# Pahadar 70 thun cách mạng bilan 8 saong harei negar 2/9, harei ini (24/8), pak Hà Nội, Viện Hàn lâm Khoa học Xã hội Việt Nam pambuak haong Ban Tuyên giáo Trung ương saong Thành ủy Hà Nội peih nyaom biai: “70 thun  Cách mạng bilan 8 saong harei negar Cộng hòa Xã hội Chủ nghĩa Việt Nam ngan haong bruk salih bahrau, mbeik drei tame saong cakrok patagok (1945-2015)". Dom urang lambaok hu mbaok tame nyaom biai meda klah rabha dom roh duah ka makna dakrai sajarah di Cách mạng bilan 8 thun 1945 ngan haong bruk salih bahrau, mbeik drei tame saong cakrok patagok di negar .

# Kapul dam dara Cộng sản Hồ Chí Minh pakat negar, Hội sinh viên Việt Nam pakat negar pambuak bruk song Tỉnh đoàn Quảng Ninh peih pakak gieng doh di angaok palao Trần, huyện Cô Tô. Gieng doh negar di palao Trần hu padang di tabung glong di abih di palao Trần song glong 22mét 6m. Geng dok hu padang ngak di harei 31/3 song yaom jien abih tih 2 tỷ đồng.

# Klup kapul tacei ba gah rivang ma-in bal Đà Nẵng bahrau peih van khan brei thau ka Bộ Quy chế ứng xử dalam bruk du lịch. Ini lac Quy chế kayua Ủy ban Bhap bani Đà Nẵng ủy quyền ka Sở Ilamo padhih saong rivang ma-in ba tabiak. Ong Trần Trà, akaok Klup kapul tacei ba rivang ma-in bal Đà Nẵng brei thau: Bộ quy tắc ứng xử dalam bruk du lich bo urang tacei ba nan lac dom urang hu mbaok tame dom bruk ngak nan, biak di nyu  urang tacei ba nan lac urang rik daong praong saong hu makna dalam bruk khan brei thau oh lac ka tuai rivang ma-in dalam negar jang yau langiu negar bo gam hu bhap bini puk palei.

# Hadei di 2 harei rah tabiak, harei patom papar sap papar binguk tỉnh Bình Thuận mbang ka 11 hu tamat  bloh di harei 23/8 di ban sit Phan Thiết. Harei patom papar sap papar binguk Bình Thuận thun ni hu 13 đơn vị hu mbaok song 49 tác phẩm tame pakacah di 4 janih. Dom tác phẩm brei mboh dom bruk KTXH dok hu caik hatai sangka yau bruk patruh eik patrun kathaot, bruk jah tah gla, bruk ô nhiễm môi trường di bình Thuận.

# Piah salih bahrau saong paglaong cao chất lượng hệ thống chính trị pak cơ sở, 3 thun jaik di ini, tỉnh Phú Yên hu brei jaik 3.000 urang jakar xã, phường nao pasram megru paglaong ilamu piah mek hu chuẩn quy định. Tỉnh ini jeng hu pilih ruah jaik 300 sinh viên bac tamat Đại học hệ chính quy mai ngak bruk pak dom xã, phường, bal sit salih ka dom urang jakar oh mek  tanut chuẩn. Urak ini, tỉnh Phú Yên daok peih ngak Đề án pilih ruah 100 kỹ sư gah ngak nong, cử nhân kinh tế hệ chính quy mai pal akaok dom Hợp tác xã ngak nong.

# UB bhap bi ni huyện Kbang, tỉnh Gia Lai brei thau, urak ni di tỉnh jeng dok hu pandiak bhang trak, ngak khat lihik jiak 1.700 ha phun pala dalam thun 2015. Dom janih phun pala khat lahik nan lac tangei, ratak dom janih, bei plom, song padai ia labaih 13ha, rilo meng dok di dom xã Lơ Ku, Đông, Đăk SMar, Nghĩa An, Tơ Tung song ban sit Kbang.Tui kuhria khat lihik tagok tal yaok tỷ đồn. aNak bruk ni, Sở ngak nong song patagok palei pala tỉnh Gai Lai pambuak song huyện Kbang duah jalan dong ka mik va urang nong.

#  Tui Sở Ilamo – Padhih saong rivang ma-in Bal Cần Thơ, công trình menyek hadah nghệ thuật angak tatua Cần Thơ hu thiết kế ngan haong taong abih 1.216 bộ menyek, dalam nan dom baoh menyek hu thiết kế 2 gah tapen tatua  nan lac 1000 baoh saong angaok dom talei tuan di tatua nan lac 216 bộ. Công trình ini meda hu ngak salah blaoh saong ba tame pandar njauk tame harei dak padang Bol bala bhap bani Việt Nam 22/12 anak tal.

# Harei 23/8 Chi cục Hải quan mblang kapan haoh Tân Sơn Nhất pambuak bruk song dom gah di mintri Công an chap mek bruk pajeng ba suan adat hukum quân phục meng jalan kapan haoh. Tapa pasang iek di Chi cục Hải quan mblang kapan haoh Tân Sơn Nhất, mboh hu jiak 100 bộ khan aow quân phục di bol bala Mỹ, hu phù hiệu dom janih binh chủng. Urak ni gah Hải quan dok khik veik dom pandap nan song dok pambuak bruk song dom gah chức năng di mintri Công an peih bruk duah thau cambaih laih bruk pajeng ba dom quân phục nan./.