam nan hu rilo kadha praong yau “Harei roya taneh ia”, QH hadah tanyak hatai ji. Rilo nghệ sỹ hu mbaok tame danak dak yau Trọng Tấn, Đăng Dương, Anh Thơ, Tân Nhàn...

#/ Meng ini tal harei 23/5/2016, di tỉnh Kiên Giang, Cục Ilamu cơ sở di mintri ilamu thể thao song du lịch pambuak  song Sở ilamu Thể thao song Du lịch tỉnh Kiên Giang peih  parang iek rup cih jak ba song rup thaot nghệ thuật hu angan “ tasik palao taneh ia”. Parang iek piah pathau khan ka thun du lịch pakat negar 2016 Phú Quốc – bhum taneran krong Cửu Long; saong piah salam uan harei palih ruah urang ka QH mbang 14 song urang ka hội đồng bhap bini dom pakat tuk vak 2016-2021. Parang iek hu 116 blah rup cih jak ba ka ““ tasik palao taneh ia”. 100 rup thaot nghệ thuật ka “ Duah thau taneh phương nam”, dom thaot binguk ka “bruk palih ruah urang ka QH”

#/ Di baha Huyền Không, tỉnh Thừa Thiên Huế, Giáo hội Phật giáo Thái Lan pambuak bruk song Giáo hội Phật giáo Thừa Thiên Huế bahrau peih bruk parang iek bản Kinh Phật hu meng 2.000 thun. Ni lac bản Tam Tạng Kinh Phật hu sarak  angaok lá bối, hu duah mboh  dalam lubang dok di tapen jalan negar Pakistan song Afghanistan. Cổ vật ini dok dalam bộ sưu tập di ong Schoeyen, sa học giả song lac sa urang roh duah  Na Uy. Hadei di tuk  hu UNESCO pok brei angan lac inem krung ilamu di menuac sia, cổ vật quý ni hu khik iek biak siam di  Na Uy.

#/ Kapul doh tamia Nhà hát Tuổi Trẻ bahrau tabiak mbaok “Phiêu lưu trong thế giới hoạt hình”. Ni lac danak dak doh tamia brei ka dom uranaih dalam harei dunya uranaih 1/6 thun ni. Danak dak hu padang ngak sia, khan aow mekre, diễn xuất sinh động, dom diễn viên dok ranaih umo song thaot binguk, âm thanh, sambo màu sâu khấu pambuak gauk biak gheih. Danak dak kayua đạo diễn Nghệ sĩ ưu tú  Đức Hải padang ngak gam song dom nghệ sỹ ưu tú  Hồng Kỳ, Nghệ sĩ ưu tú Hải Yến, Ánh Tuyết…

#/ Meng harei 27/5 tal harei 1/6 dom sang tapuk di Fahasa grauk labik dalam negar jeng hu peih mbang pablei tapuk hè 2016, ngan song rilo khuyến mãi, trun yaom brei ka tuai blei tapuk meng 10 tal 50%.

#/ Harei patom ilamu cồng chiêng di huyện Đạ Huoai, tỉnh Lâm Đồng mbang ka 2 bahrau peih ngak hu mbaok jiak 300 nghệ nhân cồng chiêng mai meng 8 xã, ban sit dok dalam huyện. Tui nan, rilo adat cambat ginreih dalam ilamu cồng chiêng Tây Nguyên hu dom nghệ nhân bhap bini di labik ni padang ngak veik ginup abih. Tapa nan, rilo bruk ilamu, thể thao jeng hu peih ngak yau pakacah jul gaiy, dui co, saok brah./.