1/ Ub bhap bini tỉnh ninh Thuận pambuak bruk song Công ty pajeng ba jalan pasei Bei Gon bahrau khai trương 2 radaih pui STC1/STC2 “Bei Gon – Tháp Chàm – Bei Gon”, angan lac radaih du lịch “Phan Rang roh duah bahrau” SCT1/2. radaih pui STC2 peih di harei 3/10/2015, tabiak  meng Ga Bei Gon tal Ga Tháp Chàm, pataok brei tuai trun tagok  di 5 ga nan lac Bei Gon - Biên Hòa - Bình Thuận - Cà Ná - Tháp Chàm. Radiah STC1 peih di harei 4/10/2015, tabiak meng ga Tháp Chàm , pataok brei tuai trun tagok di 6 ga nan lac Tháp Chàm – Cà Ná – Sông Mao – Bình Thuận – Biên Hòa – Bei Gon. 2 radaih pui du lịch ini hu daong palagaih ka tuai damuai nao mai hu mbuan lagaih jang.

2/ Di tỉnh Bình Dương, sang bac Cao đẳng bruk ngak 22 di Quân đoàn 4, mintri QP barau pataom iek veik thun bac 2014 – 2015. Dalam thun bac 2014 – 2015, sang pato bruk ngak 22 hu pato ka jaik 5 ribau anek saih dalam saong langiu bol bala dom bruk yau: công nghệ thông tin, cơ khí, điện – điện tử, công nghệ ô tô, pato peih radaih ô tô… Sang pato bruk ngak jeng hu tacei jalan bac bruk ngak saong ba bruk ngak ka labaih 7 ribau urang, dalam nan hu labaih 5 ribau urang lin xuất ngũ di dom đơn vị dalam Quân đoàn.  

3/ Meng harei 25/10 tal harei 18/11/2015, UBMT negar VN ban raya HCM hu peih “ Harei jum pataom tong abih bangsa” di labik daok thun 2015. Harei patom ni piah paglong jang hatai sahaneng di bhap bini ka sajarah hadah hadai di Mặt trận bangsa yasa VN jang yau labik dang di MT negar dalam tuk vak urak ni. Taphia di nan, patagok labik dang di bhap bini di labik dok, kham merat hu mbaok tame dom bruk pakacah gauk anit ranam taneh ia, dak padang labik dok ilamu.

4/ 3 harei ini, hajan khang gam saong triều cường ngak ka ia di kraong Tiền labik Cồn Hô, palei Mỹ Hiệp A, xã Đức Mỹ, huyện Càng Long, tỉnh Trà Vinh tagok glaong sraiy tabiak, ngak jaleih ralo ar, ngak ka ralo bein phun mbang baoh saong danao raong kaya ikan dauk ia saong jaik 30 baoh sang bhap bini gaok kan kandah. Amuk Trần Thị Mến, sa baoh sang hu taneh pak di labik glut jaleih brei thau:

“Duh hatai lô  taneh glut jaleih biak nguy hiểm. Meyah nyu jaleih miat yau nan dahlak oh daok taneh tra. Abih jaleih labik ini, bloh tal labik daih”

5/ Di tỉnh Bạc Liêu kayua áp thấp nhiệt đới song ribuk ka 3 meng bloh ngak ka rilo mblang padai tal tuk yuak nyu jaoh jaleih, ngak kan kandah ka bruk yuak meng jamriak. Nan ye jien pah yuak nyu tagok glong, abih jiak sa triệu sa công. Langiu di nan, urang nong dalam tỉnh daok gaok kan kandah kayua padai njauk hijan oh siam, nan ye urang blei bayar yaom lap. 

6/ Meng harei 2/10, UB bhap bini ban sit Hội An, tỉnh Quảng Nam hu peih bruk ba pandap ilamu – du lịch “nghệ thuật tamia rối ia” tame duh ka tuai du lịch. Taphia dom kadha bhian randap di nghệ thuật rối ia VN yau calui cap ikan, pakacah gaiy gilai, tamia tứ linh… dom diễn viên di pasak ilamu, TT saong DL ban sit Hội An daok parang iek dom kadha ndung bak ilamu di palei Quảng yau tamia Apsara…

7/ Harei patom ilamu du lịch palei ngak meng kan Hà Nội 2015 hu angan “ Ilamu meng kan, mbeik drei tame song pambak prong” hu rah tabiak meng harei 7/10 tal harei 11/10/ 2015 di Cung Thể thao Quần Ngựa, Hà Nội. Harei patom thun ni parang tabiak 300 gian hàng, lambaok ka dom palei ngak meng kan, dom nghệ nhân hu angan je di Hà Nội yau, lan am, mây tre đan, put, menyim,  baar, rup cih, sarak kayau...

Patui di ini dom khau tin dunya:

8/ Jaik 16 tuk biar harei 30/9, dom mbang patuh rah tabiak di ralo labik hu rilo menuac sia nao mai yau mblang radaih, siêu thị, sang iek ruak, darak…. dalam huyện Liễu Thành di khu tự trị bangsa Choang, Quảng Tây TQ, ngak takik di abih 7 urang metai, 2 urang lahik saong 51 urang njauk rambuah dalam dom mbang patuh ndom angaok nan. Tui panuac khan barau di abih, cảnh sát  thau hu menuac ngak patuh saong daok duah thau makna ba tal bruk nan.

 9/ AP song Roi-tơ ba panuac pathau khan di LHQ brei thau, meng akaok thun 2015 tal ni hu labaih 500 ribau urang tị nạn, mai meng bhum Trung Đông, châu Phi song châu Á, tapa Địa Trung Hải tal dom negar di Liên hiệp châu Âu. Dalam nan hu labaih 338 ribau urang tal Hy Lạp; 2.980 urang metai atau lihik di tuk nao tapa tasik praong.

10/ Đức daok pasang iek brei 5 tỷ ơ – rô (samu 5 tỷ 600 triệu USD) piah bayar jien iek glang urang tị nạn thun 2016. Dalam tuk nan, NB brei thau, meda buh tabiak 810 triệu USD daong urang tị nạn meng Xy-ri saong I-rắc. Tổng thống Bra-xin Đ.Rút-xép brei thau, daok taduan urang di cư tui sarak hu peih ngak luac sa abhap tapa. Dua thun jaik di ini, Bra-xin hu brei thị thực ka labaih 7.700 urang tị nạn, dalam nan hu 2.900 urang Xy-ri./.