1 # Patui veik danak dak mbang nyaom ka 10, page ini (19/11) Quốc hội pang Harak pathau khan pasang iek dự án Hukum jru tavao (pasiam veik); Biểu quyết brei tapa Hukum an toàn thông tin mạng saong ginum biai pak hội trường ka dự án Hukum đấu giá tài sản. Biar harei ini, Quốc hội ginum biai tui tổ ka Dự án Hukum jru tavao (pasiam veik) saong Dự án Hukum ka hội.

2/ Melam kabroi 18/11, tuk hu mbaok di nyaom biai pakat glong Diễn đàn pambuak bruk ngak mbang kinh tế Châu Á – Thái Bình Dương di Ma-ni-la, Phi-líp-pin, akaok negar Trương Tấn Sang hu var taom gaok, ginum biai song Thủ tướng Nga Mét-vê-đép. Dua urang dang akoak njauk hatai brei jhul pakhang talei pambuak bruk di 2 gah ka nyu kein lagaih jang, abih di nyu nan lac dalam dom bruk năng lượng, xăng menyek, palagaih ka bruk thanh toán piah jhul pakhang bruk pablei salih 2 gah song patagok talei pambuak bruk, pachreih tui gauk di dom diễn đàn dunya.

3 # Meng 15h harei kabroi (18.11), Mentri Công Thương - Tài chính hu ramik veik yaom pablei lẻ xăng menyek. Dalam mbang ramik ini, yaom xăng A92 saong xăng E5 brei trun 178 đồng/lít saong yaom pablei tabiak nan lac 17.054 đồng/lít ngan haong xăng A92 saong 16.559 đồng/lít ngan haong xăng E5. Langiu di nan, menyek mazut jeng hu brei trun 83 đồng/kg saong yaom pablei tabiak glaong abih nan lac 9.488 đồng/kg. Yaom pablei lẻ menyek khuah tagok 124 đồng/lít, yaom pablei glaong abih 12.647 đồng/lít. Menyek diesel jeng daok khik tamo yaom pablei lẻ saong trun tanut kaoh tabiak brei kadung jien grap tanat meng 300 đồng/lít urak ini trun daok 208 đồng/lít.

4/ Tapa 15 thun peih bruk jak ba “ Harei ka urang kan kathaot” ban sit Đà Nẵng jak ba hu 194 tỷ đồng tame “ Kadung jien ka urang kan kathaot” song jiak 2000 tỷ đồng “ Kadung jien an sinh xã hội”. meng dom kadung jien ni, Đà Nẵng padang ngak bahrau saong pasiam veik 11.000 sang dok , dong jalan ngak mbang ka yaok pluh ribau boh sang. Ong Nguyễn Đăng Hải, Phó Chủ tịch Ủy ban Mặt trận negar Việt Nam ban sit Đà Nẵng brei thau:

Jalan ngak di Đà Nẵng hu karei jang, nan lac ndom nyai tapak song boh sang kan piah thau cambaih jalan patruh kan kathaot di yaok boh sang, tuk ndom nyai ye urang khin  drei meng dong ka njauk. Ka 2 nan lac patagok bruk ngak mbang ka boh sang kan, dong ka urang yam tapa tagok 

5 # Yaok pluh thun tapa, tỉnh Đắk Lắk jeng patui khik saong peih prong bruk pato sap bangsa Êđê ka dom anek kamuan bangsa Êđê piah khik ramik sap ndom akhar vak ka bhap bani. Ngan haong 10 ribau anek saih bangsa takik di dom palei hu kinh tế - xã hội biak kan kandah, tỉnh jeng hu daong brei jaik 940.000 kg brah, palaghaih ka dom adei bac megru. Tỉnh Đắk Lắk jeng hu palih ruah, brei 200 anek saih bangsa takik, mboh ralo nan lac dom adei di dom puk palei bhum kan kandah nao bac pak dom sang bac đại học, cao đẳng chuyên nghiệp dalam negar, ngak brei patagok manuac urang ngak bruk chất lượng glaong ka puk palei. 

6/ . Praong jum pataom, praong jayah lac angan ieu di parang iek hu rah tabiak di palei ilamu du lịch dom bangsa VN. Parang iek hu yaih khan dom thaot binguk ka rai duik ilamu di bhap bini dom bangsa VN jum pataom gauk patagok KT, khik ramik ilamu, padang ngak taneh ia kaya meda. Parang iek nan lac bruk ngak dalam adit “ Prong jum pataom dom bangsa – inem krung ilamu VN” hu peih tabiak tal abih harei 23/11

7 # Melam kabroi (18/11), di pasak Chiếu phim negar hu peih mbaok Adit phim salam uan Harei pataom phim mbang ka 19. Ngan haong kadha “Điện ảnh Việt Nam – Bangsa, Nhân văn, Sáng tạo, mbeik drei yam tame”,  adit phim piah ba chreih chrai ka urang mong iek  tapa 20 bộ phim truyện điện ảnh hu palih ruah tame hạng mục phim truyện brei nao pakacah dalam Harei pataom phim mbang ini. Harei pataom phim Việt Nam mbang ka 19 peih tabiak meng harei 1 tal harei 5-12 pak bal raya Hồ Chí Minh.

Patui di ni dom khau tin dunya:

8/ Di nyaom biai di dom G.đốc điều hành (CEO) labik Châu Á Thái Bình Dương (APEC) di ban ine Ma-ni-la, Philipiin, Tổng thống Mỹ Ba-rắc Ô-ba-ma (Barack Obama) hu panuac ieu Doanh nghiệp cakak trun khí phát thải ba tal biến đổi khí hậu. Tổng thống Ô-ba-ma hu panuac ieu urang dang akaok dom DN kham merat jang piah patrun khí phát thải ba tal hiệu ứng nhà kính dalam bruk sản xuất di drei, ieu rajaei mbaoh tangin tame Hiệp ước dunya bahrau ka bruk cakak patrun cac-bon di nyaom biai COP 21 tui kuhria hu rah tabiak di akaok bilan 12  di ban ine Pa-ri (Pháp).

9 # Page harei kabroi (18/11) tui veukvak Việt Nam, cảnh sát Pháp peih bruk pagui mek dom urang tình nghi khủng bố daok duak dalam sa baoh sang pak bal Xanh Đenít (Saint Denis), lingiu ban ine Pari (Paris). Hadei di 6 tuk pagui mek, cảnh sát Pháp pametai hu dua urang saong saong urang kamei hu brei patuh mbom. Bruk di mbang pagui mek ini nan lac dua urang hu brei thau lac dang likuk mbang tấn công khủng bố pak Paris - Abdelhamid Abaaoud saong Salah Abdeslam – urak ini daok dalam diện truy nã dunya.

10/ Rajaei HQ bahrau brei buh pabak 100 tỷ Uôn samu 85 triệu dola  Mỹ brei kadung jien pacang khủng bố di negar ni. Phó Chủ tịch Đảng cầm quyền, ong Li Chi-un (Ly Cheol) brei thau, yaom lac HQ oh hu mbaok tame liên minh quân sự dunya pacang  IS kayua Mỹ pan akaok, min negar ni njauk patagok kadung jien pacang khủng bố piah cakak dom bruk đe dọa an ninh dak harei dak prong, abih di nyu nan lac hadei di mbang tấn công khủng bố bak darah di ban ine Pari, Pháp di puac adit dahlau ngak ka 129 urang metai./.