1/ Parang iek mỹ thuật kadha bahrau di kalup kapul urang cih umo prong di  Hội Mỹ thuật Việt Nam hu rah tabiak di HN meng harei ni tal abih harei 7/10. Parang iek hu parang tabiak 132 kadha di 89 tác giả lac dom urang cih,, urang sarak hội viên Hội Mỹ thuật Việt Nam dok sinh hoạt di Kalup kapul urang cih umo prong di Hội. Dom kadha dalam parang iek lac dom kadha bahrau, brei mboh pren khang, akaok sahneng hadah krah di dom tác giả, nghệ sĩ umo prong. Ilamu diukrai tapa rilo thun bilan hu ba mai ka urang takre nghệ thuật dom kadha ndung bak hatai ranam rai duik, dom meta mong dalam saong rilo gah tapa dom chất liệu.

          2/ Sở Ilamu thể thao song du lịch Quảng Bình hu peih harei patom dom kalup kapul doh trù dalam tỉnh mbang ka sa thun 2015. Quảng Bình lac sa dalam 16 tỉnh  hu ilamu doh trù hu UNESCO pok brei angan lac inem krung phi vật thể njauk samar khik ramik. Hu mbaok dalam harei patom ilamu mbang ni hu labaih 30 kadha doh di jiak 40 urang di 6 kalup kapul doh trù di dom huyện Quảng Trạch, Minh Hóa, Tuyên Hóa song ban sit Ba Đồn. Hu thau harei patom ilamu doh trù hu peih ngak yaok thun di huyện Quảng Trạch song ban sit Ba Đồn, ni jeng lac labik tabiak rai doh trù di Quảng Bình

          3/ UB MT negar VN tỉnh Thừa Thiên- Huế bahrau pataom iek veik 20 thun bruk “ Tong abih bhap bini jum pataom dak padang rai duik ilamu di labik daok” gam song 5 thun padang ngak palei pala bahrau, đô thị văn minh (2010-2015). Urak ni, dalam tỉnh hu 43 sang ilamu pakat xã song 779 boh sang bhap bini di labik dok. Rilo inem krung sajarah, labik ilamu di puk palei hu ngak pasiam veik, rilo rija meng kan di bhap bini hu pasiam veik song patagok yau Lễ hội cầu ngư di dom xã bhum tasik,  lễ hội đu tiên harei tết, lễ hội vật truyền thống atau harei Hội bài chòi. Urak ni dalam tỉnh hu labaih 92% labik dok hu tanut chuẩn ilamu, labaih 90% boh sang mek hu tanut  saong khik kajap angan boh sang ilamu. 

        4/ “Harei pataom kadha Sân khấu của tác giả Tống Phước Phổ” bahrau hu peih ngak di ban sit Đà Nẵng song hu mbaok jiak 600 nghệ sỹ nghệ nhân dalam negar. Piah pok meyaom saong ndua dar phol dom rik dong prong ka bruk patagok nghệ thuật sân khấu di tác giả Tống Phước Phổ, 20 đơn vị nghệ thuật (6 chuyên nghiệp, 14 oh chuyên) hu ba mai ka harei patom 23 vở diễn atah, katut hu padang ngak công phu meng kịch bản sáng tác, hiệu đính, ramik pasiam veik tapa jiak 100 kịch bản sân khấu di ong. Tapa dom vở diễn di dom kapul chuyên song oh chuyên brei mboh lac, dom vở hu padang ngak biak siam, diễn viên jeng me-in abih drei nan ye pachrteih hu rilo urang naong iek, brei mboh bruk lao động nghiêm túc pamong tal bruk siam gheih di nghệ thuật

          5/ Di ban raya HCM, viện roh duah pato pakai IRED song kadung jien ilamu Phan Châu Trinh hu brei thau bruk palih ruah Giải tapuk siam 2015 mbang ka 5. Tui nan 13 tác phẩm gheih di abih di dom tác giả dalam taneh ia song dunya hu jao giải mbang ni. Bruk njauk caik meta di abih nan lac dalam gah  văn học, giải tapuk siam hu pok brei tiểu thuyết “ Miền đất hoang”  di  Sương Nguyệt Minh  vak ka bruk mesruh metak di bol bala saong bhap bini drei dong ka bhap bini Campuchia tabiak truh kol diệt chủng. Dom tác phẩm mek hu giải dok veik jeng hu meng hu yaok pluh thun hu yaom biak glong. Jeng meng thun ni, tapuk siam jeng brei thau “Tu tapuk pachreih puac” hu dom tác phẩm gheih abih dalam song langiu negar. Dalam mbang brei thau, rilo urang puac tapuk hu panuac caong dom nhà xuất bản brei tabiak rilo jang dom baoh tapuk siam piah pabak ka urang puac tapuk, plaih bruk yau urak ni tapuk oh siam, tapuk di gah langiu ba tame tilo, dalam tuk duah sa baoh tapuk siam hu chất lượng in ấn siam lac biak kan.

       6/ “Bộ sưu tập hiện vật Hoàng thành Thăng Long” song labaih 638 pandap panda inem, labaih 100 thaot binguk, bản đồ, bản vẽ, phim tư liệu hu thành ủy Hà Nội jao ka Đảng bộ song bhap bini ban raya Hồ Chí Minh piah parang iek suai lavik di Muinyim ban raya HCM. Pandap panda parang tabiak tui 3 asar kadha prong nan lac:  Dom kadha ka Kinh đô Thăng Long – Hà Nội song labik di tích Hoàng thành Thăng Long; pandap lan am pandar dalam  Hoàng thành Thăng Long; lan an pandar dalam Hoàng thành Thăng Long. Tapa parang iek, sa Thăng Long - Hà Nội hu brei mboh di gah merong negar, duh ka bhap bini mai mong iek song duah thau dalam jang ka inem krung ilamu bangsa./.