1/ Mintri ilamu thể thao song Du lịch bahrau tabiak harak brei peih tal pasram megru nghiệp vụ song jalan pato pakai gah mỹ thuật piah paglong, pabak nghiệp vụ, jalan pato pakai chuyên ngành ka giảng viên, gru pato dom cơ sở pato pakai ilamu nghệ thuật, dom sang bac mỹ thuật dalam negar. Mintri ilamu Thể thao song Du lịch giao ka Vụ pato pakai dang tabiak, pambuak song sang bac Đại học Mỹ thuật VN, sang bac Cao đẳng Mỹ thuật Trang trí Đồng Nai peih tal pasram, tui kuhria hu peih tabiak di bilan 10/2015 di gah merong negar 

          2/ Bahrau ini, di Muinyim Mỹ thuật Việt Nam,  kapul giảng viên song SV sang bac Đại học Mỹ thuật Việt Nam hu peih danak dak “Jak gauk ngak mặt nạ Việt, bui sambai Tết Trung Thu”. Hu mbaok jiak 300 adei sit. Di labik ni dom adei hu bac ngak mặt nạ, jalan pandar bút lông, mek sambo. Taphia di nan, dom adei sit dok hu bac jalan phân biệt mặt nạ meng kan di VN song mặt nạ di dom negar karei karei

3/ Jalan pui hadah taduan raok ia bilan bak boh Trung thu hu tabiak mbaok di Asia Park ban sit  Đà Nẵng harei 29/9 anak tal. Dok dalam dom bruk di Lễ hội Lung linh Châu Á gheih mekre, jalan gom đèn lồng hu ba mai ka tuai damuai sa melam ia bulan hadah oh ka bhian mboh di Đà Nẵng.

          4/ Melam 25/9 (njauk di harei 13/8 saka ia bilan) ban sit Phan Thiết tỉnh Bình Thuận hu peih Lễ hội Trung thu thun 2015. Hadei di melam raok gom song hu mbaok di lễ hội pakat ban sit, dom xã, phường song jabat đơn vị peih bruk bui sambai trung thu ka uranaih di puk palei, di đơn vị drei. Dalam nan, dom gah, dom pakat ban sit hu brei pandap, lồng đèn ka dom adei jaoh yo, uranaih metui medar, sang kan kandah.

5/ Pasak khik ramik inum krung song labik mekre iek Quảng Trị dok kham merat pasiam veik dom bingun klak yaok ribau thun di xã Gio An, huyện Gio Linh. Bruk pasiam veik hu pataom tame dom bingun, dom labik daok khut rilo dalam 14 bingun klak yaok ribau thun di labik ni. 14 bingun klak di Gio An hu Mintri ilamu thể thao song du lịch pok brei angan inum krung sajarah dak rai ilamu pakat negar di thun 2001.

          6/ Meng harei 14 tal harei 18/10, Adit Thời trang dunya VN hu peih tabiak di ban raya HCM. Gam song nan, lac 20 show parang iek yaih khan dom bộ sưu tập gheih di abih meng 12 urang thiết kế hu angan je di VN, song 8 urang thiết kế hu angan je prong mai meng dom negar Pháp, Italia, Australia, Nhật Bản, Indonesia saong Dubai (UAE). Adit Thời trang dunya VN thun 2015 brei mboh bruk patagok di thời trang VN angaok jalan ba drei tame thời trang  khu vực song dunya.

          7/ Liên hiệp dom kapul  hữu nghị ban raya Hồ Chí Minh song Kapul Hữu nghị Việt Nam – Cuba hu peih bruk pakacah cih rup cih jak ba brei ka anek saih, song SV hu angan lac “ Talei rohim Việt Nam – Cuba” dalam tuk pahadar 55 thun harei padang talei rohim Việt Nam - Cuba,, yam tal pahadar 57 thun harei cách mạng Cuba jak jeng. Asal kadha dom blah rup cih tame pakacah hu pok meyaom talei rohim anit ranam di bhap bini 2 negar, bruk đấu tranh kiên cường, bất khuất di bhap bini Cuba adei saai dalam sajarah dak rai dang tagok meblah mek độc lập bangsa./.

8/ Meng harei 13 tal harei 21/9  VTV Cần Thơ song gah pambuak bruk peih danak dak duah urang doh gheih cải lương ngan saong kadha “Hạt ngọc mùa vàng” thun ka 2 peih vòng sơ tuyển di 19 tỉnh ban bhum taneran krong CL, dom tỉnh gah Đông Nam Bộ song ban raya Hồ Chí Minh. Danak dak hu daong pamedeih bruk doh, diễn,  raong ba song pachreih tagok hatai takre  cải lương meng kan dalam bhap bini./.