1/ Yam tapa adit ngak bruk ka 4, mbang nyaom 7, Qh mbang 13, harei ni 9/6, Qh ginum biai di tổ ka 2 dự án hukum, nan lac hukum căn cước công dân song hukum hộ tịch. Beir harei QH biểu quyết brei tapa 2 sarak: brei tapa quyet toan kadung jien karja, mbaoh tangin tame harak kadung jien karja thun 2012 song sarak ka bruk parabha, pandar jien bội chi kadung jien karja saong patrun pandar cai  kadung jien TƯ thun 2013.

2/ Harei kabroi 8/6, di ban sit Sơn Tây, HN, thủ tướng NTD tabiak adat brei radiah peih tapa tatua Vĩnh Thịnh angaok jalan roya 2C, pambuak tỉnh Vĩnh Phúc saong ban ine HN. Ini lac tatua bê tông cốt thép tapa kraong atah abih di VN kuhria meng dahlau mai.

3/ Harei kabroi, bol lin di angaok palao Song Tử Tây (Việt Nam)  song Song Tử Đông (Philippines) hu taom gaok ndom nyai nao mai mbang camereip di abih.  Bruk tom gaok ni piah padang hatai jia song patagok talei pambuak bruk. Yapk negar hu 40 urang lambaok mai hu mbaok dalam var taom gaok hu rah tabiak dalam sa harei.  

4/ Melam kabroi 8/6, di mblang bein biển đông, ban sit Đà Nẵng saong huyện pulao Lý Sơn, tỉnh Quảng Ngãi hu rah tabiak danak dak “Palei negar pamaong meng tasik”. Ini lac sa dalam dom danak dak praong dalam bruk pathau khan ka chủ quyền tasik pulao, rik daong paglaong akaok saneng ka labik dang saong yaom glaong di tasik, pulao VN.

5/ Di huyện palao Lý Sơn, tỉnh Quảng Ngãi, Tổng Công ty Phát điện 2 (EVN GENCO2), di Tập đoàn điện lực Việt Nam pambuak bruk song huyện palao Lý sơn song harak mbao Tuổi trẻ hu jao pok jien dong ka urang tong ikan yam tapa kan kandah, tabiak tasik Hoàng Sa – Trường Sa. Tui nan, Tổng công ty Phát điện 2 hu brei 100 pok pandap (yaok pok yaom 10 triệu đồng) ka 100 po kapan tong ikan di Lý Sơn piah pasiam veik kapan gaiy, blei veik pandap panda, tabiak tasik tong ikan di  Hoàng Sa, Trường Sa.

6/ Sang iek ruak TƯ Huế barau ngak hu bruk “Cấy baoh hatai nhân tạo bán phần Heartware”- peih tabiak sa jalan nao barau dalam bruk iek ruak ka dom urang ruak suy tim, suy tim – phổi tukvak luac di abih meng công nghệ barau.

7/ Bahrau ni, kapul chaoh blong U19 VN hu nao tal Japon, caga ka mbang pasram 22 harei di labik ni. Ni lac mbang pasram biak prong, caga ka bruk pakacah siam di vòng chung kết U19 châu Á dalam bilan 10 di Myanmar. Dalam mbang pasram ni, tuyển U19 Việt Nam hu 11 urang bahrau hu pabak tame, nan lac dom cầu thủ pakacah siam di vòng chung kết U19 pakat negar meng bloh.

Patui di ini dom khau tin dunya:

8/ Di Moskva, ralo urang VN daok bac daa, ngak mbang, diuk rai di Liên Bang Nga hu mbaok tame bruk mít tinh kayua kapul urang VN, kapul urang dahlau daih ngak bol lin, kapul sinh viên VN di LBN peih tabiak piah phản đối bruk TQ ba caik giàn khoan sung hukum di  bhum tasik di VN.

9/ Harei kabroi, rajaei quân sự Thái Lan brei 6 ribau lin song cảnh sát caga hu mbaok di ban ine Băng cốc, piah pacang urang trun jalan song cakak phản đối bruk đảo chính harei  22-05. Gah pan akaok bol bala Thái Lan cong khin dom mbang trun jalan hu tamat dalam siam mekre salamad./.

10/Dalam harak pathau khan barau di abih hu ba tabiak di adit dahlau, kadung jien dunya brei mboh chreih chrai jang ka bruk kinh tế Anh duk saong sa thun dahlau tuk taneh ia Anh yau daok mbuan laik tame  suy thoái. Dom urang ngak praong di kadung jien dunya tuk nan ndom lac, akaok mintri jien padai Anh Gioóc-giơ Oóc-xbon pataom tame biak rilo ka bruk cakak trun thâm hụt kadung jien saong trả giá meng bruk tăng trưởng./.