1/ Thủ tướng rajaei bahrau tacei  mintri jien padai brei buh tabiak (oh mek jien) 5.481 tấn brah meng brah khik piah di negar brei ka tỉnh Bắc Giang. Brah nan piah dong ka urang bangsa takik dok di bhum kan kandah dalam huyện Lục Ngạn halan hatain pala, iek glang, khik caga glai salih ka hamu apuh dalam tukvak oh ngak hu padai brah meng thun 2014 tal thun 2018.

2/ Gilang pariak dunya (WB) barau mbaoh tangin tame  harak brei ka VN mesraiy pok jien 500 triệu USD piah patagok đô thị labik bhum ceik gah brak saong salih barau kinh tế, paglaong pren merak gauk. Dalam nan, 7 ban bhum ceik gah brak nan lac Điện Biên Phủ, Bắc Kạn, Cao Bằng, Thái Nguyên, Hòa Bình, Tuyên Quang saong Yên Bái hu pabak brei 250 triệu USD piah patagok bruk khik iek saong patagok dom công trình hạ tầng yau tatua, cống, jalan mbak nao mai saong ngak pasiam hạ tầng di dom labik hu jien mek tame takik.

3/ Di pasak huyện bhum ceik Võ Nhai, tỉnh Thái Nguyên hu rah tabiak danak dak doh tamia “Ba gauk pamong tal tasik pulao” piah brei mboh hatai anit taneh ia, ranam tasik pulao song paglong akaok sahanang di bhap bini dalam bruk khik caga chủ quyền tasik palao prong glong di taneh ia. Jiak 20 kadha daoh tamia di labaih 100 diễn viên mai meng dom jabat di kapul nyaom dalam huyện Võ Nhai parang me-in brei mboh thaot binguk di urang lin tasik, oh huac kan kandah di labik riyak praong ngin khang, harei melam khik caga lingik tasik palei nega, pan kajap phao khik caga quyền ngak pô tasik pulao di taneh ia.

4/ Tỉnh Khánh Hòa meda peih ngak iek danak dak ngak ikan ngừ đại dương tui chuỗi giá trị, dalam nan urang taong cap ikan hu mesraiy phun jien piah ngak barau kapal ikan kanduh pasei. Hu thau, gilang pariak đầu tư saong patagok VN (BIDV) hu peih brei urang dalam dom kapul nyaom pambuak bruk taong chap angaok tasik, daok hu kapal taong chap di bhum tasik atah saong hu ilamu taong chap, hu mesreiy jien ngak barau kapal kanduh pasei, trang bị jamraih, thiết bị, hầm khik piah, ngư cụ saong hu thế chấp meng sruh kapal ini. Tui kuhria, laba brei mesraiy jaik 2% sa thun, tukvak brei mesraiy 10 thun saong hu gia hạn gilac sa thun.  

5/ Olympic toán tuổi thơ pakat negar thun 2014 hu peih tabiak bahrau ini di ban sit Buôn Ma Thuột, tỉnh Đắc Lắc. Olympic toán tuổi thơ pakat negar lac bruk ngak yaok thun dalam 10 thun tapa, min ni lac mbang camereip hu peih ngak di bhum Tây Nguyên. Mbang pakacah thun ni hu peih tabiak dalam 3 harei di ban sit Buôn Ma Thuột, tỉnh Đắc Lắc, hu anek saih tame pakacah rilo di abih kuhria meng dahlau mai, ngan saong 390 anek saih Tiểu học song Trung học cơ sở mai meng 34 tỉnh ban dalam taneh ia.

       6./Tui kuhria mboh di jabat thú y puk palei, sruh jit tamuh tabiak di tapon 10 drei limo di palei Kon Sơ Lam 2, phường Trường Chinh, ban sit Kon Tum meng harei 25/5, hadei di nan nyu pambak tapa tapon limo di palei Kon Sơ Lam 1 saong kuhria tal harei 9/6, hu 33 drei limo njauk ruak. Bruk njauk biai nan lac, tuk tapon limo njauk ruak lika cambuai tapok kakau, bhap bini puk palei iek ruak eng bo oh khan brei gah thú y saong karja palei thau.

7/ Labaih sa adit pakacah gauk bui sambai chreih chrai, Giải chaoh blong U 10 pakat negar Cup Viettel 2014 tamat bloh harei 9/6) di ban sit Đà Nẵng. Giải vô địch laik tame tangin kapul chaoh blong U 10 Phú Nhuận, ban raya Hồ Chí Minh; dang ka 2 lac kapul chaoh blong U10 Thái Bình. 2 kapul mek hu giải 3 samu gauk nan lac U10 Văn Tâm di  Đồng Nai song Sầm Sơn (Thanh Hóa). Jeng dalam harei 9/6, Mban peih bruk song dom cầu thủ hu brei 20 boh blong song 60 bộ khan aow pakacah brei ka dom uranaih dok di palao Trường Sa, tỉnh Khánh Hòa.

Patui di ini dom khau tin dunya:

8/ Mintri y tế Lào daok padang dự thảo hukum pasang iek khik ramik ka ia menyum hu cồn saong hu pok tagok QH pasang iek di puac thun ini, piah patrun dom janih ruak saong dom tệ nạn hu pambuak tal janih ia menyum ini dalam dom thun tal. Mintri y tế Lào jeng brei pambuak bruk saong dom gah hữu quan brei padeih abih dom jalan quảng cáo halei ka mbia alak, saong oh brei adat dom cửa hàng mbia alak peih jaik sang bac, labik pato megru atau dom baha.

9/ Sa harei hadei di tuk tagok rai di ban ine Ki-ép, Tổng thống bahrau di Ucraina, ong Pê-trô Pô-rô-sen-cô (Petro Porochenko) hu dom mbang ginum biai camereip song Đại sứ Nga di Ucraina Mi-khai-in Du-ra-bốp (Mikhail Zourabov), Đại sứ Ucraina di  Đức Pa-vlô Klim-kin (Pavlo Klimkine), saong lambaok  Gah an ninh song pambuak bruk châu Âu.  Tổng thống Pô-rô-sen-cô  brei thau, karja negar ni brei tamat dom bruk mesruh gauk dalam adit ni. Dom mbang ginum biai 3 gah meda hu rah tabiak yaok harei piah ngak tui kế hoạch hòa bình di gah pai Ucraina.

10/ Barau ini, sa công ty taxi di NB hu peih dịch vụ barau hu angan “taxi rùa”, piah duh ka urang taha saong urang kumei metian, dom urang caong hu mao mai saong tốc độ “êm ái”. Oh kan piah thau taxi rùa angaok jalan NB, kayua dom sruh taxi ini jeng hu caik logo hình anek kra kanduh sambo hijao saong hu dom nút đặc biệt di gah anak ge di tui damuai./.