Khaw tin 10g30- 14g30 harei 3/2

#/ Dalam dom harei jiak si tết ni rilo jabat, đơn vị TƯ song puk palei hu alin brei pandap ka mik va di xã bhum ceik huyện Bát Xát, tỉnh Lào Cai, labik khat lihik trak dalam mbang liar brak meng bloh. Kapul Liên hiệp dam dara tỉnh Lào Cai pambuak bruk song Trung ương Hội Liên hiệp dam dara Việt Nam, Kapul gru jru ranaih umo VN jao 10 pok pandap, yaok pok hu yaom sa triệu đồng ka dom boh sang sarak karja, taha palei, akaok palei, brei 300 aow liar, 300 đôi ủng; 150 blah phui. Ông Hoàng Đăng Khoa, akaok Ủy ban bhap bini huyện Bát Xát, tỉnh Lào Cai brei thau: Mbiah tal harei ni tong abih boh sang ni taduan hu pok pandap takik di abih hu yaom 300 ribau đồng. Dom boh sang halei hu dom kapul, urang dalam song langiu huyện dong brei ye huyện hu buh tabiak kadung jien kayua urang kan kathaot piah khik ka tong abih 2.736 boh sang kathaot hu taduan pandap yaom 300 ribau đồng.

# Kayua lingik la ar, di bhum tasik tỉnh Quảng Ngãi hu angin khang pakat 6 pakat 7 giật pakat 8, tasik megey khang. Urak ini canah jalan nao mai Lý Sơn- Sa Kỳ saong gilac veik padheih ngak bruk. Yaok rabau tuai lac dom anek saih Lý Sơn nao bac, ngak bruk saong ngak mbang atah mai palei raok tet gaok gar di akaok cảng Sa Kỳ, xã Bình Châu, huyện Bình Sơn. Meyah meng ini tal harei 29 bilan Marak, lingik daok rah tbaiak jhak, huyện pulao Lý Sơn meda ieu dom kapul pal phao kraong daong kapal praong pajeng bhapbini mai pulao mbang Tết.

#/ Dom harei ni, dom cảng ikan di tỉnh Khánh Hòa sap gap kapan gaiy tame tabiak. Dom kapan bahrau pablei abih ikan samar mek ia patau, nhiên liệu, pandap mbang piah tabiak tasik. Jiak tết, yaom ikan tagok glong dut song yaok harei, dok yaom menyek hu patrun yau nan ye dom urang tong ikan biak bui sambai. Hadei di tuk kaoh abih chi phí, yaok urang tong ikan hu pabha meng 8 tal 10 triệu đồng yaok mbang tabiak tasik, hu jien kuhria tết avar ka boh sang.

# Harei (2/2), ông Nguyễn Ngọc Hai, akaok Ủy ban bhapbini tỉnh Bình Thuận hu nao ravang, alin saong tadhau yuh tet dom kapul pal phao kraong puk palei. Kapul nyaom urang dang akaok tỉnh Bình Thuận jeng nao ravang Lữ đoàn 681 Hải quân daok ngak bruk dalam tỉnh. Thun barau blaoh, dom libik ini hu ngak blaoh bruk ngak siam, khik caga hatai hatian halan hatian mesruh metak di dom bruk. Hu bruk sangka di karja puk palei saong pakat angaok, thun ini dom libik jeng khik caga ginup pandap panda bui sambai xuan raok tet ka urang jakar, urang lin. Bruk trực mesruh di harei tet hu ba tabiak ngak khang dalam bruk hatai bui xuan min oh var hu bruk ngak. 

#/  Piah ka dom urang dalam sarak karja, boh sang kan di ban sit Cần Thơ, hu bui sambai rok tết meng kan bangsa, dalam dom harei tapa, urang dang akaok ban Cần Thơ hu peih rilo kapul nao rivang tadhau yhut tết song brei pandap ka dom boh sang kathaot, boh sang sarak karja dok dalam ban. Tết ni, ban Cần Thơ hu buh tabiak kadung jien karja jiak 94 tỷ đồng piah dong ka dom urang jakar, công nhân viên, lực lượng vũ trang, boh sang kathaot, boh sang sarak karja hu bui sambai raok tết.

# Tapa  bruk jak ba di kapul daong urang ruak kathaot Kiên Giang, barau blaoh,  Công ty cổ phần Tập đoàn Lộc Trời tỉnh An Giang hu alin 30 tấn brah ngak pandap Tết ka urang kathaot, sang sarak dalam tỉnh. Ini lac hatai, lac bruk rik daong di jaik 4.000 urang jakar, urang ngak Tập đoàn Lộc Trời ngan saong kadha tadhau yuh payua tal mikva kathaot di dom huyện thị dalam tỉnh Kiên Giang.Tập đoàn Lộc Trời lac doanh nghiệp akaok mereip di Việt Nam jeng thành viên chính thức di tổ chức SRP –Diễn đàn padai brah khang kajap pakat dunya di Liên Hợp Quốc.

#/ Meng harei 2/2 tal harei 4/2 di dom khu công nghiệp, khu chế xuất song rilo labik di ban raya HCM, Liên đoàn Lao động ban raya pambuak bruk song Công đoàn các Khu chế xuất – Khu công nghiệp peih danak dak “Tấm vé nghĩa tình”, ba rilo urang ngak kan kandah mai palei mbang tết. Danak dak “Tấm vé nghĩa tình" thun ni hu brei jiak 4 ribau 390 harak radeih song 4 ribau 390 pok pandap ka công nhân mai palei mbang tết, ngan song yaom phun jien labaih 4 tỷ 896 triệu đồng. 

          Khaw tin dunya

# Thái Lan kuhria raok jaik 1 triệu tuai du lich mai Thái Lan di dom harei akaok thun barau di tết Nguyên Đán, dui atah meng harei 6 tal harei 14/02 tal. Dom urang ini tagok 19% duk saong dom bilan ini thun dahlau. Tui gah Du lịch Thái Lan, dalam 1 triệu tuai du lich mai Thái Lan harei ini hu tal jaik meteh mai meng dom taneh ia Châu Á ye Trung Quốc, Xinh-ga-po saong Malaixia.

#/ Pasak pacang caga song tui iek jit ruak  Mỹ hu ba 4 negar tame angan jhui nao du lịch tal kayua  jit Zi-ka. Tui nan, dom labik hu ba tame angan nan lac Cốt-xta Ri-ca, đảo Cu-ra-cao (Curacao) và Ni-giê-ri-a. Dahlau nan, Mỹ jeng ba tabiak 24 negar dalam nan hu gam châu Mỹ, palao Thái Bình Dương song châu Phi tame angan jhui nao du lịch tal./. 

# Ủy ban Y tế saong Kế hoạch hóa gia đình taneh ia Trung Quốc barei thau, meng bilan 9 thun thiah tal akaok bilan 2 thun ini, Trung Quốc hu taduan mek 44 urang njaom kum menuk ada H7N9, dalam nan hu 10 urang metai. Tui  Ủy ban Y tế và Kế hoạch hóa gia đình Trung Quốc khan brei thau, dom urang njaom ruak jeng hu mboh di Trung Quốc Đại lục saong takik 70 ca duk saong dom bilan ini thun dahlau. Dom chuyên gia y tế Trung Quốc brei thau, dom ca njaom kum menuk ada di Trung Quốc trun takik lac kayua taneh ia ini kak khang bruk dut iek di dom labik darak pablei salih menuk ada diuk dalam taneh ia.