1 # Patui veik danak dak ngak bruk mbang nyaom ka 9, Quốc hội mbang XIII, page harei ini (21/5), Quốc hội ginum biai ralo asal kadha prong, dalam nan hu harak khan brei thau ka paka 60 di Hukum bảo hiểm xã hội thun 2014. Paka 60, Hukum Bảo hiểm xã hội 2014 tacei lac, urang ngak oh brei taduan mek jien daong sa mbang hadei di tuk padeih bruk yau hukum klak bo njauk cang tal thun padeih hưu. Dalam tukvak padeih hợp đồng, urang ngak taduan mek hu chế độ jien daong lahik bruk ngak, tư vấn bruk ngak... Tal tuk urang ngak gilac veik ngak bruk, tukvak đóng bảo hiểm xã hội meda cộng dồn, tích luỹ ginup piah tal thun padeih hưu taduan mek lương hưu tui adat. Ong Huỳnh Thành Lập, Akaok Kapul urang lambaok Quốc hội bal raya Hồ Chí Minh brei thau:

Băng: Dalam paka 60 di Hukum Bảo hiểm xã hội hu patabiak meda hu ba tame pandar dalam thun tal, paka ini biak tiến bộ, grap tanat an sinh xã hội saong njauk haong jalan ngak di dunya. Kayua nan ye, urang ngak caong khin Quốc hội mong iek pasiam gilac sa binah sarak dalam paka 60 nan lac, piah ka urang ngak  tự quyết định, tự palih ruah tui jalan tuk padeih bruk bo oh ginup điều kiện padeih hưu meda lac caik veik, meda lac taduan mek jien sa mbang.

     2/ Mbang Nyaom ka 9, QH mbang ka 13 hu peih tabiak harei 20/5 hu cử tri tỉnh Gia Lai caik hatai sangka, tui iek. Rilo cử tri cong khin mbang nyaom ni, QH hu  caik tukvak ginum biai sarak pato pakai bruk ngak song duah bruk ngak ka dam dara palei pala, abih di nyu nan lac dam dara bangsa takik. 

3  # Dua Mintri Công Thương saong Tài chính hu harak payua tal urang pablei salih xăng menyek ka bruk điều hành bruk pablei salih xăng menyek. Tui nan, yaom xăng Ron 92 saong xăng E5 meda tagok jang 1 ribau  200 đồng sa lít meng 20 tuk melam 20/5. Hadei di tuk tagok yaom, xăng Ron 92 hu yaom bahrau nan lac 20 ribau 430 đồng sa lít saong xăng E5  nan lac 20 ribau 100 đồng sa lít. Dom janih yau menyek diesel tagok 500 đồng sa lít saong menyek mazut tagok 500 đồng/kg. Daok menyek cuac hu trun yaom 64 đồng sa lít.

 4/ Meng ni tal harei 22/5 di huyện Thăng Bình, Sở Thông tin song Truyền thông tỉnh Quảng Nam hu peih parang iek bản đồ song yaih khan harak tư liệu hu angan “Hoàng Sa, Trường Sa di Việt Nam- dom bằng chứng dak rak sajarah song hukum”. Dom harak tư liệu bản đồ, văn bản, ấn phẩm yaih khan di mbang parang iek nan lac dom bằng chứng dak rai sajarah song hukum hu meng VN song dom negar di dunya, dalam nan hu gam TQ brei mboh chủ quyền di VN ka 2 palao kaoh Hoàng Sa và Trường Sa.

5 #  Sa sang mac ngak  khak drak lỏng meng chất thải hữu cơ meda hu padang ngak pak quận Cẩm Lệ, bal Đà Nẵng dalam thun ini. Ini lac sa binah dalam Dự án "Tái chế chất thải hữu cơ jeng khak drak brei ka bruk ngak nong hacih pak bal Đà Nẵng". Dự án hu yaom jien abih tih jaik 500.000 đô- la Mỹ kayua jabat pambuak bruk dunya Nhật Bản ( JICA) daong brei saong peih ngak iek tui danak dak dự án tal bilan 3/2017.

6/ Sở Giao thông Vận tải tỉnh Tiền Giang bahrau ba tame pandar 7 boh tatua di angaok jalan 864 nao tapa dom huyện Châu Thành- Cai Lậy song Cái Bè. 7 baoh tatua ini, lac  Phú Phong, Tam Bình, Cây Cồng,  Hai Tân, Cái Sơn,  Ba Rài song tatua Cái Bè 2. Abih tih phun jien padang ngak 7 tatua nan jiak 276 tỉ đồng meng kadung jien karja.

7 # Njauk pato pakai parilo jang dom bác sĩ gia đình, tagok jang manuac urang ngak gah y học gia đình pak dom khoa khám iek ruak ngoại trú di dom sang iek ruak nan lac sa dalam dom hatai caong khin hu ba tabiak dalam nyaom biai pataom iek veik 14 thun pato pakai bác sĩ gia đình di dom tỉnh gah meraong, rah tabiak dalam harei 20/5. Nyaom biai kayua pasak pato pakai bác sĩ gia đình dalam Sang bac Đại học Y Dược Bac raya Hồ Chí Minh peih ngak.

Patui di ni dom khau tin dunya:

8/ In-đô-nê-xia song Malaixia njauk hatai brei labik dok tạm ka yaok ribau urang di cư dok gar di angaok tasik. Ni meda mong lac jalan ngak siam camereip piah langyah bruk khủng hoảng nhân đạo bo dom negar ĐNÁ ni dok dang anak. Panuac khan nan hu ba tabiak hadei di mbang tom gaok di ngoại trưởng Malaixia A-ni-fa A-man (Anifah Aman) song ngoại trưởng In-đô-nê-xia song Thái Lan piah langyah ka bruk urang di cư

9 # Kapul ragu ragam Phần Lan PKN, dalam nan hu taong abih thành viên lac urang tự kỉ atau njauk hội chứng Đao meda lambaik ka Phần Lan hu mbaok tame vòng chung kết mbang pakacah sap daoh truyền hình châu Âu (Eurovision) pak Viên, Áo dalam adit ini. Ban nhạc PKN hu mbaok tame mbang pakacah ini ngan haong hatai caong khin taong abih manuac urang thau cambaih ka dom kan kandah dalam bruk bac megru jang yau dalam rai diuk bian harei di urang jaoh jo.

10/ Dom urang pan akaok gah y tế di bang Quin-xlen (Queensland), Ôt-xtrây-lia dok dang anak bruk jit sởi tamuh tabiak khang, meda ngak kan kandah tal bruk du lịch di labik ni. Tui kuhria di jabat y tế Quin-xlen, dom urang njom ruak meda tagok tal 4 ribau 500 urang. Dom urang dang akaok gah y tế hu panuac lac, bang Quin-xlen meda dang anak sa mbang jit sởi bahrau biak trak jang, saong daok hu panuac ieu menuac urang nao klauk vắc xin sởi./.