1/ Dalam tuk hu mbaok tame dom bruk ngak prong di Đại hội đồng Liên hợp quốc mbang ka 70, Akaok negar Trương Tấn Sang hu pok Huân chương Lao động dhi 2 brei kapul lambaok thường trực VN di Liên hợp quốc.  Brei panuac di tuk jao huân chương, akaok negar ndom lac: Lac Jabat lambaok di labik pataom rilo di abih dom negar di dunya. Kapul lambaok thường trực VN di LHQ njauk patagok bruk meng kan, khik kajap bản lĩnh, kham merat patagok labik dang ka taneh ia, rik dong tame bruk dak padang song khik caga taneh ia dalam tuk vak bahrau.

  2# Di Hà Nội saong ban raya Hồ Chí Minh, mintri Công Thương barau peih danakdak “ adit thau lac pandap Việt Nam 2015 – hadah mbaok pandap Việt Nam”.  Ini lac tukvak daong ka urang blei thau saong pandar dom pandap hu chất lượng, hu angan je kayua doanh nghiệp dalam taneh ia ngak tabiak. Nyom darak hu labaih 500 gian pandap di jaik 300 tập đoàn, đơn vị kinh tế tui 10 nhóm ngành pandap saong praong labaih 6.000m2. Danakdak rah tabiak meng ini tal harei 2/10.

3/ Mbao Phú Yên pambuak bruk song Công ty Đại Nhật (ban raya Hồ Chí Minh) peih bruk jao pok jien bac ka 30 anek saih, SV lai VN –HQ dok di dom tỉnh Phú Yên, Bình Định, Gia Lai, Đắk Lắk song Khánh Hoà. Yaok anek saih hu taduan sa pok jien bac yaom 2 triệu đồng,  SV hu 4 triệu đồng.. Tong abih yaom jien ini kayua urang Việt daok di Mỹ dong brei. Tui kuhria dalam thun ni, Công ty Đại Nhật daok ieu dom urang ngak pahla dong jien bac ka 150 anek saih, SV hu amaik atau ame lac urang VN atau HQ hu rai duik kan kandah yam tagok bac megru naih joi.

4# Piah pacang caga dom kan kandah rah tabiak di lingik tasik, abih di nyu nan lac bilan hajan ia xua jaik tal, tỉnh Quảng Bình brei kaoh tabiak meng kadung jien caga di karja tỉnh thun 2015 yaom jien  22,8 tỷ đồng piah ramik pasiam, pakhang dom cong trinh dahlau bilan hajan ia xua thun 2015. Tỉnh tacei pato dom gah chuc nang nao pasang iek, khik caga siam danao, binek; taphia nan, patagok bruk glang iek, padang ngak siam dom công trình đê kè praong dahlau di bilan hajan ia xua mai.

5/ Dalam dom thun jiak di ni, xã Kon Chiêng dalam huyện Mang Yang (Gia Lai) hu patagok khang “Gilang padai anit ranam” dalam dom puk palei urang bangsa takik, piah dong ka dom boh sang kan kathaot hu padai brah piah mbang dalam dom bilan cang yuak, oh cang karja dong yaok thun. Urak ni, hu 4 palei dalam xã padang Gilang padai anit ranam song yaok thun rik pataom hu meng 7 tal 8 tấn padai, samar dong ka 70- 80 boh sang nyim padai piah mbang. 

          6# Tỉnh Đồng Nai barau hu harak pathau tagok Thủ tướng caong khin  Thường vụ Quốc hội brei pandar cơ chế đặc thù ka danakdak mblang kapan haok dunya  Long Thành dalam bruk giải phóng mặt bằng. Piah ka bruk jao mặt bằng hu salah bloh di thun 2018, suai di abih lac akaok thun  2019, tỉnh Đồng Nai caong khin  Thủ tướng brei adat nyim dahlau jien piah peih bruk giải phóng dahlau 2.750 ha mặt bằng duh ka tukvak sa di danakdak . Yaom jien pabak ka tukvak ini tagok tal labaih 11.200 tỷ đồng.

7/ Tukvak 3 tuk saboh harei 28/9 di km 26, angaok jalan cao tốc ban roya HCM – Trung Lương, labik nao tapa huyện Thủ Thừa, tỉnh Long An rah tabiak bruk 5 radeih ô tô paoh gauk ngak ka sa urang metai, rilo urang njauk rambuac. Thau hu bruk nan, gah langyah bruk angaok jalan cao tốc Ban roya HCM – Trung Lương song cảnh sát giao thông tỉnh Long An hu mbaok chip piah langyah.

Khaw tin dunya

8# Ba Lan saong Iran hu mbaoh tangin tame sa harak pambuak bruk kinh tế, peih tabiak jalan ka bruk pasiam veik talei pambuak bruk kinh tế  di dua taneh ia. Brei panuac di tuk mbaoh tangin di ban ine Tê-hê-ran (Tehran), Phó Thủ tướng gam pan akaok mintri kinh tế Ba Lan Ia-nút Pie-khô-chin-ski (Janus Piechocinski) brei thau, taneh ia ini caong khin patagok talei pambuak bruk chinh tri - kinh te saong Iran, abih di nyu nan lac dalam dom gah ye dầu khí, vận tải, gilang pariak, chế biến pandap mbang menyum saong ngak nông .

9/ Tổng thống Pháp Phrăngxoa Ôlăngđơ (Francois Hollande) brei thau, rajaei negar ni meda buh tabiak 4 tỷ đô la yaok thun ka dom danak dak patagok piah pacang veik bruk biến đổi khí hậu song dom bruk dunya karei karei tui Nyaom biai pakat glong LHQ adit ni. Yaom jien pabak piah pacang biến đổi khí hậu ni hu nao gam haong bruk padang sa gilang pariak patagok bahrau bo ong Ô Lăng đơ cong khin lac sa bruk ngak praong abih di Châu Âu.

10  # Gah Y tế dunya  (WHO) hu ba Nigiêra tabiak truh angan dom taneh ia bhum ruak bại liệt, tui nan tabiak panuac lac bruk patuh bại liệt hu padam di châu Phi. Dalam harak khan brei thau puac adit ini di gah Y te dunya, Nigiêria oh daok mboh urang halei njaom virút bại liệt kuhria meng bilan 7 thun 2014 saong dalam sa thun tapa oh hu urang halei njaom barau ruak bại liệt./.