1/ Harei 4/4, di HN, UV mintri chính trị, Akaok Ủy ban Trung ương Mặt trận negar Việt Nam Nguyễn Thiện Nhân hu taduan raok Amuk Jutta Gisela Frasch,(Jut-ta Ghi sen -Fras) Đại sứ Đặc mệnh toàn quyền negar Cộng hòa Liên bang Đức di Việt Nam. Di var taduan raok, ong Nguyễn Thiện Nhân brei mboh hatai caong khin 2 negar pambuak bruk khang kajap piah padang ngak danak dak siam mekre hu makna pamong tal harei pahadar 40 thun harei padang talei rohim VN –Đức dalam thun 2015. Gah drei, Amuk Đại sứ Jut-ta Ghi sen -Fras cong khin 2 negar patui jalan pambuak bruk khang kajap dalam tukvak anak piah jhul talei rohim dak harei dak tagok tui jalan prong dalam song kein lagaih dalam rilo bruk ngak.

2/ Thủ tướng rajaei barau tabiak harak brei padang mban peih bruk pakat negar pahadar dom harei rija roya praong dalam dua thun 2014 – 2015. Ủy viên mban chấp hành TƯ Đảng, phaok thủ tướng Vũ Đức Đam pan akaok mban ini. Mban peih bruk hu brei bruk daong ka mintri chính trị, mban Bí thư TƯ Đảng tacei pato peih ngak dom bruk pahadar harei rija roya praong pakat negar dalam dua thun 2014 – 2015 saong mban ini tự giải thể hadei di tuk ngak salah bloh bruk ngak di drei.

3/ Thun 2013 nan lac thun hu ribuk, áp thấp nhiệt đới  angaok tasik biển Đông ngak kan kandah tal VN rilo di abih kuhria dalam 50 thun tapa, ngan song 15 mbang ribuk, 4 áp thấp angaok tasik. Bala dalam thun 2013 ngak ka 285 urang metai song lihik, jiak 900 urang njauk rambuac, 12.000 boh sang jaleih, seik ia, tui kuhria khat lihik gah pandap panda labaih 28.000 tỷ đồng. Nan lac panuac khan di nyaom biai patom iek veik bruk pacang caga ribuk thun 2013, peih tabiak jalan pacang caga ribuk thun 2014 rah tabiak harei 4/4 di ban sit Đà Nẵng. Mbang nyaom kayua Mban tacei jalan pacang caga ribuk TƯ, UB pakat negar dong duah urang njauk bala peih ngak ala bruk pan akaok di  Phó Thủ tướng rajaei Hoàng Trung Hải.

4/ Tui kuhria mboh di sở ngak nông saong patagok palei pala tỉnh Kon Tum, meyah dalam bilan 4 ini langik jeng oh ka hu hajan, labaih 650 ha phun pala dom janih, dalam nan ralo meng lac padai ia di puk palei meda kurang ia pruh biak khang. Anak bruk ini, tỉnh Kon Tum daok kham merat peih ngak dom jalan pacang cakak pandiak bhang, yau khik iek catang halau ia di dom binek, pandar ia ka nyu lagaih, patak pataom, plaih khat lahik saong peih bruk pruh luân phiên khik ginup ia pruh ka yaok labik pruh.

     5/ Pahadar 55 thun harei kaya ikan VN, mesup harei 4/4 Sở ngak nong song patagok palei pala ban raya HCM hu peih bruk palao 450 ribau drei ikan pajaih trun krong Tàu Hủ- Bến Nghé. Bruk ni hu daong pasiam veik dom krong ribong, dong padang ngak ka ban raya hacih saat, hijao mekre. Gam song bruk palao ikan, ban raya dok hu panuac ieu bhap bini oh vah ikan, oh pandar dom janih tong chap ikan di ribong bo njauk patagok bruk khik caga  alam môi trường sinh thái.

6/ Ngak tui tacei pato di thủ tướng rajaei ka bruk blei mepiah padai brah dalam bilan đông xuân 2013-2014, tỉnh Long An hu jao brei  blei 99.000 tấn brah, samu 190.000 tấn padai. Dalam tỉnh hu 16 doanh nghiệp hu mbaok tame danak dak blei padai brah mepiah. Tal urak ini, dom doanh nghiệp dalam tỉnh blei mepiah hu labaih 57.000 tấn brah quy đổi, samu 58% tanut hu jao brei. Ngan saong yaom meng 5.600 đồng tal 5.750 đồng sa kg. Tui  yaom yau ini, duk saong adit dahlau nyu tagok jang meng 1.000 đồng tal 1.500 đồng sa kg. Tui ralo urang nông, ngan saong yaom ini, mikva meda hu laba 30% tui bruk daok pamaong ngak  di rajaei.

7/ Rayo papar binguk KBS (Hàn Quốc) harei 4/4 brei thau, HQ song Mỹ dok ginum biai bruk daok brei padeih kế hoạch salih quyền pan akaok tacei ba bruk ngak saman mesruh metak meng gah Mỹ tapa  HQ. Tui kuhria, 2 negar meda peih dom mbang ndom nyai pakat chuyên viên ka tukvak song dom kadha piah peih bruk salih quyền nan dalam mbang ginum biai quốc phòng Mỹ-Hàn di harei 15/4 anak tal di Oa-sinh-tơn, Mỹ. Ni lac sa dalam dom kadha prong dalam nyaom pakat glong Mỹ-Hàn di puac bilan 4 ni.

Patui di ini dom khau tin dunya:

8./ Sa urang ngak praong di gah kaya ikan di Japon bahrau brei thau, taneh ia ini brei klaak bruk taong chap ikan voi di bhum tasik Nam Cực, dom harei hadei di tuk Tòa án Công lý dunya tabiak panuac brei Japon  padeih bruk taong chap ikan voi di buum tasik ini. Min Japon jeng daok peih ngak dom jalan taong chap ikan voi di dom labik karei, dalam nan hu bhum tasik di gah barak Thái Bình Dương./.

9/ Jabat an ninh liên bang Nga brei thau, hu cap kreik 25 urang Ucraina daok caong ngak dom bruk tấn công khủng bố di tukvak rah tabiak bruk trưng cầu ý dân di bán đảo Crưm bilan dahlau. Dalam sa panuac ndom, jabat ini brei thau, dom urang njauk cap krek nan, lac dom urang daok dalam kapul tui chủ nghĩa bangsa – cực đoan saong daok kuhria caga ka dom bruk tấn công meng harei 14 tal harei 16/4 tal di labik bhum kreh negar saong gah meraong di Nga./.