Khaw tin 10g30- 14g30 harei 5/1  

/ Harei kabroi 4/1 di sang QH, Mban peih bruk pahadar 70 thun harei Tổng tuyển cử cemereip abih hu peih họp báo ka bruk pahadar 70 thun harei Tổng tuyển cử camereip abih (6/1/1946- 6/1/2016).Tui kuhria bruk pahadar 70 thun harei Tổng tuyển cử camereip abih hu peih ngak di harei page 6/1/2016 di Hội trường Diên Hồng, Sang QH. Bruk pahadar hu mbaok di dom urang dahlau deih dang akaok Đảng, karja, MT negar VN, Lambaok dom urang pan akaok mintri, mban, ngành, kapul nyaom di TƯ dom Bí thư tỉnh ủy, Akaok kapul hội đồng bhap bini dom tỉnh, ban di TƯ, lambaok dom rai urang QH, urang jakar umo prong, dom amaik VNAH.

# Harei 4/1, Kapul urang  QH tỉnh Quảng Nam peih bruk pahadar 70 thun harei Tổng tuyển cử akaok mereip pilih ruah urang ka Quốc hội Việt Nam (6/1/1946 – 6/1/2016). Urang ba gauk hadar veik bruk hadah hadaiy di QH dalam 70 thun tapa. Meng akaoka nhiệm kỳ mbang 13 tal ini, kapul urang Quốc hội tỉnh Quảng Nam hu peih 57 mbang nyaom biai, taom gaok cử tri mek panuac rik tame dom dự án hukum; pandar dom labik, jabat rik panuac ka jaik100 dự án hukum. Ông Nguyễn Văn Sỹ, dahlau thiah ngak Phó Bí thư Tỉnh ủy Quảng Nam, akaok kapul urang Quốc hội mbang 12, tỉnh Quảng Nam brei thau :Dahlak jeng caong  Quốc hội, dom jabat di Quốc hội, dom urang  Quốc hội saong yaok sa urang Quốc hội kol drei njauk maik jaik bhapbini rilo jang, thau hatai caong khin di bhapbini. Tapa nan drei meng lambaok ka caong khin di bhapbini, ieu pataom hu bhapbini  tame bruk ngak di taneh ia. 

#/ Jeng dalam harei 4/1, Kapul urang QH tỉnh Bình Thuận peih bruk taom gaok pahadar 70 thun QHVN (6/1/1946-6/1/2015). Tapa dom tuk vak, gam song QH dalam negar, Kapul urang QH tỉnh BT hu rilo rik dong dalam bruk dak padang hukum negar, ba tabiak rilo bruk prong ka  quốc kế dân sinh, patagok KTXH. Di var taom gaok, dom urang hu klah rabha ka ilamu dalam tuk vak ngak bruk di urang QH, saong hu pok panuac caong ngak yau habar piah patagok bruk ngak, di  kapul urang QH dalam tuk salih bahrau taneh ia.

# Tui panuac khan meng dua mitri jien padai saong cong thuong, meng 15 tuk harei (4/1), yaom xăng RON 92 trun 373 đồng/lít, ba yaom pablei lẻ di tanut urak ini lac 16 rabau 400 đồng/sa lít mai 16.030 đồng/sa lít. Ini lac mbang trun yaom xang menyek akaok mereip di thun barau. Dahlau nan thun 2015, yaom xang hu 18 mbang ramik veik, tapa nan hu 6 mbang tagok, 12 mbang trun, tui nan, xăng RON 92 trun labaih 7.000 đồng/sa lít.

#/ Labaih 40 amaik ame ba uranaih mai ngak harak gar klauk jru. Dahlau di tuk klauk dom uranaih hu khám sàng lọc, tacei jalan iek glang. Hadei di tuk klauk uranaih hu khik veik tui iek pren yava dalam 30 minite piah caga phản ứng hadei di tuk kluak. Hu thau mbang ni, Đà Nẵng hu mintri Y tế brei 600 liều vắc xin Pentaxim, dalam tuk caong hu labaih 10.000 liều.

# Tukvak tapa, tỉnh Gia Lai pataom tame jhul khang bruk paglaong chat luong pasang iek pren yava ka bhapbini. Urak ini, taong abih dom xa dalam tinh hu balai y te hu padang ngak khang kajap ngan saong labaih 1.000 laneng ndih iek ruak; dom balai y te jeng hu pabak tame pandap, vat tu y te, khik caga ginup jru, pabak caong khin iek ruak saong caga jit tui njauk quy dinh. Abih di nyu nan lac dom y, bac sy hu ba mai ka dom balai y te xa ngak bruk saong hu 150 xa hu bac sy. Dalam tinh hu 116 balai y tế xã, phường hu chuan negar ka y tế, dalam nan hu 52 trạm hu chuan tui tieu chi barau.

/ Di khu đô thị Nam Cần Thơ, phường Hưng Thạnh, quận Cái Răng, Ủy ban bhap bini ban Cần Thơ peih pakak song ba tame pandar mblang radeih pasak ban Cần Thơ. Ni lac mblang radeih bahrau di abih di bhum taneran krong CL mek hu tanut 1 tui pakat negar song công nghệ điều hành tự động, khik radeih tame tabiak meng cổng điện tử quẹt thẻ song  camera pasang iek

          Khaw tin dunya

# Harei (4/1),di tỉnh Bon-Tia Men-Chây (Bontia Meanchey), Campuchia hu peih mit-tinh salam uan 37 thun harei peih paha chế độ Pon Pót (7/1/1979 – 7/1/2016). Var mit-tinh hu yaok ratuh  bhapbini puk palei mai pataom mbaok. Ong Un Ươn (Un Uon), akaok Hội đồng bhapbini tỉnh Bon-Tia Men-Chây (Bontia Meanchey) hadar veik dom thun bilan mesruh metak hao hung piah peih paha bangsa; ông akaok hoi dong bhapbini tỉnh jeng taong yaom glaong kapul urang lin halan hatian Việt Nam dalam bruk daong Campuhia peih paha chế độ diệt chủng.

/ Urang pan akaok gah y tế tỉnh Quảng Đông (Guangdong), Trung Quốc bahrau hu panuac khan lac hu sa urang njom kum menuk ada H5N6 di ban Triệu Khánh. Ni lac urang ka 2 njom kum menuk ada H5N6 di Quảng đông, gah merong negar TQ dalam adit tapa. Urang pan akaok di labik ni hu patabiak adat oh brei pablei salih menuk da duik di darak pasa di Triệu Khánh, tong abih menuk da di darak pasa hu ba nao am klak song darak pasa hu pruh jru pametai anek ruak./. 

# Harei kabroi (4/1), karja Ba Lan brei thau labaih 40 urang dalam taneh ia metai la ar kayua nhiệt độ trun biak bian tuk taneh ia Đông Âu daok tame sa dalam dom bilan la ar trak abih dalam sajarah. Ini lac tanut nhiet bian abih di Ba Lan kuhria meng bilan 12/2009 saong tuk nan 42 urang metai. Daok di thun ini, kuhria meng harei 1/11/2015, dom urang gaok bala tagok tal 39 urang. Canh sat ieu urang bhapbinh sangka tal dom urang mbuan si gaok glaong ye : urang oh hu sang danaok, urang mebhuk alak saong urang praong thun ./.