Khaw tin 10g30 saong 14g30 harei 03-12-2015

/ Tổng cục Dân số-Kế hoạch hóa gia đình bahrau peih bilan ngak pakat negar ka bruk dân số song pachreih tui harei dân số VN thun 2015 ngan saong kadha “ bhap bini ba gauk iek glang urang umo taha” Pathau khan di Tổng cục Dân số -Kế hoạch hóa gia đình brei thau, rai duik di urang taha VN dok gaok rilo kan kandah tuk 70% oh patak pataom hu drap ar, 18% urang umo taha laik tame kan kathaot song 6,3% urang taha kurang sap janih. Tok hu 30% hu jien hưu atau hu daong meng kadung jien karja  

# Di Hà Nội, pasak Lưu trữ negar I pambuak bruk saong pasak Lưu trữ negar IV peih parang iek “Saman patao Nguyễn saong bruk vak sajarah tapa châu bản, mộc bản- inem krung tư liệu dunya”. Parang iek hu labaih 100 phiên bản tài liệu pilih ruak meng dua khối châu bản saong mộc bản saman patao Nguyễn daok khik piah di pasak khik piah negar I (Hà Nội) saong pasak khik piah negar IV (Đà Lạt, Lâm Đồng).  Ông Hà Văn Huề, akaok pasak khik piah negar I brei thau : Sa dalam dom kadha praong di inem krung tư liệu parang iek mbang ini duk saong dom inem krung karei lac dom inem krung brei mboh dom thông tin dalam nan. Tapa nan dom urang ngak bruk rok duah ka sajarah meda roh duah,  xử lý thông tin saong vak dom chuyên đề ka raidiuk xã hội di saman patao Nguyễn dalam 143 thun, meng thun 1802 tal 1945.

/Kapul dong urang jaoh jo song uranaih metui medar ban sit Đà Nẳng peih bruk jao 120 radeih lăn, radeih lắc ka jiak 100 urang jaoh jo dok dalam tỉnh, tui yaom jien abih tih labaih 200 triệu đồng. Radeih ni kayua Công ty Trách Nhiệm Hữu Hạn phát triển Phú Mỹ Hưng song kadung jien dong ka bhap bini  Lawrence S.Ting ban raya HCM dong brei. Ong Phan Chính Dưỡng, Akaok kadung jien dong bhap bini Lawrence S.Ting brei thau : Dom urang jaoh jo lac dom urang gaok rilo pandik harao, jang yau boh sang dom urang nan lac dom boh sang dok ndoa naong sa urang jaoh jo lac boh sang kan kathaot. Yau nan ye meng trách nhiệm XH di drei, kol hulin hu danak dak brei radeih lăn, radeih lắc ka dom urang jaoh jo dalam 63 tỉnh ban, harei ni tal ĐN lac tỉnh  ka 62.  

# Gilang pariak cổ phần Đầu tư saong patagok (BIDV) dhan Cần Thơ  barau alin 100 sruh radaih jhuak ka cảnh sát  khu vực dalam ban sit Cần Thơ ngan saong yaom jien abih tih lac 278 triệu đồng. Hu thau, Gilang pariak cổ phần Đầu tư  saong patagok (BIDV) hu caik 6 tỷ meteh piah daong 2.354 sruh radaih juak duh bruk pasang iek ka cảnh sát trật tự, cảnh sát khu vực di 19 tỉnh, ban dalam taneh ia .

          / Pasak kuhria mboh dahlau bruk caong menuac ngak song brei thau ka darak pasar urang ngak ban raya HCM brei thau: dalam bilan 12/2015 song bilan 1/2016 darak pasa urang ngak ban raya HCM patagok tui chất lượng, ilamu song patrun gah số lượng. Tui kuhria meng ni tal tết nguyên đán 2016, dom DN song cơ sở ngak mbang pablei salih di ban raya HCM pallih ruah 45.000 urang ngak bahrau, urang ngak phổ thông, song 25.000 urang ngak tui bilan, ngak bruk meteh tukvak.

# Hãng kapal ahaok yaom lap Jetstar Pacific brei thau meda caik 4 rabau harak kapal haok yaom lap 12 rabau đồng sa mbang nao ka rilo jalan par dalam taneh ia saong dunya piah pachreih tui “harei blei pandar trực tuyến Việt Nam” hu peih tabiak di harei 4/12 tal ini. Ini lac sa dalam dom mbang pablei harak biak lap kayua hãng kapal ahaok yaom lap akaok mereip di VN - Jetstar Pacific peih ngak, ba jalan patak pataom jien padai ka bhapbini .

/ Piah pabak ka tết meng kan, urang nong tỉnh Tiền Giang hu pala labaih 900 ribau yot bingu tết, tagok labaih 40.000 yot dut song tết thun dahlau. Duah thau hatai khin di urang, thun ni urang nong tỉnh Tiền Giang pala labaih 10 janih bingu. Tui urang pala bingu di Tiền Giang kayua thun ni langik lagaih yau nan ye dom janih bingu dok tagok siam, urak ni ni urang nong dok iek glang, meda tabiak bingu siam, rah njauk dalam harei tết.

Khaw tin dunya

 # Pasak dự báo khí hậu Mỹ ( NOAA) brei thau, kayua En Ninô (El Nino), thun 2015 oh lac thun hu brei thau lac pandiak di abih dalam sajarah , bo daok lac thun hu rilo mbang ribuk di abih kuhria meng labaih 4 abap tapa. Harak pathau khan di NOAA brei thau, dom mbang ribuk meng akaok thun ini di dom bhum tasik pak Thái Bình Dương urak ini yam tapa tanut trung bình yaok thun, ngan saong 18 mbang ribuk dalam nan hu 13 mbang cuồng phong saong 9 mbang ribuk praong . 

/ Dalam sa kham merat piah nyaih bruk urang nnaih gheih gah Y tế tabiak negar langiu, Cu ba dok tabiak quy định patrun bruk nao mai di dom chuyên gia y tế negar ni. Nhật báo Granma, jabat ngôn luận di Đảng Cộng sản Cuba brei thau tui quyết định nan meng harei 7/12 dom chuyên gia  y tế Cuba brei hu harak adat meng mintri Y tế dahlau di tuk hu tabiak negar langiu ngak bruk./. 

# Ngoại trưởng Bỉ Đi-đi-ê Rây-đơ (Didier Reynders) brei padheih mbang tapa rivang Ixraen saong dom bhum taneh Palétxtin, meng harei 5 tal 8/12 tal. Bruk nan hu ba tabiak hadei di tuk Thủ tướng Ixraen Ben-gia-min Nê-tan-y-a-hu (Benjamin Netanyahu) padheih abih dom mbang taom gaok ngoại giao saong Liên minh châu Âu (EU) ka dom bruk pambuak tal bruk hòa bình Trung Đông, di Ixraen saong Palétxtin.