Khaw tin  10g30-14g30, harei 7/1

#/ Harei kabroi 6/1 di ban ine HN, Ban Chấp hành Trung ương Đảng, Quốc hội, akaok negar, rajaei, , Ủy ban Trung ương Mặt trận negar  Việt Nam peih ngak dalam praong prang bruk pahadar 70 thun harei Tổng tuyển cử camereip abih (6/1/1946-6/1/2016). Tổng Bí thư Nguyễn Phú Trọng mai hu mbaok song brei panuac, dalam hjarak puac di tuk pahadar, Tổng Bí thư ndom lac bruk Tổng tuyển cử camereip abih ngày 6/1/1946 lac sa bruk prong, hu tame dalam sajarah dak rai negar drei yau sa jalan nao samar tal thể chế dân chủ, peih tabiak jalan patagok bahrau di taneh ia VN.

 # Jeng dalam harei 6/1, di sang Quốc hội, akaok Quốc hội Nguyễn Sinh Hùng hu taom gaok kapul urang gru jru ranaih umo VN. Akaok QH caong khin dom rairah gru jru ranaih umo barau hu hatai siam, hu akaok sahang, naih gheih, hu tính tự trọng saong tự chủ, dak padang ka pahu sa gah y tế Việt Nam alamu, bangsa, đại chúng. Akaok Quốc hội ndom lac, Đảng, karja saong bhapbini drei tuk halei jeng ba hatai anit saong jia tame rairah ranaih umo; caong dom gru jru ranaih umo pataui jalan di dom rairah nao dahlau, ba pren yava ka bruk salih barau, dak padang saong khik caga negar, taphia nan taong yaom glaong bruk “ gru jru ranaih umo ngak tui panuac Wa, halan hatain ka pren yava bhapbini” . 

#/ Dom harei akaok thun 2016, Công ty Cổ phần Đầu tư song patagok Đô thị Việt Hưng (Khu đô thị Ecopark) song kapul ngak bruk hu nao tal xã Y Tý, huyện Bát Xát, tỉnh Lào Cai brei yaok ribau blah phui, aow phao ka 1500 urang taha, uranaih hu rai duik kan kandah, gam song pok pandap dalam nan hu ia tasau, har, mì hu ba tapak tal dom boh sang. Ni lac pok jien dong hu Ecopark peih ngak gam gam meng 5 thun ini mai, dahlau di tuk tết tui njauk panuac sinya song karja puk palei, dong ka dom boh sang takik di abih dalam 10 thun tui tỷ lệ taneh ngak nong njauk karja mek veik.

# Kapul Bảo trợ urang kamei saong uranaih kathaot ban sit Đà Nẵng hu pambuak bruk saong pasak Y tế di dom quận, huyện peih 56 labik khám sàng lọc  tim bẩm sinh ka uranaih kathaot. Tapa nan, thun 2015 hu labaih 20 rabau uranaih hu iek ruak, mboh hu jaik 200 uraniah sahaneng lac njauk ruak tim bẩm sinh. Kapul hu jak ba, daong jien blac raih ka 63 adei ngan saong paok jien jaik 3 tỷ đồng. Amuk Nguyễn Thị Vân Lan, Phó akaok kapul Daong urang kamei saong uranaih kathaot  ban sit Đà Nẵng brei thau : Kol dahlak pambuak bruk saong Sở Y tế saong pasak Y tế dom quận huyện, meng akaok thun peih bruk iek ruak sàng lọc ka abih uranaih. Kol dahlak ba samal dom adei sahaneng lac njauk tim bẩm sinh nao khoa tim mạch di sang iek ruak Đà Nẵng piah riek ruak, chuẩn đoán brei thau njauk lac njauk ruak tim hai oh piah sang iek ruak hu phác đồ điều trị.

#/ UB bhap bini tỉnh Đồng Nai bahrau hu harak tagok Sở Văn hóa - thể thao song  du lịch tỉnh ka bruk cuh pháo bingu di 4 labik dalam tỉnh dalam harei giao thừa tết nguyên đán anek sak kara nan lac: ban Biên Hòa. Ban sit Long Khánh song 2 huyện Trảng Bom, Xuân Lộc. Tong abih pok jien peih bruk bui sambai ini ka bhap bini  uan raok tết mai meng kadung jien xã hội hóa

# Piah daong ka anek saih kathaot pachreih bac di bhum dalam, bhum atah bayah, bhum tapeng negar hu bac megru, barau ini di hội trường Duk pataom megru huyen Tan Chau, tinh Tay Ninh rah tabiak danakdak “ Chap Canh Tuong lai” alin paok jien pachreih bac Huỳnh Văn Một ka dom adei nek saih di 3 huyện Tân Châu, Tân Biên saong Dương Minh Châu. Taong abih yaom jien alin mbang ini saong pandap lac labaih 70 triệu đồng, kayua quỹ daong pato megru tàii năng ranaih thể thao học đường ban raya Hồ Chí Minh daong .

# Liên đoàn Lao động tỉnh Bình Dương hu peih danak dak brei harak radeih ka 5000 urang ngak di dom khu công nghiệp mai palei mbang tết anek sak kara 2016. Tui nan, , Liên đoàn Lao động tỉnh Bình Dương kaoh tabiak meng kadung jien piah dong ka 2000 urang ngak ( dalam nan hu 1.500 urang hu hộ khẩu dok meng Phú Yên tal Hà Nội song 500 urang hu hộ khẩu di dom tỉnh Mau, Bạc Liêu, An Giang, Kiên Giang, Trà Vinh…) Langiu di nan, labaih 3000 urang ngak karei hu taduan harak radeih saoh meng kadung jien xã hội hóa..

          Khaw tin dunya

# Hadei di tuk Cộng hòa dân chủ bhapbini Triều Tiên tagok sap brei thau ngak iek hu bom nhiệt hạch (daok ieu lac bom kinh khí, atau Hydro), Thủ tướng Nhật Bản Xin-dô-A-bê (Shinzo Abe) harei (6/1) hu tagok sap phản đối. Ông A-bê jeng brei thau lac meda paglaong talei pambuak bruk saong Mỹ, Nga saong Trung Quốc caga  bruk ngak ini di Triều Tiên.

/ Gah Y tế Hồng Kông, Trung Quốc harei kabroi hu tabiak cảnh báo anak bruk jit kum menuk ada meda tamuh tabiak dalam tuk padeih lễ thun bahrau di akaok bilan 2. Dom jabat  y tế Hồng Kông hu panuac kakei, jit ruak meda tamuh tabiak tuk yaok triệu urang TQ  mai sang piah uan thun bahrau, dalam nan, menuk hu mong lac sa janih pandap mbang biak takre dalam var mbang huak uan thun bahrau di TQ./. 

# Lệnh pakauk du lịch tal Thổ Nhĩ Kỳ di Nga daok tác động praong tal gah du lịch Nga, tuk Thổ Nhĩ Kỳ lac labik nao takre abih do dom tuai du lich Nga caong tabiak taneh ia langiu piah daok di mblang ia harei ấm tuk bilan la ar mai. Tui kuhtia caga di rajaei Nga, jaik 4 trieu tuai du lich Nga hu nao tal Thổ Nhĩ Kỳ di thun 2014. Piah pabak caong khin ravang mein taneh ia langiu, dom hãng  lữ hành Nga daok pamaong tal dom labik barau dalam nan hu dom tiểu vương quốc Arập thống nhất, Việt Nam atau lac Cuba./.