1/ Dalam tuk  hu mbaok dalam nyaom biai pakat glong LHQ, harei kabroi 28/9, Akaok negar Trương Tấn Sang  hu taom gaok Tổng thống Pháp Francois Hollande. Di tuk taom gaok, Akaok negar ndom lac Vn biak iek prong bruk patagok talei rohim song Prang, sa dalam dom taneh ia pambuak bruk dang akaok di VN pak Châu Âu song di dunya. 2 urang dang akaok mboh biak njauk hatai ka bruk patagok talei rohim di 2 negar hadei di tuk VN song Prang padang talei pambuak bruk chiến lược di thun 2013.

2# Harei (29/9),  di huyện pulao Phú Quốc, tỉnh Kiên Giang, Ban Dân nguyện di Uỷ ban Thường vụ Quốc hội peih nyaom biai paglaong siam lagaih bruk ngak di gah dân nguyện pagam saong peih ngak Hukum negar”.  Dalam nyaom biai, hu rilo tham luận, dalam nan pataom tame bruk paglaong kein laba bruk taduan raok bhapbini di dom jabat di Quốc hội saong Ủy ban Thường vụ Quốc hội, di kapul urang Quốc hội saong di urang Quốc hội.. Dom urang dalam nyaom biai mboh lac, bruk duah thau, langyah, ba đơn, thư di bhapbini tal jabat hu thẩm quyen daok rilo hạn chế. Talei pambuak bruk di dom jabat di Quốc Hội daok  hu dom tavak tavaiy.

 3/ Di ban raya HCM, meng bruk hu mbaok di lambaok urang pan akaok song DN 18 tỉnh ban di gah merong, lambaok urang pan akaok Cục Ngoại vụ,  mintri ngoại giao negar drei song urang pan akaok Phòng Thương mại song Công nghiệp Đức song urang pan akaok Hiệp hội Doanh nghiệp Đức di Việt Nam hu mbaoh tangin tame Harak hadar pambuak bruk. Harak nan lac sa bruk ngak siam di mintri ngoại giao piah pambuak dom puk palei song dom DN đức dalam tuk talei rohim pambuak bruk di VN song Đức dak harei dak tagok.  

4# Hadei di rilo thun yaom tabau nguyên liệu trun khang, bilan ini yaom tabau di tỉnh Hậu Giang daok tagok veik, urang pala tabau biak uan tabuan saong caong hu sa bilan tabau yamen hadei di dom thun phik. Amuk Phạm Thị Út, xã Tân Tiến, ban sit Vị Thanh, tỉnh Hậu Giang brei thau, tui yaom tabau yau urak ini, laba hu jaik 30 triệu đồng/sa ha. Ini meda lac sa bilan tabau yamen hadei di rilo thun khat trak. 

5/ Kuhria tal harei ni, dom jabat, đơn vị, puk palei dalam tỉnh Bình Định padang ngak hu  1.558 tu tapuk. Dalam nan hu 222 tu tapuk adat hukum pakat xã, 280 tu taupk adat hukum pakat huyện, 331 tu tapuk di jabat, đơn vị pakat tỉnh song 627 tu tapuk adat hukum di gah pato pakai. Bruk padang tu tapuk adat hukum di dom jabat, đơn vị, puk palei hu daong palagaih ka urang jakar, công chức, viên chức,, urang lin, anek saih song bhap bini duah thau piah thau hu rilo jang ka adat hukum, dong patrun bruk ngak suan adat hukum.  

6# Dom thun jaik ini, bruk pato megru di bhum bhapbini bangsa Khmer hu tỉnh Sóc Trăng biak caik hatai sangka. Urak ini, Soc Trang lac tỉnh dang akaok bhum taneran kraong Cửu Long ka dom sangbac bangsa gam bac gam daok caik ka anek saih bangsa Khmer saong 9 sang bac bangsa gam bac gam daok di dom huyen, ban, sa sang bac bangsa gam bac gam daok pakat tỉnh. Labaih 150 sang bac di bhum rilo bhapbini bangsa Khmer pato dua janih akhan, abih tih anek saih bangsa Khmer di dom pakat bac lac jaik 80.000 adei.

          7/ Sang bac Trung học phổ thông chuyên Bến Tre, Kapul pachreih bac tỉnh Bến Tre bahrau pambuak bruk song Sở pato megru peih bruk jao giải thưởng Trương Vĩnh Ký mbang ka 11, thun bac 2014- 2015. Thun bac 2014- 2015., hu 54 giải, dalam nan hu 51 giải cá nhân saong 3 gi ải  kapul nyaom, yaok kapul nyaom hu 2 adei, hu jao ka 57 anek saih naih gheih dalam dom mbang pakacah pakat negar, trung học phổ thông pakat negar. Abih tih pok jien thưởng nan lac 272 triệu đồng, 57 anek saih mek hu giải mbang ni jeng lac naih gheih dalam dom mbang pakacah pakat negar.

Patui di ni dom khau tin dunya:

8# Harei (28/9), di Tỉnh Chăm pa sắc (Champassac)-Nam Lào, hu rah tbaiak nyaom biai mbang ka 2 Ủy ban Nội vụ, Quốc phòng saong  chức năng công cộng di Quốc hội Campuchia, Ủy ban Quốc phòng-An ninh di Quốc hội Lào saong Ủy ban Quốc phòng-An ninh di Quốc hội Việt Nam. Ngan saong kadha “paglaong labik dang saong trach nhiem pasang iek nghị viện di dom Ủy ban tương ứng dalam bruk daong bhum tam giác patagok Campuchia – Lao – Viet, Phó akaok Quốc hội Lào Xay xổm phon Phôm vi hản (Xaysomphone Phomvhan) ndom lac, meng bruk kham merat saong sangka di dom pakat dang akaok saong dom jabat pambuak tal di klau taneh ia, dom tỉnh daok di tam giác patagok jeng hu patagok jang, abih di nyu nan lac gah patagok kinh te, pasiam raidiuk bhapbini. Gam saong nan lac dom jak jeng njauk uan tauan ka bruk patrun kathaot, khik caga an ninh saong trật tự dalam bhum .

9/ Harei kabroi 28/9, Jabat hàng không vũ trụ Mỹ (NASA) khan lac duah mboh bằng chứng camereip brei mboh hu ia nduac angaok mbaok Sao Hỏa. Dom urang ilamu NASA hu langyah dom kadha meng kapan tui iek song mboh lac hu ia nduac angaok hành tinh ni dalam dom bilan hè. Yaom lac oh ka thau cambaih ia nan mai meng halei saong ia nan yau habar, min bruk duah mboh ni meda ngak salih bahrau hatai sahaneng di dom urang ilamu ka bruk hành tinh dreih yau boh taneh di abih dalam hệ mặt trời ni meda hu mbaok dom vi sinh vật. Bruk ni jeng ngak patagok bruk lac, meda hu bruk diuk rai angaok sao hỏa./.