Khaw tin 10g30- 14g30, harei 2/2 

#/ Thủ tướng rajaei bahrau mbaoh tangin tame harak  angan 2.275 xã biak kan kandah, xã tapen negar, xã an toàn khu di 48 tỉnh, thành phố di TƯ tame angan dom xã njauk buh jien tame di danak dak 135 thun tuk vak 2016 – 2020.Danak dak piah tagok samar rai duik mbang ngui ka mik va dom bangsa takik di dom xã biak kan kandah bhum ceik car song bhum atah bayah piah ba palei pala dom bhum palei ni tabiak truh kan kathaot, ba drei tame bruk patagok di taneh ia, rik dong khik caga trật tự an toàn xã hội, an ninh quốc phòng. 

# Uan tet Nguyên đán Bính Thân thun 2016, công đoàn gah pato megru Hà Nội daong 355 urang jakar gru pato, nhân viên sang kan kandah saong anak saih jaoh jo…dalam nan hu 12 nai gru lac diuk dom urang lin daok ngak bruk di huyen pulao Trường Sa. Abih tih jien tanhi ravang, daong jaik 500 triệu đồng. Ông Trần Văn Thảnh, Phó akaok Công đoàn gah pato megru Hà Nội brei thau : bruk daong ini piah pachreih dom gru pato yam tapa kan kandah saong ruak kik piah ba abih pren drei ka bruk pato megru di ban ine.

#/ Pasak khik ramik inem krung Cố đô Huế hu peih ngak dalam prong prang bruk padang phun nêu di Đại Nội, Huế. Ni lac bruk ngak piah brei mboh veik adat cambat meng kan di bangsa VN jang yau saman Patao Nguyễn, ngak jeng sa dalam dom bruk ilamu uan raok thun anek sak kara. Taphia di nan, bruk padang phun Nêu hu peih ngak di rilo labik karei dalam dom  inem krung cố đô Huế, min peih ngak sit jang, meng harei 23 bilan mat tal harei 29tết. 

# Ban thường vụ Tỉnh ủy An Giang peih harei alin Huy hiệu ka 180 urang  đảng viên lão thành, dalam pahadar 86 thun dak padang Đảng (3/2/1930 – 3/2/2016), uan jak jeng nyaom roya Đảng pakat negar mbang yaka XII. Dalam abih tih 180 urang hu alin Huy hiệu Đảng mbang ini, hu sa urang taduan mek Huy hiệu 70 thun Đảng, 2 urang taduan mek Huy hiệu 65 thun Đảng, sa urang taduan mek Huy hiệu 60 thun Đảng, 6 urang taduan mek Huy hiệu 55 thun Đảng

#/ Dom harei jiak tết ni, dom lực lượng, đơn vị chức năng di tỉnh Gia Lai dok tagok bruk  pacang caga apui khuak. Dalam nan gah công an pacang caga apui khuak tuk halei jeng khik  ginup abih quân số. Di dom pasak pablei salih prong, darak pasa, labik mbuan patuh khuak, dom kapuk khik caga hu patagok tui iek luac harei melam. Tỉnh Gia Lai hu dong ba yaok tỷ đồng piah ka dom đơn vị chức năng trang bị dom pandap panda pacang caga khuak piah samar tuk hu apui mbang rah tabiak. 

# Hội nhà Báo pambuak bruk saong Sở Thông tin saong truyền thông tỉnh Đắc Lắc peih pakak Hội Báo xuân Bính Thân 2016. Pataom tame Hội Báo xuân Bính Thân tỉnh Đắc Lắc thun ini hu labaih 300 blah báo, ngan saong jaik 1.000 bản ấn phẩm dom janih. Tui taong yaom di mban peih ngak báo xuân thun ini hu asal kadha phong phú, hấp dẫn, brei thau abih bruk chính trị - kinh tế - ilimo - xã hội di puk palei saong taneh ia. Ông Y Tuyn Kmăn, akaok Hội nhà báo Việt Nam tỉnh Đắc Lắc taong yaom : Hội báo xuân di tỉnh Đắc Lắc thun ini duk saong dom thun dahlau hu rilo salih jang di số lượng. Chất lượng njauk ndom lac biak siam, brei thau hu dom bruk chính trị - xã hội dalam taneh ia, nyaom roya Đảng dom pakat saong nyaom roya mbang yaka 12 di Đảng jeng ye dom bruk patagok kinh tế xã hội, pathau khan dom bruk ngak patagok kinh tế xã hội di puk palei, di tỉnh. 

#/ Dalam 3 harei tapa, tong abih dom janih njam patam boh karaoh  di Đà Lạt tagok yaom meng 20% tal jang 2 mbang dut song dom harei dahlau. Tong abih dom puk palei dalam tỉnh Lâm đồng, dom janih njam patam boh karaoh, bingu dok pataom veik piah pablei ka darak pasa dalam taneh ia. Sa dalam dom makna ba tal yaom kaya nong tagok glong lac kayua jiak tết nan ye bruk blei di darak pasa tagok khang gam song dom tỉnh di gah barak meda tapa sa bilan liar brak, ngak khut khat trak ka pandap panda kaya nong.

           Khaw tin dunya

           #Đại sứ quán Việt Nam di Indonesia barau peih ngak Tết Cộng đồng Xuân Bính Thân ngan saong pataom mbaok di urang jakar dom jabat lambaok Việt Nam mikva Việt kiều, sinh viên, anek saih daok ngak bruk, bac megru di Indonesia, gam lambaok ngoại giao đoàn saong dom yut Indonesia. Di harei akaok Xuân barau,  Đại sứ Hoàng Anh Tuấn payua panuac ndua dhar phuan dom hatai tapak, nồng ấm saong talei pambuak bruk di bhapbini urang Việt daok di Indonesia; tadhau yuh urang Việt Nam di Indonesia jum pataom gauk veik saong daong gauk khik ilimo bangsa .

#/ Dalam harei bui sambai uan raok thun bahrau anek sak kara 2016, jak jeng di nyaom roya Đảng pakat negar mbang ka 12 song 86 thun harei padang Đảng Cộng sản Việt Nam, di ban ine Wellington, Đại sứ quán Việt Nam di Niu Dilân (New Zealand) hu peih var taom mbaok bhap bini urang Việt Nam dalam TUK tết meng kan di bangsa./.

# Tổng thư kí Liên hợp quốc Ban Ki Mun harei kabroi (01-02) di mbang ravang Trung Đông hu padrak Arập Xêut saong Iran thỏa hiệp saong ngak bruk hu trách nhiệm. Panuac ieu di Tổng thư kí Liên hợp quốc Ban Ki Mun lac bruk kham merat barau abih piah ngak dịu căng thẳng daok patuh khang di dua taneh ia Arập Xêut saong Iran đối địch di bhum ./.