1/ Mesup harei 29/9 tui tuk vak La Habana, lac melam bloh tui tuk vak hà Nội, dalam mbang nao rivang Cuba, akaok negar Trương Tấn Sang song kapul pakat glong karja drei hu nao rivang Quốc hội Cu-Ba, taom gaok ginum biai song Chủ tịch Quốc hội Ét-xtê-ban La-xô (Esteban Lazo).. Di mbang taom gaok, akaok negar Trương Tấn Sang ndom lac: dom urang dang akaok song bhap bini VN biak iek prong, khik ramik song ngak ka nyu dalam jang talei pambuak bruk khang kajap meng kan di Việt Nam saong Cu-ba;, tong yaom glong talei pambuak bruk dak harei dak kajap di QH 2 negar.

     2# Harei kabroi 29-9, di jabat Chủ tịch, Phó akaok taneh ia Nguyễn Thị Doan raok urang jakar kapul pachreih bac Việt Nam saong anek saih, sinh vien naih joi, hadah trah dalam taneh ia. Di var raok, phaok akaok taneh ia Nguyễn Thị Doan caong : tukvak tal kapul njauk daong mintri pato megru saong dom sang bac piah pato pakai parilo urang naih gheih ka bruk patagok saong mbeik drei tame di taneh ia : Caong khin dom yut biai saong urang dang akaok Dang, karja gam saong pakat karja xa hoi hoa piah dui katut khoang cach. Kol drei hu rilo tavak tavaiy yau nan ye caong khin dom yut kham merat jang, samal dauh mboh dom sang kan kandah, dom kreih camin urangsiam, bruk siam dalam bac megru, dom urang ngak bruk pachreih bac siam. Talei pambuak bruk di kapul saong karja puk palei dom huyen dom xa njauk ngak ka nyu siam jang.

          3/ Harei 29/9 Tỉnh Đàon song Mban An toàn giao thông tỉnh Kon Tum hu peih bruk tabiak mbaok 2 kapul dam dara halan hatain xã Đắc Môn, huyện Đắc Glei song xã Đắc Hring huyện Đắc Hà piah dong ba samar tuk rah tabiak bala angaok jalan HCM labik nao tapa tỉnh Kon Tum. Urak ni, tỉnh Kon Tum hu 5 kapul dam dara halan hatain samar dong ba tuk hu bala angaok jalan mbak.

4#  kapul lingiu rajaei angan ieu Orbis Hoa Kỳ meda daong ka ban sit Cần Thơ  peih ngak dự án "Ba hadah ka uranaih di  Cần Thơ", piah daong ban sit  Cần Thơ saong dom tinh dalam bhum taneran kraong Cửu Long trun takik bruk sup meta di uranaih tapa bruk padang mạng lưới sàng lọc saong ba urang ruak nao tuyến angaok. Dự án hu jien ngak abih tih 700.000 USD ka dom hợp phần plaic raih iek ruak meta uranaih saong iek ruak ka tật khúc xạ. Bhum taneran kraong Cửu Long urak ini kuhria caga jaik 300.000  uranaih hu ruak di meta njauk hu iek ruak samal piah plaih di taglaoh .

     5/ Beir harei 29/9, Cổng Thông tin điện tử rajaei peih bruk ginum biai tapak “ yaom pablei rai điện: siam lagaih ka dom gah”, hu mbaok vakil Tập đoàn Điện lực Việt Nam, vakil Cục điều tiết,, mintri công thương song Hiệp hội Điện lực Việt Nam. Dalam nyaom biai ong Hoàng Văn Tùy, Phó trưởng ban Tài chính Kế toán- Tập đoàn Điện lực Việt Nam brei thau

Yaok kịch bản jeng hu tong yaom bruk tác động di yaom bahrau ni, min dom kịch bản jeng hu jalan ngak lac oh tagok yaom,  ngak njauk yaom  1747 đồng/kw ka bruk pandar yaok harei. Padang jalan ngak lac dui katut dom  tanut min  oh tagok yaom.

6# Dalam dom bruk di nyaom biai alam moi truong pakat negar mbang yaka 4 thun 2015, di pasak nyaom biai negar, Tổng cục Môi trường saong Công ty Friesland Campina Việt Nam barau mbaoh tangin tame thỏa thuận pambuak bruk danakdak “ kayua alam moi truong Việt Nam hijao”.  Asal kadha di danadak pataom tame bruk paglaong akaok sahaneng ka khik caga alam moi truong di VN ( abih d nyu nan lac caik ka urang ranaih umo; peih ngak dom bruk ngak caga dom bruk ka nerak alam moi truong di Việt Nam.

7/ UB bhap bini ban HN bahrau hu harak ka bruk padang ngak biểu tượng gheng dok Hà Nội di tỉnh Cà Mau.Tui kuhria, biểu tượng gheng dok Hà Nội hu padang ngak di labik 1 - mblang bein ilamu du lịch mũi Cà Mau. Gheng dok nan hu padang ngak dreih yau gheng dok Hà Nội. Pandap piah padang ngak  khik hu khang kajap, oh najuk hagait tuk gaok ia tasik, saong ngin, ribuk

 Khaw tin dunya

 8# Tổng thống Nga Vla-đi-mia Pu-tin (Vladimir Putin) barau hu mbang ginum biai saong Tổng thư ký Liên hợp quốc Ban Ki-mun (Ban Ki-moon) taphia mbang nyaom Đại hội đồng Liên hợp quốc di Mỹ. Di mbang gaok, dua urang dang akaok hu ginum biai dom bruk toàn cầu, dalam nan hu bruk khủng hoảng chính trị di Xiry saong Ucraina. Urang dang akaok taneh ia Nga brei thau, oh daok bruk halei karei langiu bruk pambuak bruk saong bol bala di Tổng thống Xiry Ba-sa An Át-sát  (Bahar al-Assad) piah taong tayah kol phiến quân (IS) .

          9/ Melam bloh, Đại sứ quán Việt Nam di Campuchia peih bruk ginum biai doanh nghiệp Việt Kiều  thun 2015 song hu lambaok labaih 100 DN Việt kiều daok di Campuchia. Kurhia tal bilan 4 meng bloh, dom DNVN buh jien tabiak ngak mbang di CPC labaih 170 dự án song yaom jien abih tih labaih 3 tỷ 200 triệu USD. Meng yaom jien ni, VN dok dalam top 5 negar hu phun jien buh tame prong abih di CPC. Dalam mbang ginum biai song dom DN hu ndom nyai nao mai biak rilo ka dom kein lagaih song kan kandah di dom DN kayua  Việt Kiều khik ramik yau phun jien, harak gar, adat hukum song pato pakai urang ngak di labik.        

10# Urang jakar tỉnh Riau, In-đô-nê-xi-a, harei 29-9 hu dui atah bruk brei khẩn cấp veik dua adit tra kayua bruk sak ngak tabiak kayua dom mbang ghuah glai dalam bhum. Tui gah khik ramik thảm họa negar, hu 239 labik pandiak ghuah glai hu duah mboh di Xu-ma-tơ-ra (Sumatra) saong 341 labik pandiak di  Kalimantan. Dahlau bruk nan, gah In-đô-nê-xi-a hu ba jaik 21 rabau urang padam dom mbang ghauh glai. Rajaei In-đô-nê-xi-a daok dut iek labaih 200 công ty saong xử phạt 4 công ty pambuak tal bruk cuh glai .