Khaw tin 10h 30 saong 14 h30, harei 2/7/2015

   #  Ủy viên mintri Chính trị, Phó Thủ tướng Nguyễn Xuân Phúc saong kapul urang Quốc hội tỉnh Quảng Nam barau hu var taom gaok cử tri huyện bhum glaong Phước Sơn, tỉnh Quảng Nam hadei mbang nyaom ka 9, Quốc hội mbang 13.  Di var taom gaok, Phó Thủ tướng Nguyễn Xuân Phúc hu khan brei ka mikva dom bangsa huyen bhum glaong Phước Sơn, tỉnh Quảng Nam thau dom bruk praong di taneh ia, bruk ngak hu di mbang nyaom ka 9, Quốc hội mbang 13.  Phó Thủ tướng Nguyễn Xuân Phúc ndom lac : Yaok xã, yaok bhapbini njauk duah kayua habal kathaot. Oh thau ngak, kurang jien atau alah ngak? Bo ngak di ini lac piah pasiam anek menuac oh njauk mek jien tame saoh oh. Meyah kol drei mesam phui (chăn) ndih hamiet oh njauk lac van minh. Dang, karja sangka daong, langyah, abih di nyu nan lac dom huyen kan kandah, bruk nan njauk saong njauk ngak, min dalam yaok bhapbini, yaok pakat uy, karja njauk paglaong hatai patruh eik patrun kathaot, tabiak truh kathaot.

/ Tamat harei pakacah camereip di mbang pakacah THPT pakat negar thun 2015 ngan saong 2 môn toán saong ngoại ngữ, dalam taneh ia hu 31 anek saih ngak sung hukum pakacah njauk kỷ luật. Dom lỗi njauk kỷ luật ralo meng lac kayua ba phon pan tangin, ba tài liệu saong pandap oh brei ba tame duk pakacah. Đề pakacah oh hu sai sót, hu khik kandauk di taong abih gah. 

# Cụm pakacah Trung học Phổ thông pakat negar kayua Sở pato megru tỉnh Quảng Ngãi dang akaok hu labaih 5.000 thí sinh tame pakacah. Langiu 3 mon pakacah bat buoc lac katih, Ngữ văn saong akhan Anh, thí sinh pakacah veik sa mon tự chọn dalam 5 môn daok veik lac : Vật lý, hoá học, sajarah , địa lý saong sinh học. Dalam 6 huyện bhum ceik tỉnh Quảng Ngãi, anek saih tut angan pakacah môn địa lý labaih 80% tagok, dalam tuk nan rilo mon ye sajarah, hoá học, sinh học.. oh hu thí sinh pilih ruah pakacah.  

/ Viện Huyết học – brei drah Trung ương peih danak dak jalan nao meriah thun 2015. Jalan nao meriah thun ka 3 ini hu tabiak mbaok di harei 5/7, hu dua kapul nao, hu padeih takai saong peih bruk brei darah di 22 tỉnh, ban dalam taneh ia. Jalan nao meriah thun 2015 kham merat taduan mek takik di abih 17 ribau đơn vị drah brei ka bruk cấp cứu saong iek ruak ka urang ruak dalam bilan hè ini.

# Harei kabroi 1/7, di Đà Nẵng, labaih 30.000 thí sinh di cụm pakacah 27 yam tame mon pakacah katih akaok meti di mbang pakacah Trung học phổ thông pakat negar thun 2015, hu 98% duk saong tut angan. Ndom ka de pakacah mon katih, thí sinh Phạm Thế Bắc daok di ban sit Trà My, huyện Bắc Trà My, tỉnh Quảng Nam, di Hội đồng pakacah sang bac Trung học phổ thông Trần Phú ban sit Đà Nẵng brei thau : Pagiay ini adei pakacah mon katih đề pakacah jeng njauk saong tapuk  giao khoa, dahlak ngak bài hu jaik 80%. Đề pakacah katih thun ini jeng mbiah pren anek saih.)

/ Jit ruak rệp sáp tapung hồng ngak palai phun bei kayau daok rah tabiak saong njom mbak samar di huyện bhum ceik Sông Hinh, tỉnh Phú Yên. Tal urak ini, dalam huyện Sông Hinh hu labaih 120 ha phun bei kayau njauk njom ruak rệp sáp, dalam nan 1/3 taneh njom ruak trak. Ong Nguyễn Khắc Sự, akaok duk ngak nông saong patagok palei pala huyện Sông Hinh, tỉnh Phú Yên brei thau: Meyah lui jit tamuh khang ye ngak kan kandah biak praong, taneh njauk ruak trak ye oh mek hu hagait. Huyện tacei pato dom xã brei urang nao pachreih mikva am cuh klak, pacang bruk njom mbak di jit ruak tapa jalan pajeng ba athur raong, kayua anek menuac atau côn trùng, atau ngin yuk.

# Tal pagiay harei ini (2/7), gah chức năng quận Thủ Đức, ban raya Hồ Chí Minh daok kham merat pasiam khut khat di mbang glut jaleih trak ar kraong Sài Gòn ngak ka sa canah ar kraong atah jaik  2 rabau m2 di puac jalan ka 7, Phường Hiệp Bình Phước jaleih trun kraong dui pagam tui rilo baok sang, ô tô saong ngak klaoh abih jalan menyek, viễn thông di labik ini. 

Patui di ini dom khau tin dunya:

/ Truyền thông Ấn Độ brei thau, takik di abih 18 urang metai dalam dom mbang jaleih taneh kayua hajan khang di huyện Đác-di-linh, bang Tây Ben-gan  gah timur Ấn Độ meng melam 30/6. Takik di abih 25 mbang jaleih taneh ngak khat lahik praong tal dua jalan roya dalam khu vực oh nao mai hu, dịch vụ viễn thông pambuak saong Đác-di-linh saong bang Xích-kim jeng klaoh abih. Dom kapul daong di rajaei barau hu ba nao tal labik gaok kan kandah kayua jaleih taneh, labik hu takik abih 15 urang daok lahik. 

# Harei kabroi (1/7),  di tỉnh Kom Pong Chàm, gah kaya ikan Campuchia peih bruk palao ikan pajaih salam uan gah kaya ikan negar. Ini lac mbang yaka 13 Campuchia peih bruk palao ikan pajaih piah salam uan harei kaya ikan negar 1/7. Yaok mbang peih ngak, Campuchia palao yaok triệu pajaih kaya ikan dom janih piah khik saong patagok dom janih pajaih kaya ikan. Dalam mbang palao ikan thun ini, Campuchia palao labaih 1 triệu pajaih ikan, labaih 100 rabau pajaih hadang saong rilo pajaih ikan karei.

/ Tui kuhria hu yaok triệu uranaih njauk ruak tự kỷ di TQ. Anak bruk ruak ini dak harei dak ralo, dom urang ruah duah TQ hu duah mboh sa ứng dụng thông minh angaok phon pan tangin piah daong dom uranaih njauk ruak tự kỷ pasiam bruk ndom meyai nao mai saong baoh sang jeng yau menuac sia jaik taphia . Sa ứng dụng angaok phon pan tangin hu angan “Asar hajan sit” hu dom urang ruah duah di TQ duah mboh yau sa pandap đặc biệt brei ka uranaih tự kỷ saong baoh sang di dom adei./.