1 # Patui veik mbang nyaom ka 10, harei 23/11, ala bruk tacei ba di Phaok Akaok Quốc hội Nguyễn Thị Kim Ngân, Quốc hội hu biểu quyết breu tapa Hukum  thống kê (pasiam veik). Hukum thống kê (pasiam veik) hu 9 chương, 72 paka. Hukum tacei tabiak bruk thống kê, pandar thông tin thống kê karja; quyền, bruk ngak saong trách nhiệm di jabat, kapul nyaom, manuac urang dalam bruk  thống kê, pandar thông tin thống kê karja..v..v.

2/ VN kham merat tal thun 2025 oh daok hu bruk phóng uế bừa bãi song tal thun 2030, taong abih dom boh sang di VN hu jaman hacih saat. Ni lac khau tin hu mintri Y tế song Kadung jien Unilever Việt Nam ba tabiak di tuk mít-tinh pachreih tui  harei Nhà vệ sinh dunya hu peih tabiak di xã Giao Thạnh, huyện Thạnh Phú- tỉnh Bến Tre. Mintri Y tế song Công ty  Trách nhiệm hữu hạn Unilever Việt Nam pambuak bruk peih ngak “ Danak dak paglong akaok sahaneng ka bruk vệ sinh song pasiam alam môi trường” ngan song jalan ngak lac dong paglaong rai duik ka 10 triệu urang VN.

3 # Bal sit Đông Triều pambuak haong Ban Trị sự Giáo hội Phật giáo tỉnh Quảng Ninh bahrau peih bruk ngak rup patau Trúc Lâm Tam Tổ pak baha Ngọa Vân dalam labik inem mek sajarah ilamu pakat negar saman dom patao Trần pak Đông Triều. Gam haong inem mek Yên Tử, labik ini hu mong yau sa thánh địa di Phật giáo Trúc Lâm jang yau Phật giáo Việt Nam. Brei panuac di tuk nan, ong  Hà Hải Dương, Akaok Ủy Ban Bhap bani bal sit xã Đông Triều, tỉnh Quảng Ninh lac:        

          “Biak caong khin dalam tukvak anak tal, bal sit Đông Triều daok hu bruk daong ba ngak pah hala di manuac urang piah ka bruk pasiam veik dom labik inem mek dalam Khu inem mek saman dom patao Trần pak Đông Triều dak harei dak njauk haong yaom ilamu saong labik dang di saman dom patao Trần dalam dak rai sajarah mesruh metak dak padang taneh aia saong khik iek palei negar di bangsa”.

  4/ Di xã Thạnh Tân, huyện Tân Phước, tỉnh Tiền Giang, Mban khik ramik Thiền viện Trúc Lâm Yên tử ( Đà Lạt) peih pakak Thiền viện Trúc Lâm Chánh Giác. Thiền viện Trúc Lâm Chánh Giác hu padang ngak meng thun 2012 di angaok taneh prong labaih 30 ha, dalam nan hu Chánh điện prong labaih 1.000 m², taduan hu labaih 3.000 urang, lầu chuông, gác trống, sang taduan tuai, labik tịnh thất hòa thượng. Ni gam lac labik tu học, sinh hoạt di urang Phật giáo bo dok lac labik pachreih tuai du lịch mai rivang tỉnh Tiền Giang

          5 # Tỉnh Thái Nguyên daok pataom tame peih ngak đề án pasiam saong peih prong dom sang bac phổ thông bangsa gam bac gam daok tỉnh tukvak meng ini tal thun 2020. Bruk ini hu daong pabak bruk pato pakai urang jakar hu ilamu ka bhum urang bangsa takik, bhum ceik; pamaong tal bruk ngak lac, tal thun 2020 hu labaih 8% anek saih bangsa takik hu bac pak dom sang bac bangsa gam bac gam daok. Đề án hu yaom jien buh tame ngak abih tih labaih 245 tỷ đồng. 

  6/ Tỉnh Thừa Thiên - Huế dok peih prong cảng  ikan Thuận An song Tư Hiền;  padang ngak song pasiam 4 labik pataok nyaih ribuk. Tui nan, cảng ikan Thuận An hu patagok jeng cảng ikan janih 1 hu 120 kapan sa harei, kaya ikan tapa labik ini labaih  20.000 tấn yaok thun. Cảng ikan Tư Hiền jeng hu ngak jeng cảng ikan janih 2, hu 70 kapan dalam sa harei, kaya ikan tapa pambah lamnge labaih 10.000 tấn yaok thun. Ong Lê Trần Nguyên Hùng, Phó akaok Sở ngak nong song patagok palei pala tỉnh Thừa Thiên-Huế brei thau:

  Meng phun jien karja buh brei ha-mbang ha-sit yau urak ini,  oh lac Thừa Thiên-Huế bo tong abih dom tỉnh jeng gaok biak rilo kan kandah ka bruk patagok. Kayua yau nan ye karja brei caik sa pok jien trái phi rajaei atau phun jien ODA piah patagok cơ sở hạ tầng bruk ngak ikan di Thừa Thiên Huế song dom tỉnh tapen tasik piah pabak bruk ngak ikan.

7 # Urang taong ikan tỉnh Quảng Ngãi bahrau ba trun aia gilai dịch vụ hậu cần bruk ngak ikan akaok meti hu ngak bahrau meng phun jien mesre tui  Nghị định 67 di Raja-ei. Gilai  angan Tiên Tri 07, số hiệu QNg 96707 TS di doanh nghiệp Nhiên Phường daok pak xã An Vĩnh, huyện pulao Lý Sơn. Ini lac gilai dịch vụ hậu cần bruk ngak ikan akaok meti di tỉnh Quảng Ngãi hu ngak bahrau  meng phun jien daong brei mesraiy tui Nghị định 67 di Raja-ei.

Patui di ni dom khau tin dunya:

8/ Kadung jien uranaih  Liên Hợp Quốc (UNICEF) bahrau hu panuac lac, labaih 2 triệu uranaih Xu-đăng umo ala 5 thun daok lavang lavaih trak, saong daok pachreih bhap bini dunya patagok bruk dong brei jien piah langyah bruk ni. Tui kuhria mboh di LHQ meng thun 2003, tuk dom labik gah pai negar Xu Đăng patuh tabiak bruk mesruh gauk rajaei song gah nổi dậy, hu labaih 300 ribau urang metai, yaok triệu urang nduac klak sang danaok.

          9 # Kuhria tal urak ini hu 104 urang metai hadei di mbang glut jaleih taneh pak labik khai thác mỏ ngọc bích atah bayah pak Pa-can (Hpakant), bang gah barak Ca-chin (Kachin) di Mianma. Ini hu mong yau sa dalam dom bala kanjah jhak di abih tuh trun gah công nghiệp khai thác ngọc bích di negar Đông Nam Á này. Gah cứu hộ hu pandar jaik 20 mac takac dalam piah ngak hacih taneh glut, daong duah urang njauk bala.

10/ Mesup harei 23/11, mbang megei boh taneh khang 6,2 độ Ríchte ngak tatuan megei rilo labik gah Tây bắc di Pakixtan. Pasak tui iek địa chất Pakixtan brei thau, mbang megei boh taneh tabiak meng labik dalam 86km  jiak jalan tapen negar Tagikixtan song Apvanixtan. Mbang megei khang ngak ka bhap bini biak huac. Hu biak rilo mebuac nduac tabiak lingiu sang dalam tuk lingik liar brak. Urak ni oh ka hu panuac khan halei ka bruk metai lahik menuac urang song khut khat drap ar./.