Khaw tin 10g30-14g30, harei 6/1

           #/ Harei 5/1, Kapul urang HQ tỉnh Quảng Ninh peih bruk taom gaok dom urang QH tỉnh Quảng Ninh tapa dom saman dalam tuk pahadar 70 thun tổng tuyển cử camereip abih pilih ruah QHVN. Phó Thủ tướng Phạm Bình Minh hu mbaok song pok panuac di var taom gaok. Dalam 13 khóa QH, Kapul urang QH tỉnh Quang Ninh hu dom rik dong prong ka bruk patagok di QN. Thủ tướng Phạm Bình Minh lac: Kapul urang QH tỉnh QN biak hu ilamu , trách nhiệm glong bruk nan brei mboh tapa 10 mbang ginum biai di QH mbang 13. Lac sa dalam 5 urang QH di taneh ia hu rik dong rilo, brei mboh tapa 490 mbang brei panuac, kuhria rah tapa lac 70 mbang sa urang.

# Jeng dalam harei 5/1, Phó Thủ tướng Vũ Văn Ninh hu var taom gaok pahadar  70 thun harei tổng tuyển cử akaok mereip pilih ruah Quốc hội Việt Nam saong taong iek veik bruk ngak di kapul urang Quốc hội tỉnh Nam Định mbang  XIII.  Kapul urang Quốc hội tỉnh Nam Định hu labaih 100 urang jakar pataom tame 13 khóa Quốc hội hu rik daong glo akaok tame bruk dak padang adat hukum saong quyết định dom bruk praong di negar . Di var taom gaok, dom urang jakr di hadar veik jalan sajarah 70 thun di Quốc hội Việt Nam, brei thau bruk ngak harei 6/1/1946 hu tame sajarah taneh ia drei yau sa kadha hadah hadai, brei mboh bruk patagok khang ka thể chế dân chủ, peih tabiak jalan patagok barau di bangsa .

  # Di Quân cảng Cam Ranh, Bộ Tư lệnh bhum  4 Hải quân hu peih bruk palao dom kapul ngak bruk tagok jalan nao rivang, song ba pandap tết ka bol lin song bhap bini huyện palao Trường Sa, tỉnh Khánh Hòa,  tuk tết nguyên đán anek sak kara 2016 jaik tal. Dom kapul tabiak rivang, tadhau yhut tết huyện Trường Sa mbang ni hu lambaok dom ngành, tỉnh , ban dalam taneh ia song labaih 100 urang vak, rayo TƯ saong tỉnh. 

# Dalam thun 2015, urang ngak ikan tỉnh Ninh Thuận hu patagok veik 22 tổ jum pataom cap mek di tasik ngan saong 153 kapal ikan pataom tame, ba abih tih tổ jum pataom tagok 98 tổ, saong  500 kapal ikan pataom tame. Hu mblang taong cap biak lagaih, mboh rilo tapol ikan ndon tok hu trữ lượng praong gam saong bruk pandar mo hinh Tổ jum pataom taong cap di tasik, yau nan ye sản lượng taong cap kaya ikan dalam ia hu glaong, labaih 76.250 tấn, yam tapa bruk ba biak, sumu 110 % duk saong thun dahlau. Kayua taong cap kaya ikan dalam ia hu kein laba, rilo urang ngak ikan hu njuak mùa, laba yaok tỷ đồng.

 #/ Urak ni tỉnh Tiền Giang patagok hu sa Liên hiệp Hợp tác xã ngak nong song 97 Hợp tác xã song 16 Quỹ tín dụng bhap bini tong abih phun jien jiak 2000 tỷ đồng. Meng sami samar hadah krah salih jalan ngak yau nan ye  dom jalan ngak KT ni hu kein lagaih. Urak ni hu jiak 85% hợp tác xã, quỹ tín dụng bhap bini di puk palei hu khá, joi. Tapa nan tagok jien mek tame di xã viên hu jiak 3 triệu đồng ka sa urang dalam sa bilan, nộp thuế yaok thun labaih 10 tỷ đồng, dong bruk ngak ka labaih 11.800 urang. 

#Harei ini (6/1), mbang pakacah ruah anek saih trung học phổ thông naih joi pakat negar thun 2016 hu peih pakacah di graukk taneh ia. Tui mintri pato megru, dalam taneh ia hu 4 rabau 404 thí sinh tame pakacah di 68 Hội đồng iek pakacah. Mbang pakacah meda rah tabiak di 3 harei, meng harei 6 -8/1. Mbang pakacah ruah anek saih  trung học phổ thông  naih joi pakat negar thun 2016 hu 12 môn pakacah lac : katih, Vật lí, Hóa học, Sinh học, Ngữ văn, sajarah, Địa lí, Tin học, Tiếng Anh, Tiếng Nga, Tiếng Pháp, Tiếng Trung Quốc. 

/ Tui pasak dự báo Khí tượng Thủy văn Trung ương, harei ni 6/1 langik liar ngak ảnh hưởng tal langik tasik di dom gah Đông Bắc Bộ song Thanh Hóa, hu hijan di dom labik gah Đông Bắc Bộ, nhiệt độ trun 2-3 độ dut song harei kabroi 5/1. Hangin salih tapa gah Đông Bắc di boh taneh cấp 2 - 3, di  vịnh Bắc Bộ hu hangin Đông Bắc khang pakat  3 - 4. Di tasik, meng harei ni, gah Bắc Biển Đông hu hangin Đông Bắc khang pakat 5, hu tuk pakat 6 tagok pakat 7 -8. Tasik riyah khang.          

          Khaw tin dunya

          # Diễn đàn Du lịch ASEAN mbang yaka 35 meda rah tabiak meng harei  18 – 22/1 di Philippines piah jhul pakhang bhum Đông Nam Á jeng labik mai ravang mein di toàn cầu. Ngan saong kadha “ sa cộng đồng kayua bruk patagok khang kajap, Diễn đàn Du lịch 2016 (ATF 2016) biểu trưng pren jhul di bhum piah ba bhum jeng labik mai “ 10 salam 1. Sa dalam labik nổi bật di ATF 2016 lac tapa bruk chiến lược du lịch ASEAN ngak jeng khuôn khổ patagok du lich ka bhum tukvak 2016 - 2020.

          #/ Mintri du lịch CPC brei thau, thun 2015 tuai du lịch negar langiu tal CPC hu jiak 5 triệu urang tagok 8% dut song thun 2014. Tui kuhria yaok thun CPC mek hu labaih 3 tỷ đô la meng gah du lịch samu song 10% tổng GDP di negar ni song dong bruk ngak ka labaih 13% urang dok di CPC, dalam nan hu labaih ¼ jien mek tame meng bruk pablei harak vé di bimon kalan Ăng-co-vát (Ang Ko Wat), tỉnh Xiêm Riệp, sa labik hu pok brei angan inem krung ilamu dunya thun 1992./.

# Harei 15/1 tal, dom akaok mintri Ngoại giao di Pakistan saong Ấn Độ kuhria hu nyaom di ban Islamabad, piah ba tabiak jalan biai nao mai di dua taneh ia di 6 bilan tal ka bruk jhul pakhang talei pambuak bruk dua gah. Mbang biai nao mai hu dom bruk, dalam nan hu bruk Kashmir, Siachen saong halau ia ./.