#/ Di Hà Nội, Ủy ban bangsa bahrau ginum biai Ban peih bruk Lễ pahadar  70 thun harei padang cơ quan bruk bangsa. Pok panuac tacei mbang nyaom, Thứ trưởng, Phó Chủ nhiệm Đỗ Văn Chiến hu panuac ieu dom tiểu ban tui iek jalan peih bruk pamong tal lễ pahadar 70 thun harei padang jabat khik caga karja ka bruk bangsa. Phim tài liệu hu angan lac “ Hadah hadai 70 thun bruk bangsa";  daok bruk thể thao, meda peih bruk jum pataom main dom môn thể thao dalam jabat cơ quan. 

          #/ Di ban raya HCM hu peih ngak var ngak bruk di mintri Y tế, tacei ba Thành ủy ban raya Hồ Chí Minh song dom sang iek ruak dok di labik ka bruk quá tải sang iek ruak dalam tuk dự án patrun tiến độ. Piah klak di quá tải, Akaok mintri Y tế Nguyễn Thị Kim Tiến brei thau, ban raya HCM njauk pataom tame bruk cơ sở hạ tầng, pachreih ba xã hội hóa, pagam bruk công-tư. Bí thư Thành ủy ban raya Hồ Chí Minh Đinh La Thăng hu panuac ieu bilan 9 thun ni ba tame pandar sang iek ruak Nhi đồng ban raya Hồ Chí Minh di huyện Bình Chánh. Jang yau palagaih tavak tavaiy, khik caga harei 2/4, meda peih bruk padang ngak sang iek ruak Ung bướu cơ sở 2. Ka dự án sang iek ruak Chấn thương chỉnh hình, Bí thư Thành ủy ban raya Hồ Chí Minh hu panuac langyah bruk taneh rija, meyah salih bruk nhà đầu tư piah khik caga tiến độ.

# Tuk vak tapa, Kapul urang kamei tỉnh Tuyên Quang padang ngak hu 230 mô hình ngak mbang KT joi hu tong abih labaih 9.000 mô hình, dalam nan hu rilo mô hình duah hu labaih 100 triệu đồng dalam sa thun. Kapul hu dong labaih  14.600 urang kamei kan kathaot, dalam nan hu 4,400 urang kamei tapa truh kan kathaot.

        #/ Bahrau ni, UB bhap bini tỉnh Quảng Ninh bahrau peih bruk jao harak chứng nhận tut angan tame dự án rong glang limo rilaow song limo pajaih di Công ty  Phú Lâm  di ban sit Móng Cái ngan song tong abih phun jien labaih 2000 tỷ đồn. Dự án ni hu taneh prong labaih 1000 h, dalam nan hu labik rong limo rilao, labik rong limo pajaih. Ni lac dự án công nghệ glong, hu peih ngak di bhum kan kandah di ban bhum tapen negar gah barak Móng Cái. 

# Công an huyện Tuy Đức, tỉnh Đắk Nông dok peih bruk tui iek ngak brei cambaih laih yaok pluh côn đồ tấn công, tong paoh njauk rambuac sa urang jakar khik caga glai bahrau ini di huyện. Bruk rah tabiak tuk kapul khik caga glai Công ty Long Sơn dok peih bruk tui iek glai di khu vực dok tiểu khu 1535, xã Đắk Ngo, huyện Tuy Đức, hu sa nyaom hu labaih 20 urang mek gaiy tấn công. Urak ni gah công an huyện Tuy Đức dok peih bruk chap mek dom urang hu pagam tal bruk tui iek piah ngak cambaih laih bruk ngak.

             #/ Di ban raya HCM, labaih 5000 urang kamei di dom ban, ngành, DN, SV dom sang bac ĐH ban raya hu mbaok tame danak dak nao kabak piah padang kadung jien dong ka urang kamei kan kathaot ban raya HCM. Danak dak kayua Kapul urang kamei doanh nhân ban raya HCM pambuak bruk song kapul urang kamei ban raya peih ngak pahadar 106 thun harei dunya urang kamei 8/3 .

# Urang likei dam 8X  Hồ Văn Tư hu jeng sa kreik camin hadah hadai di bhap bini di urang Cor palei Tây, xã Trà Thọ, huyện vùng cao Tây Trà, Quảng Ngãi kayua  bộ sưu tập cồng chiêng dalam nan hu tal 4 gu biak hu yaom glong bo saai dok sở hữu. Ngan song urang Cor di labik ni, Chiêng lac sa janih alat lagam pagam song rai duik hatai sahaneng.

Patui di ni dom khau tin dunya:

#/ Trung Quốc hu peih sa mbang pajeng ba tasik bahrau meng pambah mbang lamnge Khâm Châu (Qinzhou) di Khu tự trị bangsa Choang Quảng Tây tal Myanmar. Jalan pajeng ba dunya bahrau hu pagam tal Khu Hành chính đặc biệt Hong Kong (Trung Quốc) song dom pambah lamnge tasik di dom negar Đông Nam Á như Singapore, Malaysia song Việt Nam, dahlau di tuk tal Myanmar. Ngan song bruk nan, urak ni tuk vak pajeng ba pandap panda meng Vịnh Bắc Bộ tal ban Yangon (Y-an-gun) di Myanmar meda abih 12 harei, patakik 7 harei dut song jalan pajeng ba meng kan.

#/ Ấn Độ song Bangladesh hu ngak salah sa bruk brei klah rabha jalan ia krong Teesta (Ti-xta) hu padeih meng livik. Hadei di tuk ginum biai di Đối thoại hữu nghị Bangladesh - Ấn Độ mbang ka 7 di ban ine Dhaka, ong  Gowher Rizvi (Gô-oe Ri-dơ-vi), cố vấn di Thủ tướng Bangladesh, brei thau thỏa thuận hu halan hatain song samar hu mbaoh tangin tame. Jeng di mbang ginum biai hữu nghị Bangladesh - Ấn Độ mbang ni 2 gah hu ba tabiak 5 nghị quyết njauk patui ngak dalam Tuyên bố Dhaka,, jang yau njauk hatai ka bruk ginum biai hu peih ngak di ban ine New Delhi, Ấn Độ. 

# Tổng thống Iran Hassan Rouhani (Hát-xan Ru-ha-ni)   hu panuac ieu Mỹ kham merat jang dalam bruk peih ngak tong abih bruk bahrau hu hiệu lực di kreik bilan, dalam tuk vak dom kan kandah song gah gilang pariak Iran dok cakak bruk pablei tabiak negar langiu menyek tamo di negar Trung Đông ni. Ong Rouhani ndom lac dom bruk ngak karei, Mỹ oh kham merat peih bruk sinya, kayua dom bruk trừng phạt piah pamong tame gah gilang pariak di Iran urak ni oh ka palagaih./.