Khaw tin  10g30 saong 14g30 harei 04/12/2015

/ 27.000 boh sang urang nong di Lào Kai thun ni mek hu angan ngak mbang naih joi, dalam nan hu jiak meteh dom boh sang hu jien mek tame sa thun meng 90 triệu đồng tagok. Dom boh sang urang nong ngak mbang naih joi dom pakat hu labaih ¼ dom boh sang ngak nong di tỉnh. Dut song thun 2010 hu rilo jang 6.500 boh sang, dalam nan hu jiak 1500 boh sang tabiak truh eik lipa jeng sang ngak mbang naih joi. Amuk Đinh Minh Hà, Akaok kapul urang nong tỉnh Lào Cai brei thau:    Bruk urang nong pakacah ngak mbang naih joi hu rik dong biak prong ka bruk patruh eik patrun kathaot. Urang dom bangsa tỉnh Lào Kai chreih chrai pakacah gauk  ngak mbang naih joi, sang sang pakacah gauk, peih bruk pasalih jalan ngak mbang, ngak nong palei pala.

# Tỉnh Kon Tum hu 43 nghệ nhân barau hu akaok taneh ia brei angan  Nghệ nhân ưu tú. Dom nghệ nhân hu brei angan mbang ini lac dom urang rik daong dalam dom gah nghệ thuật trình diễn mengkan; loại hình ngữ văn mengkan, rija roya mengkan, trí thức bhap bini. Langiu dom nghệ nhân hu brei angan Nghệ nhân ưu tú, dalam tỉnh Kon Tum daok hu 10 nghệ nhân hu kapul Văn nghệ dân gian Việt Nam phong tặng, truy tặng angan Nghệ nhân dân gian; 2 nghệ sỹ hu phong tặng , truy tặng angan Nghệ sỹ ưu tú. 

/Meng dom phun jien dang tabiak mesraiy, tal urak ni, Kapul urang dahlau deih ngak bol lin tỉnh Bình Thuận hu dong ka labaih 15.100 urang hội kan kathaot mesraiy labaih 290 tỷ 800 triệu đồng piah ngak mbang, dong ka urang hội pandar phun jien njauk jalan. Dalam 5 thun tapa  trun hu 249 boh sang kathaot. Meng kadung jien “Mái ấm đồng đội” song jien dong meng dom urang ngak bol lin dahlau deih ngak mbang naih joi hu pasiam 143 boh sang taih tahak ka dom hội viên. 

# Piah paglaong năng suất, chất lượng pandap, rik daong paglaong jang yaom ngak nong, dak harei dak pasiam raidiuk, tỉnh Ninh Thuận hu daong jien labaih 2,4 tỷ đồng piah peih praong dom mô hình sản xuất hu kein laba, pambuak pagam saong danakdak bruk ngak negar padang ngak palei pala barau. Tapa nan, kham merat tal puac thun 2015, dalam tỉnh hu 11 xã hu pok brei angan lac mek hu chuẩn palei pala barau saong tal thun 2020 hu 23 xã mek hu 19 tiêu chí palei pala barau. 

/ Di ban raya HCM, mintri Thông tin song Truyền thông  peih nyaom biai paglong truyền thông song hatai sahaneng ka bruk pacang caga kanjah jhak di pakao hala. Di nyaom biai, Thứ trưởng mintri Thông tin song Truyền thông Trương Minh Tuấn ndom lac, truyền thông hu labik dang biak praong dalam bruk ngak brei patagok hatai sahaneng di bhap bini ka bruk oh siam di pakao hala, meng nan salih bruk njuk  pakao dalam bhap bini. Amuk Nguyễn Thị Thu Hương, urang jakar Kadung jien pacang caga  bruk oh  siam di pakao hala , mintri Y tế ndom lac : Bruk pathau khan hu rik dong prong di abih dalam bruk salih jalan sahaneng. Camereip lac salih hatai sahaneng di urang njuk. Kayua ni lac bruk hu meng lavik, nyu dok hu XH taduan mek yau nan ye brei kham merat. Bruk pathau khan nan ye hu labik dang biak prong.

# Tui Sở ngak nong saong patagok palei pala tỉnh Đồng Nai, meng akaok thun tal ini, bruk raong glang athur, menuk ada dalam tỉnh biak tani tanat. Tui kuhria mboh di Chi cục Thú y tỉnh Đồng Nai, tuk Tết thun ini dalam tỉnh oh rah tbaiak bruk kurang rilo pabui, rilo menuk kayua tapol biak tani tanat dalam taneh ia. Urak ini, yaom rilo pabui, menuk daok tagok saong dom po trại hu laba glaong, kuhria rah tapa yaok harei, pablei tabiak meng 3.500 - 4.000 drei pabui, labaih 2,5 triệu drei menuk .

/ Di palei Long Hưng, xã Phước Thạnh, ban sit Mỹ Tho (Tiền Giang), Kapul urang nong tỉnh Tiền Giang peih bruk padang ngak pasak pato bruk ngak song dong ka urang nong. Danak dak kayua Kapul urang nong tỉnh Tiền Giang ngak po đầu tư, liên danh Bách Khoa - An Phú Gia padang ngak, tui kuhria hu padang ngak dalam sa thun. Hadei di tuk ba tame panda, pasak meda peih dom tal pato pasram bruk ngak ka hội viên, langyah dong ba piah patagok KT, paglong rai duik ka urang nong, rik dong padang ngak palei pala bahrau. 

Khaw tin dunya

# Harei 3-12, di ban Phnôm Pênh, Ủy ban bhapbini tỉnh Long An saong  Tổng hội urang  Campuchia asal Việt Nam di Campuchia pambuak bruk peih harei alin pandap ka urang kathaot daok di ban ine Phnôm Pênh. Mai pataom mbaok, hu hu lambaok Đại sứ quán Việt Nam; kajar Campuchia pak nan saong labaih 300 sang kathaot lac Việt kiều saong urang Campuchia daok di ban Phnôm Pênh. Yaok sang kathaot hu taduan mek sa paok pamdap hu mì tôm saong jien abih tih 120 triệu đồng. 

/ Gah y tế dunya hu ba tabiak số liệu meng 17 negar song bhum palei di Châu Mỹ, dalam nan hu Mỹ, Canađa, Chilê brei thau, dom negar ni pacang hu bruk njom HIV song giang mai meng amaik tapa anek. Bilan 6 thun ni, Cuba jeng negar camereip di dunya hu Gah y tế dunya brei harak lac pacang hu bruk njom HIV song giang mai meng amaik tapa anek

# Barau ini, truyền thông puk palei ba khaw tin lac rajaei Myanmar hu hồi hương veik 48 urang tị nạn Bangladesh. Dom urang dang akaok karja Myanmar di huyện Maungdaw (Ma-ung-đau) hu bayan dom urang ini ka kapul biên phòng Bangladesh di bhum tapeng negar di harei 3/12. Yau nan kuhria tal ini, Myanmar hu brei hồi hương 777 urang tị nạn lac urang Bangladesh dalam 7 mbang ./.