1/ Dalam 2 harei 28 song 29/ 9, Phó thủ tướng rajaei Vũ Văn Ninh song dom urang ldalam kapul QH tỉnh Nam Định hu taom gaok cử tri dahlau di mbang nyaom 10, QH mbang 13 di dom huyện Nam Trực, Trực Ninh song Nghĩa Hưng. Dalam dom var taom gaok, Phó thủ tướng rajaei Vũ Văn Ninh hu ndom nyai song cử tri ka dom sarak brei mesraiy ka gah ngak nong, anek saih, SV mesraiy piah bac megru, sarak patrun kathaot iek tui rilo gah dalam tuk vak anak tal.

        2# Di Hà Nội, Sang bac urang jakar Thanh tra di Thanh tra rajaei hu peih tan pato, pasram bruk thanh tra paglaong ka dom urang jakar Thanh tra rajaei taneh ia Cộng hòa Dân chủ bhapbini Lào. Tan pato piah pabak dom kiến thức lý luận saong thực tiễn, paglaong ilamu dalam bruk thanh tra, langyah khiếu nại, tố cáo saong pacang caga tham nhũng ka dom urang bac, urang jakar Thanh tra rajaei Lào. Khóa pato hu tabiak dalam 3 bilan, meng harei 29/9 tal 26/12. 

3/ Harei 29/9 di sang bac ĐH Thái Nguyên hu peih bruk jao pok jien bac di mintri ilamu song nghệ thuật mbang Hessen song peih bruk dong sang bac ĐH dunya Cộng hòa liên bang Đức ka 20 SV naih gheih di Thái Nguyên, yaok pok jien bac yaom 5 triệu 100 ribau đồng ( samu 210 Euro). 20 SV taduan hu pok jien mbang ni lac dom SV kham merat bac megru siam, hu điểm bac meng 7,5 tagok, sang kan kandah, palei dok di bhum atah bayah, atau lac anek bhik di urang bangsa takik, dok dalam sarak karja. 

         4# Harei 29.9, di Hà Nội, 77 sinh viên bac tamat cử nhân Quốc tế di Đại học Anh quốc Việt Nam (BUV) hu pok angan di Lễ tốt nghiệp ka dom sinh viên mbang 3. Abih di nyu nan lac hu 17% sinh viên tốt nghiệp Hạng ưu dunya . Dom  sinh viên ini hu bac blaoh danakdak bac cử nhân gah Quản trị kinh doanh dunya, Quản trị Marketing (kayua Đại học Staffordshire brei bằng) saong jien padai gilang pariak (kayua Đại học London brei bằng). taong abih sinh viên tốt nghiệp hu bruk ngak hadei di 3 bilan tabiak truh sang bac .

       5/ Tỉnh Quảng Bình bahrau kaoh tabiak 23 tỷ đồng meng kadung jien karja piah pasiam veik dom binek kavei. Taphia nan, tacei pato dom gah chức năng patagok bruk pasang iek, khik ka siam dom binek, kavei dalam bilan hajan ribuk. Urak ni dalam tỉnh hu 12 công trình đê, kè dok ngak hu meteh dhi. Kayua phun jien buh brei oh ka ginup, rilo công trình bahrau ngak hu 30% bruk di nyu. 

         6#  Liên đoàn lao động tỉnh Lâm Đồng barau peih pakak sang ilimo lao động di ban sit Đà Lạt. Công trình hu padang ngak angaok taneh praong 21.267m2, diện tích padang ngak abih tih 4.200m2,  hu 3 khối chức năng nan lac: Dom duk nyaom biai, duk phiên dịch báo chí; hội trường biểu diễn đa năng saong dom libik kalup kapul  chuyên đề, thể hình, thẩm mỹ saong labik hành chính. Công trình nan ngak abih jaik 152 tỉ đồng, dalam nan kadung jien karja buh brei 80 tỉ đồng, kadung jien karja tỉnh jaik 56,9 tỉ đồng.

7/ Tỉnh Cà Mau urak ni hu 30.000 urang kamei viên chức, lao động. Adei saai rilo meng lac urang ngak meng tangin takai, jien bilan takik. Piah dong ka urang kamei viên chức, lao động hu rai duik kan kandah, njauk ruak kan kandah, meng thun 2010- 2014 dom pakat công đoàn tỉnh hu dong ka 715 boh sang urang kamei viên chức, lao động yaom jien labaih 300 triệu đồng, dong ka 374 urang kamei hu mesraiy labaih 1 tỷ đồng (yaok saai hu mesraiy meng 3 tal 5 triệu đồng yaok thun), tapa nan dong patagok rai duik ka dom urang kamei  viên chức lao động dalam tỉnh.

Khaw tin dunya

8# Harei (29/9) , dalam nyaom biai pakat glaong di abih ka bruk khik ramik hòa bình Liên hợp quốc, hu mbaok labaih 50 taneh ia, Thủ tưởng Pra-dút Chan-ocha (Prayuth Chan-ocha) sanya, Thái Lan halan hatian pataom tame dom danak dak daong nhân đạo dalam dom bruk srau kadau di dunya tui caong khin di Liên hợp quốc. Thủ tướng Pra-dút Chan-ocha brei thau, kuhria meng tuk jeng thành viên Liên Hợp Quốc thun 1946, Thái Lan hu payua labaih 20 rabau cảnh sát, quân nhân nao khik ramik hòa bình di Liên hợp quốc di rilo taneh ia njauk mesruh metak ngak tayah tayac ye Hàn Quốc, Đông Timo saong Nam Sudan.

9/ Singapore hu jeng pasak pablei salih pandap panda prong abih di bhum Châu Á urak ni. Jiak 80% dom công ty praong dang akaok di dunya dok ngak bruk Singapore song yaom jien mek tame meng bruk pablei pandap tabiak negar langiu di Singapore hu 1 ribau 300 tỷ dola Mỹ dalam thun 2014. Tui kuhria yaok thun hu labaih 10 ribau tỷ USD pandap panda hu ngak song pablei di dunya.

10#  Nhật Bản, po sang di Olympic 2020, peih ngak di Tokyo, barau hu panuac caong ba tabiak 5 môn thể thao lac bóng chày/bóng mềm, karate, trượt ván, ndik ceik thể thao saong lướt sóng tame angan janih pakacah di Đại hội. Tui kuhria meda hu rilo jang 474 vận động viên tame pakacah di 18 bộ huy chương, ngan saong  9 nội dung caik ka urang likei jeng ye urang kumei. Bruk ini hu Ủy ban Olympic dunya IOC buh phiếu di bilan 8/2016.