1/ Meng harei 24/9 tal harei 3/10/2016 di ban sit Đà Nẵng rah tabiak Nyaom raya Thể thao tasik Châu Á mbang ka 5 – ĐN- VN thun 2016. Ngan song kadha “Hadah tanyak tasik praong, harei hadei hadah hadai” Nyaom raya thể thao tasik Châu Á mbang ka 5 ĐN –VN 2016 tui kuhria hu labaih 10 ribau urang hu mbaok, dalam nan hu 3000 vận động viên. Tui kuhria hu labaih 600 urang vak dom jabat thông tấn báo chí dalam negar song lingiu dunya hu mbaok song ba tin

          2/ Harei 24/9, di ban sit Buôn Ma Thuột, tỉnh Đắc Lắc peih bruk padang jalan Đông Tây. Ini lac công trình praong saong barau abih di ban piah  daong pabak siam bruk patagok kinh te, xa hoi dalam tinh. Công trình hu yaom jien buh tame ngak abih tih jaik 1 rabau  tỷ đồng, dalam nan jien Trung ương meblah  90%, daok veik lac jien karja palei.

          3/ Ngan song kadha “ Jum pataom, hadah krah, kỷ cương, patagok” harei 24/9 di ban sit Cần Thơ nyaom roya Đảng bộ ban sit Cần Thơ mbang ka XIII  tuk vak 2015-2020 hu peih tabiak. Hu mbaok di nyaom roya hu 350 urang đảng naih gheih, lambaok ka labaih 42.000 urang đảng dalam ban sit. Dalam tuk vak tapa đảng bộ ban sit peih ngak hu 20/22 tanut Sarak Đảng bộ mbang ka XII ba tabiak.

          4/ Barau ini, mBan Thường vụ Tỉnh đoàn Trà Vinh pambuak bruk saong  Chi cục tasik saong pulao di Sở Tài nguyên saong Môi trường tỉnh peih mbang pathau khan ka abih urang jakar, urang doàn dalam tỉnh. Asal kadha pathau khan hu adat tasik Việt Nam saong dom văn bản hukum di karja pambuak tal bruk khik ramik, khik caga tasik pulao kaoh. Saai Võ Quốc Vinh, Bí thư Thành đoàn Trà Vinh ndom lac :

Băng: Tapa dom var pathau khan yau ini nyu brei ka urang doan, dam dara thau cambaih asal kadha ka tasik pulao;  thau dahlau dom asal kadha karei saong mạng xã hội urak ini saong daong urang doan, dam dara thau hu labik dang di tasik saong pulao piah nao pathau khan di puk palei drei.

          5/ Yau sa pok pandap alin brei ka dom uranaih dalam tuk tết trung thu thun ni, danak dak ““Chắp cánh niềm tin” kayua Sang doh tuổi trẻ Hà Nội pambuak bruk song gilang pariak SHB brei 4000 harak vé iek kịch brei saoh ka uranaih. Tui nan meng ni tal harei 27/9, di sang doh tuổi trẻ, 2 vở kịch uranaih hu angan kayua dom nghệ sỹ sang doh tuổi trẻ parang main lac “Phiêu lưu dalam dunya hoạt hình” song “Dế Mèn phiêu lưu ký” hu parang main ka dom uranaih mong iek

          6/ Harei 24/9 (lac harei 12 bilan 8 saka ia harei) rilo labik ngak bruk gah sân khấu di ban raya Hồ Chí Minh hu peih tabiak dalam praong prang bruk giỗ tổ gah  sân khấu. Rilo labik ngak bruk gah ini di ban raya HCM ye : Sang daoh cải lương Trần Hữu Trang, sang daoh kịch ban raya, Sân khấu kịch Hoàng Thái Thanh, Sân khấu kịch 5B… jeng peih ngak harei giỗ tổ tui dom adat karei di yaok loại hình nghệ thuật.  

          7/ Harei 24/9 di khu công nghiệp Sông Hậu dalam huyện Châu Thành, tỉnh Hậu Giang, Tổng công ty Hàng hải Việt Nam (Vinalines) hu peih ngak danak dak Khu dịch vụ Hàng hải – pambah lamnge tasik  Hậu Giang, tuk vak ka 1. danak dak Khu dịch vụ Hàng hải – pambah lamnge tasik  Hậu Giang hu padang ngak di angaok taneh prong 87 ha, song yaom jien abih tih jiak 399 tỷ đồng. Danak dak Khu dịch vụ Hàng hải – pambah lamnge tasik  Hậu Giang tuk vak ka 1 hu ba tame pandar di puac thun anak,  meda pabak hu bruk taduan pandap panda dalam bhum taneran krong CL

          Patui di ni dom khau tin dunya:

          8# Nyaom ginum biai mbang yaka 3 Hiệp định ka xúc tiến saong ba mbuan lagaih ka pablei salih dalam labik Tam giác patagok Lào-Việt Nam- Campuchia (CLV) hu peih ngak di dua harei 23-24/9 di tỉnh Chăm-pa-sắc, Lào saong hu mbaok 70  urang jakar mai meng Lào, Cam-pu-chia saong Việt Nam. Kapul urang jakar Việt Nam kayua ông Lê An Hải - Phó Cục Thị trường Châu Á-Thái Bình Dương, mintri Công thương ba akaok hu mbaok tame nyaom biai.

          9/ Mỹ song Cuba meda peih mbang ginum biai ka bruk pasiam talei pambuak bruk hàng không dalam adit tal di La Habana. Hãng tin Roi-tơ (Reuters) hu ba panuac di urang dang akaok Mỹ brei thau, mbang ginum biai hu rah tabiak di harei 28 song 29/9 anak tal, peih tabiak sa jalan ngak bahrau ka bruk tuai damuai du lịch Mỹ tal Cuba  

10/ Gah Y tế dunya daok jhul pakhang bruk kham merat daong ka Yemen kayua dom cơ sở y tế di taneh ia ini daok kareik pambang kayua mesruh metak. Tui gah y te dunya, 6 bilan srau kadau ngak ka yaok rabau urang oh hu iek ruak. Rilo labik y tế nyu tayh tayaic, kurang dom pandap dalam tuk jit ruak mbuan si patuh, abih di nyu nan lac jit pandiak patabiak darah.