1/ Di HN, mintri pato megru hu peih bruk taduan mek 1 triệu cavar ia tasau hacih di tập đoàn TH, lac labik pô ia tasau hacih hu angan TH true MILK, brei ka anek saih kan kathaot dok di bhum tapen negar, palao kaoh. Tong abih yaom ia tasau bo kapul TH dong brei tagok tal 16 triệu cavar brei ka anek saih 49 tỉnh, ban gah barak song gah merong.

          2# Harei kabroi 23/9, di ban sit Phan Rang – Tháp Chàm, nyaom roya Đảng bộ tỉnh Ninh Thuận mbang yaka 13, tukvak 2015-2020 hu peih tabiak, hu mbaok 349 urang lambaok ka labaih 15.500 urang đảng. Brei panuac di nyaom roya, ông Trương Hòa Bình,  Bí thư Trung ương Đảng, Chánh án Tòa án bhapbini tối cao VN ndom lac :       

Piah thau hu thời cơ saong vận hội, salih nyu jeng bruk patagok di puk palei, di tukvak tal, njauk salih barau jalan tacei pato bruk ngak, iek praong bruk brei thau dahlau bruk ngak, pataom tame bruk jak ba pathau khan piah abih he thong chinh tri saong dom urang pataom tame bruk salih barau, dak padang saong patagok kinh te xa hội, taphia nan, paglaong trach nhiem di urang par akaok.

          3/ Kien Giang lac tỉnh hu pren patagok bruk du lịch prong di abih di bhum taneran krong CL ngan song 143 palao kaoh song rilo labik mekre hu angan song inum krung sajarah dak rai ilamu. Bahrau ni, Mintri ilamu thể thao song du lịch hu palih ruah Kiên Giang lac labik peih ngak “ Thun du lịch pakat negar 2016”. Ong Huỳnh Quang Hưng, Phó akaok UB bhap bini huyện Phú Quốc, tỉnh Kiên Giang lac:

          Njauk ndom lac dalam dom thun tapa huyện palao Phú Quốc hu patagok biak khang, abih di nyu nan lac patagok du lịch, lac sa labik pachreih tuai damuai dok dalam song langiu negar mai tal. Dalam thun ni hu labaih 850.000 urang dalam nan hu tuai langiu negar tagok 35%. Kayua yau nan ye, njauk khik ka Phú Quốc jeng sa pasak du lịch padeih padei chất lượng glong hu angan dalam labik song dunya

4# Tập đoàn Viễn thông Quân đội Viettel- dhan Đắc Nông peih bruk brei paok jien bac “ kayua adei apchreih bac” saong rik daong dak padang rup patau Anh hùng Nơ Trang Lơng. Danakdak ini, hu Tập đoàn Viễn thông quân đội Viettel, mintri patao megru, kapul apchreih bac Việt Nam saong rayo sap ndom VN pambuak bruk peih ngak meng thun 2014 saong tui kuhria, hu peih ngak dalam 10 thun ngan saong yaom jien abih tih 260 tỷ đồng.

                   5/ Tuk vak tapa, Bảo hiểm xã hội tỉnh Gia Lai kham merat peih bruk halan hatian blei BHYT tui nyaom boh sang, tuk camereip mboh hu siam lagaih, dong iek glang siam pren yava ka bhap bini. BHXH tỉnh hu jeng hu palagaih ka bhap bini, abih di nyu nan lac urang bangsa takik dok di bhum atah bayah hu pandar dịch vụ ni, tui jalan peih prong bruk pablei BHYT.

 6# Gam saong gah ngak nong, urak ini, rilo doanh nghiep Nhật Bản daok sangka buh jien tame gah y tế saong dom puk palei bhum taneran kraong Cửu Long. Danakdak ini hu ba mai dom rik daong siam mekre ka bruk iek glang pren yava bhapbini; patagok labik iek ruak, bruk iek ruak. Ini lac “ bruk bui sambai ka bhapbini di bhum taneran kraong CL ka talei pambuak bruk di gah ngak nong saong  y tế pren yava bhapbini.

          7/ Urang dang akaok UB bhap bini huyện Châu Thành, tỉnh Tiền Giang brei thau, urak ni, bruk  hu dom urang likei meng labik karei mai kateik greik urang pablei pandap dalam Khu công nghiệp Tân Hương (xã Tân Hương, huyện  Châu Thành)  chap nộp jien bahrau hu pacang cakak. Tui kuhria yaok harei , kol nyu mek hu labaih 10 triệu đồng. Bruk ni rah tabiak hu labaih sa bilan song dom boh sang pablei salih pandap hu khan ka tổ công an, tal urak ni bruk nan meng hu langyah.

Patui di ni dom khau tin dunya:

8# Rajaei Thái Lan ieu Nhật Bản buh jien tame ngak  danakdak jalan radaih apui Đông - Tây di taneh ia ini. Brei panuac di diễn đàn doanh nghiệp Nhật – Thái, rah tabiak di ban Băng Cốc, Phó thủ tướng Thái Lan – ông Sôm-kít Da-tu-sri-pi-tắc (Somkid Jatusripitak) ndom lac, doanh nghiệp Nhật Bản meda hu rilo kein laba meng danakdak jalan radaih apui ini.

          9/ Giáo Hoàng Phrăng-xít (Francis)  cong khin Mỹ meda yah klak bruk cấm vận Cu Ba hadei di dom mbang ginum biai piah pasiam talei rohim di 2 negar. Min Giáo hoàng oh ba tabiak bruk ni dalam kadha ndom puac di drei anak QH Mỹ dalam adit ni. Giáo Hoàng cong khin Mỹ song Cuba hu nao tal sa bruk siam, song mek hu sa thỏa hiệp ngak njauk hatai 2 gah.

10# Cảnh sát Mêhicô hu gaok sinh viên tabiak jalan di bhum langiu ban  Chin-pan-xin-gô (Chilpancingo), pasak bang Gu-ê-rê-rô (Guerrero). Dom hãng truyền thông puk palei brei thau, bruk nan rah tabiak dalam tuk jaik tal harei pahadar 1 thun harei 43 gru pato thực tập di sa sang bac di Tít-la (Tixtla) dalam bang Gu-ê-rê-rô labik oh thau makna saong hu brei thau lac metai  abih./.