Khaw tin 10g30 saong 14g30 harei 5/12

             / Tỉnh Nghệ An dok peih ngak siam dom mô hình mblang hamu prong dalam bruk ngak nong. Dom mô hình ni hu rik dong prong ka bruk tagok năng suất, salih janih phun pala, salih jalan ngak nong. Tapa duah thau di gah ngak nong dom puk palei, peih ngak mô hình ni, hu patrun phun jien, patak patom hu pren ngak, mban lagaih dalam bruk ba jamriak saong dom ilamu kỹ thuật bahrau tame pala drak.

#  Phòng Cảnh sát Giao thông Công an ban sit Đà Nẵng barau ba tabiak bruk cuh klak radaih patuh klak oh khik hu an toàn giao thông. Yaok thun, Phòng Cảnh sát giao thông, Công an ban sit Đà Nẵng xử lý meng 300 tal 500 radaih klak suan hukum an toàn giao thông. Dom radaih ini yaom lap nan ye tuk taong phat glaong jang yaom jien radaih ye urang klak radaih. Đại tá Lê Ngọc, Kaok phòng Cảnh sát Giao thông, Công an ban sit Đà Nẵng brei thau : meng tuk dom po radaih klak, Công an mek veik blaoh pablei tabiak gah langi. Yaom lac dom radaih ini dom po ndih oh njauk hukum, min tuk cong an mek pablei tabiak lac njauk adat. Tapa nan oh karei hagait bruk lac drei ba jalan ka radaih ini nduac di jalan .

/ labaih 120 urang jakar, urang đoàn, dam dara, Sv halan hatain di sang bac ĐH Luật ban raya HCM song đoàn xã Minh Hưng, Chơn Thành, tỉnh Bình Phước pambuak gauk  peih bruk puh ramik hacih saat môi trường ngan saong kadha “ Kayua môi trường- labik dok hacih saat” dom urang đoàn, dam dara, SV hu patom mek hareik, yah klaak dom chướng ngại vật, tathuak ia cống rảnh, ngak saat jalan mbak, ngak brei laneng lanoi jalan roya 13, labik ngak kong, labik daok di bhap bini, labik ngak bruk.

# Meng akaok thun tal ini, 8 kapul chiếu bóng lưu động di Sở ilimo – padhih saong du lịch Đồng Nai hu pambuak bruk saong Liên đoàn lao động dom huyện, saong dom công ty, xí nghiệp,… peih labaih 1.700 mbang chiếu phim saoh duh 481.560 mbang urang maong . Urang hu duh lac dom công nhân di dom labik công nghiệp, bhapbini bhum atah bayah, dom xã palei pala barau di dom huyện, ban sit Long Khánh.

/ Nyaom darak pasa parang iek bruk ngak nong công nghệ glong song công nghệ pandap mbang 2015 (Hi-tech Agro 2015)  kayua pasak Xúc tiến pablei salih song đầu tư  ban raya Hồ Chí Minh peih tabiak. Nyaom darak pasa mbang ni hu jiak 300 gian hàng di 145 đơn vị song DN praong di taneh ia drei ka gah ngak nong song ngak cong pandap mbang. Di labik ni dom janih pandap bahrau ka công nghệ sinh học, pajaih phun pala, kaya nong, dom jalan ngak nong tui jalan ngak bahrau mbang camereip hu yaih khan tal bhap bini.

# meng sa phun mbang baok bình thường dalam bein sang, urang nong  huyện cù lao njaom mbak Tân Phú Đông (Tiền Giang) hu ba mãng cầu xiêm tame phun pala praong. Meng nan, mikva pak ini tani tanat raidiuk, sanang hatai ngak mbang. Ông Cao Văn Hóa, Phó akoak Sở ngak nong saong patagok palei pala tỉnh Tiền Giang brei thau, tal thun 2020 tỉnh peih praong bhum pala chuyên canh di ini tagok 1.250 ha, pataom rilo di 5 xã lac Tân Phú, Tân Thạnh, Tân Thới, Phú Thạnh saong Phú Đông.

/ Tui sở Công Thương tỉnh Cà Mau, piah hu ginup pandap pablei tuk tết anek sak kara 2016, tỉnh Cà Mau hu buh tabiak labaih 100 tỷ đồng song labaih 12.000 janih pandap, dalam nan hu parabha jeng dom nyaom hu buh breu dahlau yau brah, kaya nong, tanyiak, khan aow, meh pariak. Kadha bahrau  dalam bruk caga pandap pablei tết thun ni lac hu tal  90% pandap Việt chất lượng glong, ba pandap mai puk palei saong khik caga chất lượng pandap mbang menyum.

Khaw tin dunya

# Akaok gilang pariak Đầu tư cơ sở hạ tầng châu Á (AIIB) Kim Lập Quần (Jin Liqun) brei thau gilang pariak ini yaok thun meda pabak brei meng 10 tal 15 tỉ đô la Mỹ tuk gilang pariak ini tame ngak bruk. Ông Kim Lập Quần ndom lac, gilang pariak ini ngak bruk kien laba jang jeng ye paglaong phun jien piah brei ka dom dự án cơ sở hạ tầng meyah hu rilo taneh ia pataom mbaok tame.

          / Urang ba panuac di mintri ngoại giao song pambuak bruk CPC Sun-ri (Chum Sounry) brei thau, mintri ini bhain hu panuac ieu tong abih đại sứ quán di negar langiu caik hatai sangka langyah bruk urang ngak song kiều dân CPC gaok kan kandah, abih di nyu nan lac urang kamei. Dom đại sứ quán njauk pambuak bruk khang kajap song karja di negar nan piah khik caga quyền lợi njauk hukum di urang CPC./

 # Ong Mắc Dúc-cơ-bớc (Mark Zuckerberg), sa dalam dua uang padang Facebook brei thau meda pandar jaik abih drap ar di drei piah ngak pahla. Panuac nan hu ba tabiak hadei tuk Dúc- cơ- bớc hu tagok ngak ame meng bruk tabiak rai urang anek kumei kacoa di ong. Ini oh njauk lac mbang akaok mereip, ông po trang mạng xã hội angan je ini sanya ngak pahla. Bilan dahlau, Dúc-cơ-bớc saong diuk jeng hu caik tabiak 20 triệu đô la piah ba mai dịch vụ In-tơ-nét tốc độ glaong ka dom tan bac di Mỹ.