# Tapa tui iek mbang nyaom meng blaoh di Quốc hội, ong Phạm Lỗ Túc, cử tri phường Lộc Thọ, bal Nha Trang, tỉnh Khánh Hòa biak caong khin raja-ei bahrau daok nao tui jalan di dom nhiệm kỳ dahlau dalam bruk khik caga chủ quyền, pulao tasik. Ong caong khin Raja-ei kham merat jang, abih di nyu njauk sangka tal bruk Biển Đông bo bhap bani dalam negar thei thei jeng sangka. Taphia di nan, ong Túc jeng hu panuac caong: raja-ei bahrau ngak habar pataom pren khang jang piah khik iek pulao tasik, khik caga ka bhap bini taong mek ikan angaok tasik hu siam mekre.

# Tui bruk salih 1.200 ha padai tapa phun pala angaok thu, bilan Đông – Xuân 2016, hu 3 phun pala prong hu urang nong tỉnh Ninh Thuận ba tame pala lac tangei, ratak naih song hareik pabak ka bruk rong glang, dalam nan phun ratak naih hu pala rilo di abih song ba mai kein liba glong dalam tuk langik pandiak bhang yau urak ni. Sang saai Cao Vắc daok di huyện Ninh Sơn, tỉnh Ninh Thuận pala 3 sào ratak naih,  liba hu jiak 10 triệu đồng brei thau: Thun ni, kayua kurang ia vụ ni sa sào jeng hu 1 tạ meteh ratak naih, meyah  ginup ia hu 2 tạ sa sào, ngak padai hu sa tấn jeng lah 2 tạ ratak naih.

# Meng akaok thun tal ini, manuac urang njauk ruak pandiak pandiak tabiak darah di Đồng Nai tagok glaong dut haong tukvak ini thun dahlau. Urak ini  Đồng Nai hu 3 urang metai kayua ruak pandiak tabiak darah, dalam nan hu sa uranaih saong dua urang prong. Bruk ini brei mboh bruk kan kandah di jit ruak saong ruak pandiak tabiak darah oh lac tok hu mboh dalam bilan hajan yau dom thun dahlau, bo daok hu mboh dalam bilan paniak bhang.

# Urak ni, di krong Tiền, labik xã Tam Bình, huyện Cai Lậy, tỉnh Tiền Giang ia mbak trun dok 0 phần ngàn.. Karja song bhap bini dom palei tapen krong Tiền di huyện Cái Bè, Cai Lậy song Châu Thành, dok samar ba ia taba tame khik piah. Lingiu di nan, daok brei njuk ia tame piah dong ka jiak 10 ribau ha bein phun yau durieng, vú sữa, Hồng Xiêm, kruac bung… dok kurang ia pruh dalam tuk vak tapa. Ong Nguyễn Văn Dẩu,  urang ngak bein xã Ngũ Hiệp, huyện Cai Lậy lac: Hulin di labik ni caga hu ia, hu nding raok karei. Tuk ia mbak ye hulin pacang veik, khik ia pruh. Tuk thau lac hu ia taba ye hulin peih brei ia tame piah khik ia pruh.

# 5 thun tapa, huyện Chợ Mới, tỉnh An Giang hu ralo jakan ngak, danak dak, dự án hu peih ngak piah ba bruk ngak ka yaok ribau urang, daong patrun kan kathaot tui jalan khang kajap. Tui nan, huyện hu peih 1.153 tal pato bruk ngak, ngan haong 32.296 urang hu mbaok tame, patagok urang ngak hu bac bruk ngak di huyện meng 6,5% tagok 13,3%.  Huyện jeng hu ba 191 urang nao ngak bruk pak negar langiu brei jien mek tame glaong... Meng nan,  baoh sang kathaot dalam huyện trun samar meng 6,36% thun 2011 daok 1,21% thun 2015.

#/ Hadei di labaih 3 thun peih ngak mô hình “3 dalam 1” di dom pakat Kapul urang kamei tỉnh Đồng Tháp, labaih 4.500 boh sang urang kan kathaot hu 1.400 boh sang ginup meda dong brei meng rilo jalan yau phun jien, anek pajai, pandap sản xuất, taneh ngak nong tui yaom jien abih tih labaih 5 tỷ 500 triệu đồng. Akaok kapul LH urang kamei tỉnh Đồng Tháp Nguyễn Thị Hiền brei thau: “ Kapul urang kamei dom pakat tabiak jalan ngak lac padang ngak palei pala bahrau lac kadha prong, ieu pataom pren khang di adei saai. Tui nan, dom jalan ngak njauk, ba mai kein laba di dom pakat kapul hu tỉnh Hội tacei brei patagok  pambak prong.

# Piah jhul pakhang bruk pathau khan ka bầu cử Quốc hội saong Hội đồng bhap bani dom pakat tukvak 2016 -2021, Sở Ilamo, padhih saong rivang ma-in tỉnh Vĩnh Long hu salih bạt 534m2 pano blah prong saong pano tạm; in 280 phun asal kadha, 129 băng rôn, 10.000 khẩu hiệu, 10.000 áp phích… Anak tal, Sở meda peih ralo bruk piah pachreih tui bruk (hưởng ứng sự kiện) ini yau: padang danak dak daoh tamia hu angan “Harei roya di bhap bani”; Parang iek chuyên đề 70 thun tổng tuyển cử akaok meti bầu Quốc hội; Chiếu phim tư liệu “Taneh aia salih bahrau”.

Khaw tin dunya:

#/ Urang vak di rayo sap ndom VN dok di Prang brei thau: harei 12/4 Thủ tướng Thái Lan, gam lac akaok Ủy ban khik ramik trật tự negar, Pra-dút Chan-ôcha (Prayuth Chan-ocha) hu panuac lac, meyah  dự thảo hiến pháp bahrau oh hu bhap bini brei tapa dalam mbang trưng cầu dân ý, njauk ngak sa bản dự thảo bahrau bo oh pandar bản hiến pháp halei dahlau deih.

# Harei 12/4, urang tabiak panuac di Mentri Ngoại giao Trung Quốc Lục Khảng brei thau, negar ini daok brei tathuak aia meng sa sang mac thủy điện di tỉnh Vân Nam trun gah ala kraong Mê Công piah patrun meneng bruk pandiak bhang thu lagu di labik ini.

#/ Tiến sĩ Cu-kẹo Ắc-khạ-môn-ti , urang dalam Ủy ban Thường vụ Quốc hội, Chủ tịch Tiểu ban Đối ngoại Quốc hội Lào brei thau, Quốc hội mbang 8 di Lào hu peih mbang ginum biai camereip meng harei 20/4 anak tal ngan song danak dak ginum biai praong dang akaok lac bruk nhân sự song pakhang pasiam bộ máy rajaei./.