1/ Thủ tướng rajaei bahrau brei padang Mban peih ngak pakat negar Nyaom roya tasik Đông Á mbang ka 5. Tui nan, Akaok mintri Tài nguyên song môi trường Nguyễn Minh Quang pang akaok kapul. Mban peih ngak Nyaom roya hu brei bruk padang ngak cambaih laih, tacei ba bruk peih ngak jak jeng dom nyaom roya, nyaom biai song dom bruk ngak hu rah tabiak dalam tuk vak di nyaom roya tasik đông Á, khik hu siam lagaih, siam mekre, patak patom. Nyaom roya tui kuhria hu peih ngak di VN meng harei 16 tal harei 21/11/2015 di ban sit ĐNẵng. Tui kuhria hu labaih 600 – 700 urang

          2# Phó Thủ tướng Nguyễn Xuân Phúc – akaok mban tacei pato pataom iek veik 10 thun peih ngak hukum pacng caga tham nhũng barau patabiak bruk tacei pato, pachreih ba, pasang iek, taong yaom bruk pataom iek veik 10 thun peih ngak hukum ini. Jalan ngak ini piah taong yaom hu chat luong, kein laba di bruk pataom iek veik di mintri, nganh, puk palei tapa nan ngak pasiam sarak, adat ka pacang caga tham nhũng.

3/ Di HN, Tổng Cục Chính trị bol bala bhap bini Việt Nam peih danak dak ““Dạ hội thanh niên: Tuổi trẻ Quân đội uan tabuan yam takai ala hala doh Đảng”. Danak dak hu padang ngak tui jalan bán sử thi, hu mbaok labaih 400 ca sĩ, nghệ sĩ mai meng dom kapul nyaom nghệ thuật dalam bol bala song labaih 1 ribau 300 diễn viên quần chúng lac urang đoàn Học viện kỹ thuật Quân sự, sang bac sĩ quan đặc công. Danak dak piah pahadar veik ilamu hadah krah, hào hùng, brei mboh bruk pan akaok ba jalan di đảng Cộng sản Việt Nam ngan saong bol bala.  

        4  # Meng akaok thun tal ini, Kapul daong urang jaoh jo saong uranaih metui medhar tỉnh Sơn La pambuak bruk saong dom labik từ thiện ye : kalup kapul Nghệ thuật trẻ, tập đoàn Wiilliamgroup, kapul Đông y Hà Nội... mai ravang, alin daong ka jaik 4.500 urang ngak saong yaom jien abih tih jaik 2 tỷ đồng.  Meng bruk ngak siam lagaih, kapul daong urang jaoh jo saong uranaih tỉnh Sơn La hu rik daong urang jaoh jo saong uranaih metui medhar  langyah takik rilo kan kandah dalam raidiuk yaok harei, taphia nan, daong dom urang nan hu pren khang yam tagok, mbeik drei tame bhapbini.

          5/ Kuhria tal harei 31/8 thun ni, dalam negar hu 85 mbang bala angaok jalan krong, ngak 36 urang metai, 7 urang njauk rambuac , kram 76 kapan gaiy. Dut song 8 bilan thun dahlau, bala angaok jalan kraong di negar dalam thun ni tagok labaih 23%. Dalam nan, Đồng Tháp lac tỉnh hu bala angaok krong rilo di abih, 12 mbang ngak 4 urang metai. Dom kapan gaiy pajeng pandap gaok bala di angaok jalan krong hu labaih sa meteh dom bala.

          6 #  Sở Thông tin- Truyền thông saong kapul Tin học ban raya Hồ Chí Minh barau pambuak bruk peih nyaom biai ka brukgiao thông đô thị thông minh. Rilo urang jakar ndom lac, giao thông thông minh nan lac hu bruk điều khiển, glang iek piah ba tabiak dom quyết định samal ka labik khik ramik saong urang nao mai di jalan mbak. Tapa nan, daong patrun patakik bruk gar radaih saong njauk bala angaok jaln mbak.

          7/ Adit thời trang Việt Nam xuân hè 2016 rah tabiak meng harei 25 tal 28/9 di trường quay S14 di rayo papar binguk Việt Nam. Dalam 4 melam parang main hu yaik khan tal menuac urang 900 mẫu khan aow bahrau di abih di 17  urang thiết kế Việt Nam, Malaysia song Italia. Dalam nan Chula sa dalam angan khan aow di urang thiết kế Italy hu ba mai dom janih mẫu  khan aow năng động, khỏe khoắn meng tanyah di VN. GenViệt hu yaih khan dom bộ sưu tập Jeans hu angan "bingu angaok patau"  peih ngak tui jalan mbuan lagaih, hu  tính ứng dụng glong.

                 Khaw tin dunya

 8# Tổng thư ký NATO Gien Xtôn-ten-bớc (Jens Stoltenberg)  mboh duh hatai ka “bruk hu mbaok quân sự biak rilo” di Nga daok di Xyri, saong daok pachreih Nga pambuak bruk saong Mỹ dalam bruk mesruh pacang kol IS. Tổng thư ký NATO jeng  pok meyaom bruk takik abih hu dom mbang taom gaok di Mỹ saong Nga dalam bruk ini .

          9/Bruk pathau khan pacang caga pablei salih menuac labik tapen negar VN- Lào bahrau hu peih tabiak di huyện Khăm cợt- tỉnh Bo ly Khăm xay di Lào. Brei panuac di tuk peih bruk, amuk Ăm phay văn Khăm sẻng xỉ vị lay - Phó akaok Trung ương Hội liên hiệp urang kamei Lào brei thau: VN song Lào samar pambuak pagam tong abih taneh ia song di 2 negar piah peih ngak siam lagaih Hiệp định di 2 rajaei ka bruk pacang caga pablei salih menuac .

10# Cảnh sát In-đô-nê-xi-a barau mek khik 18 urang di cư gan di bhum tasik langiu pulao Gia-va (Java) kayua gilai di dom urang ini abih menyek tuk daok di jalan nao tal Ô-x-trây-li-a. Dom urang ngak praong di Indonesia brei thau, kapul nyaom urang ini mai meng taneh ia Băng-la-đét, Ấn Độ saong Pakixtan.