Khaw tin 10g30- 14g30, harei 1/2/16

#/ Dalam tuk negar dok kuhria caga uan raok tết anek sak kara 2016, harei 31/1 di mblang bein CM bilan 8, HN hu rah tabiak danak dak Xuân quê hương 2016 hu angan’Ginreih Hà Nội" Danak dak kayua Ủy ban karja urang VN di negar langiu pambuak bruk song UB bhap bini ban HN peih ngak. Hu mbaok akaok negar Trương Tấn Sang, Phó Thủ tướng, Akaok mintri Ngoại giao Phạm Bình Minh, song dom urang ngak praong pan akaok,  dom urang dahlau deih pan akaok Đảng karja,  MT negar VN , dom mintri , dom gah TƯ,  song jiak 2000 urang Việt daok di dunya mai uan raok tết meng kan di bangsa. #/ Dalam tuk negar dok kuhria caga uan raok tết anek sak kara 2016, harei 31/1 di mblang bein CM bilan 8, HN hu rah tabiak danak dak Xuân quê hương 2016 hu angan’Ginreih Hà Nội" Danak dak kayua Ủy ban karja urang VN di negar langiu pambuak bruk song UB bhap bini ban HN peih ngak. Hu mbaok akaok negar Trương Tấn Sang, Phó Thủ tướng, Akaok mintri Ngoại giao Phạm Bình Minh, song dom urang ngak praong pan akaok,  dom urang dahlau deih pan akaok Đảng karja,  MT negar VN , dom mintri , dom gah TƯ,  song jiak 2000 urang Việt daok di dunya mai uan raok tết meng kan di bangsa. 

# Ủy ban bhapbini tỉnh Khánh Hòa brei kaoh tabiak meng kadung jien karja tỉnh labaih 9 tỷ 400 triệu đồng piah blei brah daong eik ka bhapbini dalam harei tet saong giáp hạt. Tapa kuhria caga, tỉnh Khánh Hòa urak ini hu labaih 52 rabau urang bhapbini gaok kan kandah meda gaok eik di dom harei tet saong giáp hạt, njauk hu brei brah piah daong eik. Tỉnh Khánh Hòa jao ka dom puk palei blei 784 tấn piah brei ka dom sang bhapbini. Yaok urang meda hu daong 3 bilan, yaok bilan 15 kg brah. Ông Mai Xuân Trí, Phó akaok Sở Lao động, Thương binh saong Xã hội tỉnh Khánh Hòa brei thau : “ Thường trực Ủy ban bhapbini tỉnh quyết định kaoh kadung jien tinh piah blei, oh cang meng caik piah di negar tra, nyu drak samal jang. Dom puk palei ba tabiak yaom greih gauk blaoh jao ka dom puk palei nan blei, drei njauk dut iek dom urang bhapbini hu duyet. Hu abih tih 8 huyện, thun dahlau hu sa dom huyện oh caong khin.

#/ Di sang bac Đại học Bách khoa Đà Nẵng, Thành Đoàn Đà Nẵng pambuak bruk song pasak dong anek saih, SV ban raya HCM, nhãn hàng Pepsi peih danak dak “Chuyến xe mùa xuân- Tết sum vầy”. Tui nan, 12 sruh radeih meng ban sit Đà Nẵng ba jiak 600 SV, công nhân, urang ngak kan kathaot mai palei mbang tết. Danak dak ni hu Thành Đoàn, Hội Sinh viên ban raya peih ngak rilo thun tapa hu dong ka labaih 10 ribau SV hu rai duik kan kandah. Jeng dalam mbang ni, thành đoàn ĐN dok hu brei 1,500 boh har chưng song 600 pok pandap tết ka urang kan kathaot song urang ngak kan kandah dok dalam tỉnh 

# Kapul Liên hiệp dam dara Việt Nam tỉnh Đắc Lắc peih ngak danakdak bruk ngak xuân halan hatian “Bui sambai tết nguyên đán gam saong urang kathaot” di xã Ea Drông, thị xã Buôn Hồ. H Xíu. Di bruk ngak ini, kapul liên hiệp dam dara  tỉnh Đăk Lăk hu alin 140 paok pandap, yaok paok yaom 300 rabau  ka dom sang kathaot saong sang sarak; iek ruak saong brei jru saoh ka labaih 500 mbang rabau urang bhapbini; alin 2 tấn brah saong 200 ao thun ka bhapbini dalam xã. Gam saong nan, dom urang dam dara halan hatian daok pataom tame tapaok 200 cặp bánh chưng piah alin ka dom adei anek saih sang kan kandah saong peih bruk daoh tamia “ pauan đảng pauan xuân” gam saong urang bhapbini .

