# Harei pataom Bingu Ban 2016 saong brei thau Quyết định di Thủ tướng Raja-ei ka bruk quy hoạch tổng thể patagok Khu du lịch Negar Điện Biên Phủ - Pá Khoang meda rah tabiak meng harei 13-15/3, pak tỉnh Điện Biên. Harei pataom Bingu Ban hu peih ngak di harei 13/3 yaok thun – harei peih mbaok Chiến dịch Điện Biên Phủ 1954. Tui ong Phạm Việt Dũng, Akaok Sở Ilamo – Padhih saong Rivang ma-in tỉnh Điện Biên: Harei pataom hu peih ngak praong, hu mbaok di  8 tỉnh Tây Bắc haong dom tỉnh Bắc Lào saong Đông Bắc Thái Lan.

#/ Di ban Huế, Ub bhap bini tỉnh Thừa Thiên-Huế  song Công ty Đại chúng Banpu-Thái Lan peih bruk mbaoh tangin tame harak biên bản sanya pambuak bruk  padang ngak Dự án sang máy nhiệt điện di tỉnh Thừa Thiên-Huế.Tui nan, Công  ty Đại chúng Banpu roh duah padang ngak sang mac nhiệt điện di xã Điền Lộc, huyện Phong Điền, tỉnh Thừa Thiên-Huế hu công suất 1200 MW. Ông Phan Thiên Định, Phó Giám đốc Sở kế hoạch song Đầu tư tỉnh Thừa Thiên-Huế brei thau:

          Tập đoàn Banpu lac sa tập đoàn năng lượng prong di Thái Lan. Gah tỉnh Thừa Thiên-Huế hu taom gaok, ngak bruk bloh, duah thau tuk camereip di domi sang mac nhiệt điện bo Banpu buh jien tame ngak. 

          # Duk pato megru huyện Thuận Nam, tỉnh Ninh Thuận bahrau peih talaih Nyaom pakacah parang iek pandap pandar saong Nyaom padhih pakat mầm non pakat huyện thun bac 2015-2016. Nyaom padhih thun ini hu 74 uranaih mai meng 7 sang bac Mầm non công lập dalam huyện. Pak nyaom pakacah, dom sang bac pakacah parang iek padap pandar, pandar ma-in duh ka bruk pato bac. Tamat nyaom pakacah, Ban tổ chức hu jao Giải nhất ka sang bac Mẫu giáo Phước Nam, giải nhì ka sang bac Mẫu giáo Nhị Hà saong giải ba ka Mẫu giáo Phước Dinh.

          #/ Tuk vak akaok bilan thu 2016, Mban khik ramik khu bảo tồn thiên nhiên Tà Cú, huyện Hàm Thuận Nam, tỉnh Bình Thuận hu peih bruk pacang cakak meyah  rah tabiak bruk khuak glai. Urak ni, bruk bruk pacang caga khuak glai hu mban khik ramik peih ngak siam piah pacang cakak tal tanut beir di abih dom mbang khuak glai. Dalam nan iek prong dom jalan ngak yau jhul pakhang bruk pathau khan tal bhap bini dok di labik hu glai, jak ba urang kham merat hu mbaok tame bruk pacang caga khuak glai.

# Piah patrun tal tanut biar di abih dom khat lahik kayua bala meng langik tasik, tỉnh Cà Mau hu samar peih ngak dom jalan pacang cakak njaom mbak, pacang caga khuah glai; dalam nan hu jak ba bhap bani beik labaih 500 baoh binek pacang mbak. Langiu di nan, tỉnh hu panuac kakei bhap bani patrun bruk palao hadang raong suan vụ; patak pataom aia bingun, caik aia piah pandar, piah pruh ka njam patam. 

# Lễ hội Xuân hồng brei darah halan hatain 2016 hu peih ttabiak di harei 10/3 di pasak Thể dục -Thể thao tỉnh Bình Phước. Ngan song kadha ““Một tanjoh darah brei nao, sa raidiuk daok veik”. Jeng tapa nan, dok hu rilo bruk ngak hu makna yau doh tako, pok meyaom dom kapul song urang ralo mbang halan hatian brei darah.  

          # Ngan haong kadha “Dam dara Châu Thành nao dahlau, hadah krah, dak padang saong khik caga palei negar”, labaih 150 urang đoàn, dam dara saong anek saih tabiak mbaok pachreih tui dom bruk ngak dalam Bilan Dam dara 2016, kayua Huyện đoàn Châu Thành peih ngak. Thun ini huyện Châu Thành, tỉnh Tây Ninh hu alin hadiah 10 pok pandap, yaok pok yaom 500 ribau đồng ka dom sang kathaot, sang urang lin kan kandah; peih bruk ma-in kadha ma-in bhap bani ka dom adei ranaih dalam xã Thái Bình ngan haong phun jien peih ngak jaik 10 triệu đồng.

Nhạc cắt

          Patui di ni dom khau tin dunya:

          # Hu takik di abih 8 hãng kapal haoh praong di Mỹ ngak harak tagok Mintri Giao thông Mỹlikau adat par tal Cuba . Kadha ni peih tabiak sa bruk meriak gauk ka jalan par tal sa dalam dom labik ka oh hu peih ngak puac abih di gah công nghiệp ni. Tui kuhria, mintri giao thông Mỹ meda abih dom bilan piah pasang iek dom harak likau adat song hu panuac javap calei dalam bilan hè ni.

          # Sa njaom dom urang roh duah pak Anh daok peih bruk ngak iek vắc-xin bahrau dalam iek ruak ung thư hu angan lac Va-pơ, piah jhul hệ miễn dịch pacang cakak veik ruak ung thư. Dom urang roh duah caong lac, tapa bruk mek hu meda daong ka urang mai jaik jang bruk ba tabiak sa jalan iek ruak ruak ung thư bo oh pandar  hóa trị atau xạ trị.

          #/ Pasak pacang caga song pasang iek jit ruak Mỹ brei thau, tal puac thun 2016, urang njom vi-rút Zi-ka meda tagok tal yaok RITUH RIBAU urang. Dalam tuk nan, urang dang akaok gah y tế Cuba brei thau lac hu urang njom vi-rút Zi-ka camereip di negar. Gah y tế dunya (WHO) jeng tabiak panuac lac, tui  bruk njom mbak drah samar, vi-rút Zika daok hu mbaok di 50 negar angaok dunya.