1/ Thủ tướng rajaei bahrau mbaoh tangin tame Đề án pabak bruk papar sap, papar binguk tapa mạng internet brei ka urang VN dok di negar langiu tukvak 2015-2020. Đề án hu ba tabiak 3 bruk ngak prong nan lac pabak bruk papar sap papar binguk tapa mạng internet brei ka urang VN dok di negar langiu, ngak dom danak dak papar sap, papar binguk hu chất lượng brei ka urang VN dok di negar langiu, tong yaom, pasang iek bruk peih ngak danak dak.

2/ Parang iek “Hương sắc, the scent of colors” di họa sĩ Nguyễn Bá Tuấn rah tabiak meng ini tal harei 14/11 di HN kayua pasak ilamu HQ di VN peih tabiak. Mek đề tài phong cảnh di Vịnh Hạ Long saong bhum Bắc Bộ, parang iek hu yaih khan tal bhap bini 18 blah tranh sơn dầu. Dom tác phẩm di họa sĩ ba mai dom xúc cảm dreih yau 4 bilan di HQ saong lac talei pambuak khán giả dua taneh ia hu thau ka gauk jang.

3/ # Sở ilamu thể thao du lịch  Đà Nẵng peih Trại sáng tác mỹ thuật 2014 hu angan ieu lac “Rai duik song anek menuac Đà Nẵng” tui janih tranh sơn dầu. Trại sáng tác peih tabiak meng ni tal harei 16/11 song hu mbaok di 15 họa sỹ hu angan je di ĐN, HN, ban raya HCM, Dom họa sỹ hu nao maong iek tapak dom labik yau  Ngũ Hành Sơn, Bà Nà, bán đảo Sơn Trà... Hadei di tuk tamat Trại sáng tác, tong abih blah rup cih di trại hu jao ka muinyim Mỹ thuật Đà Nẵng.

4/ UB bhap bini tỉnh Phú yên tacei pato lac, suai di abih tal harei 30/11, dom huyện, ban sit dalam tỉnh brei ngak salah bloh bruk mbaoh tangin tame harak angan dom baoh sang kan kathaot hu daong padang ngak sang daok tui Quyết định 48 di thủ tướng rajaei. Tui nan, tỉnh Phú yên kham merat dalam thun 2014 hu 20% dom baoh sang hu daong padang ngak sang daok saong dua thun patui di nan, lac thun 2015 saong thun 2016, yaok thun hu 40% dom baoh sang hu daong brei. Urak ini, sở padang ngak Phú yên hu patabiak 3 mẫu thiết kế sang daok nyaik ribuk ia sua piah ka bhap bini palih ruah.

5/ Sở lao động thương binh song xã hội tỉnh Tây Ninh brei thau, Sở hu pok panuac tagok UB bhap bini tỉnh brei tagok yaom jien mbang meng 15.000đồng ka sa urang dalam sa harei tagok 30.000đồng ka sa urang dalam sa harei ka abih 3 nyaom urang ngak bruk palei pala hu mbaok tame bac bruk ngak. Min hu rilo panuac ndom lac, tapen bruk tagok yaom jien mbang, brei paglong chất lượng pato bruk ngak, piah ka urang ngak hu bruk ngak, hu jien mek tame hadei di tuk bac bruk ngak, yau nan meng pachreih hu urang ngak tame bac bruk ngak rilo jang

6/ Sở Công thương tỉnh Đồng Nai brei thau, meng harei ini tal harei 26/11, sở hu pambuak bruk saong 2 huyện Cẩm Mỹ, Long Thành peih gilac 2 nyaom drak pandap Việt mai palei pala. Nyaom drak hu peih tabiak di pasak ilamu bac megru bhap bini xã Lâm San, huyện Cẩm Mỹ saong xã Cẩm Đường, huyện Long Thành. Ini jeng lac tuk piah ka dom doanh nghiệp patagok bruk yaih khan pandap Việt, pabak dom pandap hu angan je tal tangin urang blei pandar saong yaom mbiah,lagaih.

7/ Di tỉnh Sóc Trăng, Kapul urang kamei VN pambuak bruk song mBan tacei jalan Tây Nam Bộ song Ủy ban bhap bini tỉnh Sóc Trăng bahrau peih ginum biai klah rabha ilamu patagok KT boh sang di urang kamei palei pala bhum taneran krong CL. Dalam ginum biai, dom urang ndom lac bruk ngak mbang KT boh sang bhum taneran krong CL dok sit sot. Kayua yau nan ye, jien duah hu di bhap bini dok beir, bruk khik ramik an sinh XH gaok rilo kan kandah.

Patui di ini dom khau tin dunya:

8/ Thủ tướng Malaixia Na-díp Ra-dắc saong Thủ tướng Hà Lan Mắc Rút-tơ brei thau, dua taneh ia brei ba urang pasang iek nao tal labik kapal haok MH17 laik piah ba mai palei dom phần thi thể daok veik di urang metai, taphia di nan, brei duah thau bruk kapal haok laik saong ba dom urang hu trách nhiệm tabiak công lý.

9/ Rajaei Mỹ bahrau ni brei thau, hu pok panuac tagok QH brei tapa yaom jien buh tabiak 6 tỷ 180 triệu đôla ka bruk mesruh pacang jit ruak Ebola. Nhà Trắng tabiak panuac brei thau: ni lac tuk piah ka Qh song rajaei patui jalan pambuak bruk haong gauk piah pabak dom kadha njauk ngak dalam bruk pacang cakak jit ruak Ebola di  Tây phi jang yau dalam taneh ia. Bilan 9 meng bloh, QH Mỹ brei tapa yaom jien buh tabiak labaih 88 triệu đôla ka dom bruk kham merat pacang jit Ebola./.

10/ Tui kuhria mboh bahrau ini di mintri bruk ngak saong an sinh XH Tây Ban Nha, dom urang tut angan oh hu bruk ngak dalam bilan 10 di taneh ia ini hu gac jaik 1,8 mbang - samu 79.154 urang duk saong bilan 9, patagok urang oh hu bruk ngak nan lac 4.526.804 urang. Urang oh hu bruk ngak tagok ralo meng lac kayua tamat bilan du lịch tabung gloang dalam taneh ia, ngak ka nhu cầu bruk ngak patrun, ba tal bruk urang oh hu bruk ngak tagok rilo./.