#/ Peih ngak siam sarak an sinh XH, uan raok tết anek sak kara tỉnh Sóc Trăng hu rilo bruk iek glang ka boh sang sarak karja, boh sang kan song urang ngak, rik dong yaok menuac urang, yaok boh sang gam bui sambai uan raok tết. Sangka tal boh sang sarak karja, sang hu buh pren yava ka CM, urang pan akaok tỉnh hu padang 11 kapul urang jakar nao tadhau ayuh tết, tangi sua, brei pandap, pachreih ba boh sang urang jakar naih gheih, dom amaik VNAH, boh sang sarak kajar tong abih tih labaih 6000 pik pandap, yaom pok pandap song jien  meng 300 tal 500 ribau đồng, abih tih labaih 2 tỷ 500 triệu đồng.

# Liên đoàn Lao động ban raya Hồ Chí Minh hu peih ngak danakdak “ Tết sum vầy” pauan xuân Bính Thân 2016 ka 500 sang urang ngak dalam ban raya. Ini lac dom sang urang ngak daok gaok kan kandah jang, oh hu jien nao palei mbang tet. Mban peih ngak hu alin pandap ka dom sang saong lì xì ka dom adei sit saong caong khin parabha bruk bui sambai, pandao mai ka dom dom sang urang ngak kan kandah di thun barau 2016. 

#/ Dak jiak tal harei tết, thanh long ralo bhong pablei dak khang, gam song dom đơn vị đặt hàng meng Mỹ song dom  negar Châu Âu ngak ka yaom thanh long ralo bhong tagok glong, di Trà Vinh meng 67. ribau đồng tal 70 ribau đồng sa kg. Urak ni Trà Vinh hu labaih 70 ha thanh long ralo bhong hu pala di dom huyện Càng Long, Châu Thành, Cầu Kè, song  Cầu Ngang, dalam nan hu 32 ha, hu pok brei tanut chuẩn VietGAP, sản lượng labaih 1000 tấn boh dalam sa thun.

          Khaw tin dunya 

# Harei (31/1), di ban ine Phnôm Pênh, taneh ia Campuchia, Tổng hội urang  Campuchia  asal Việt Nam hu peih bruk alin pandap ka 150 mikva Việt kiều kathaot, daong klah raha kan kandah saong pabak bui sambai ka mikva  raok tet nguyên đán Bính Thân. Yaok paok pandap yaom labaih 10 đôla hu brah, bột ngọt saong ia tương, kayua dom urang hảo tâm lac dom doanh nghiệp Việt kiều di Campuchia daong .

#/ Tổng thống Nga Putin hu tacei pato dom urang ilamu negar ni roh duah vắc xin pacang vi-rút Di-ca. aom lac Nga oh hu jit ruak vi-rút Di-ca, min ong Putin jeng dok huac lac dom urang meng Nam songTrung Mỹ tal Nga meda ba tui vi rút ni. Anak jit ruak pambak prong, Kapul y tế dunya hu panuac ieu urang njom vi rút Di ca meda tagok tal 4 triệu urang. Urak ni oh ka hu jru iek ruak kayua vi rút Di ca. Urang dang akaok gah y tế Mỹ hu panuac lac bruk ngak tabiak vắc xin piah pacak vi rút ni njauk abih rilo thun./. 

# Cô-lôm-bia barau khan brei thau hu labaih 2 rabau urang kamei hu tung litran di taneh ia Nam Mỹ ini njaom virus Zika. Dom urang kamei hu tung litran njaom janih virus ini meda ngak kan kandah tal bruk patagok glo akaok di uranaih. Jabat y tế Cô-lôm-bia jeng brei thau dom urang njaom virut Zika di taneh ia ini hu tagok 20 rabau 297 urang. Dom urang barau ini brei mboh Cô-lôm-bia meda jang taneh ia ka 2 gaok trak kayua virus Zi-ka, hadei Braxin. Jabat y tế taneh ia ini jeng kakei dom yau njauk padheih hu anek meng 6 tal 8 bilan tal ./.