1/ Beir harei kabroi 30/7, di jabat, Thủ tướng Nguyễn Tấn Dũng dang akaok nyaom biai mbang ka 59 di Hội đồng pakacah, pok meyaom TƯ. Thủ tướng hu panuac pandar Hội đồng pakacah pok meyaom TƯ hu pok meyaom yaok tuk vak dom urang, dom jak jeng đột xuất, urang ngak, sx jang yau bruk ngak di bhum atah bayah, bhum palao kaoh, khik ka njauk tuk vak, tantu song cambaih laih.

          2/ Beir harei kabroi 30/7, di HN mban tacei jalan dom gah di TƯ ka bruk hacih saat pandap mbang hu ginum biai peih tabiak jalan ngak prong dalam tuk vak anak tal. Dang akaok nyaom biai, Phó Thủ tướng Vũ Đức Đam hu panuac ieu dom mintri, dom gah di TƯ brei pataom tame ngak ka pahu bruk pasang iek veik tong abih cơ sở sản xuất, pablei salih kaya glai, kaya ikan dom janih hu dak angan lac janih C, meyah labik halei oh pasiam hu, njauk brei padeih ngak.

3/ Harei 30/7 di HN, Mintri Công an peih nyaom nyai Đối thoại An ninh pakat Thứ trưởng Việt Nam-Trung Quốc mbang ka sa. Brei panuac di nyaom biai, Thứ trưởng mintri công an Việt Nam Tô Lâm jia lac hatai sahaneng jum pataom song jia tame gauk, di nyaom biai mbang ni, dua gah hu ginum biai, klah rabha dom bruk dok caik hatai sangka, tong yaom ka bruk an ninh dunya song labik tác động tal an ninh negar, tani tanat chính trị di yaok negar.

4/ Meng harei ni 31/7, tui sarak di mintri y Tế, labaih 2000 janih mỹ phẩm hu 5 chất di Paraben brei padeih song mek veik. Ni lac dom janih mỹ phẩm oh hu adat pandar dalam mỹ phẩm tui quy định bahrau abih di Hội đồng mỹ phẩm ASEAN.

          5/ mbang camereip bruk duah thau ka kinh tế - xã hội di 53 bangsa takik hu peih ngak di 51 tỉnh, ban dalam negar. Tổng cục Thống kê brei thau, bruk ngak di mbang ini piah thau ka bruk dân số, jien duah hu, bruk sang dok  meng nan, biên soạn dom tanut thống kê ka bruk bangsa, piah padang ngak song quy hoạch sarak patagok KTXH ka dom bhum atah bayah

     6/ Dalam tuk vak tapa, Viện roh duah song patagok bhum taneran krong CL hu roh duah pabam song pasiam veik rilo pajaih padai tamuh hu dalam ia mbak, ia phèn. Tapa nan, hu pasiam pajaih bụi đỏ di huyện Hồng Dân (tỉnh Bạc Liêu), paglaong pren diuk hu dalam ia mbak di pajaih padai ni meng 6 tal 8%, pabam pajaih padai CTUS1-4 meda diuk hu dalam ia mbak akaok bilan nan lac 10%, diuk hu dalam ia likhun, ia mbak di dom tỉnh Long An, Cà Mau, Bạc Liêu.

7/ Harei 30/7, di tỉnh Khánh Hòa, Ban Tuyên giáo Trung ương pambuak bruk song Tổng Liên đoàn Lao động Việt Nam peih mbang nyaom pasram megru pato ilamu tasik palao ka labaih 350 urang jakar công đoàn dok di 17 tỉnh, ban di gah kreih negar song Tây Nguyên. Nyaom biai mbang ni dong paglong ilamu ka kapul urang jakar công đoàn dalam bruk pathau khan ka tasik palao song jum pataom gauk khik kajap chủ quyền tasik palao di taneh ia.

Patui di ni dom khau tin dunya

8/ Thái Lan bahrau tabiak panuac brei thau, meng akaok bilan 8, Thái Lan haong Lào, Myanma song Trung Quốc meda pambuak gauk peih bruk pasang iek pandap panda hu pajeng ba meng kapan gaiy di angaok krong Mê Công. Dom gah bhian tui iek, khan brei ka gauk thau di dom pabah lamnge jang yau di labik srau kadau.

9/ Sa mbang duah thau hatai sahneng di urang jiak di ni di Cộng hòa Séc brei thau, di tuk bilan 6 thun ni, hu 28% urang hu tangi sua cong khin tame bruk patagok di gah KT, dalam tuk nan hu 17% urang hu tangi sua ndom lac gah KT dok patrun. Pagam tal rai duik di dom boh sang, 44% urang hu taong yaom lac siam, song 6% urang hu taong yaom biak siam. Bruk tui iek hu peih ngak dalam bilan 6 meng bloh song hu mbaok di labaih sa ribau urang umo 15 thun.

10/ Harei kabroi 30/7, Pasak khí tượng thủy văn Bungary hu pasnuac brei khik veik cảnh báo Da Cam , tanut cảnh báo biak jhak di 28 quận huyện dalam negar tuk nhiệt độ meda yam tapa 41 độ C. Tui kuhria mboh dahlau, meda hu aih ngin, hijan song ribuk di dom labik dalam dom harei anak tal, ngak ka nhiệt độ trun hasit, min jeng daok pandiak thu. Pasak khí tượng jeng hu panuac lac, langik pandiak thu saong hu hangin khang meda ba tal khuah glai dalam negar