# Page harei kabroi 28/6, pak bal raya Hồ Chí Minh, akaok negar  Trương Tấn Sang hu mai sirah Giáo  sư –Tiến sĩ  Trần Văn Khê. Ong  lac urang hu biak rilo thun roh duah, pato pakai, hu ralo rik daong dalam bruk meyaih khan âm nhạc Việt Nam, jang yau ilamo Việt Nam tabiak dunya. Drut droi anak bruk tabiak nao di Giáo sư - Tiến sĩ Trần Văn Khê, akaok negar Trương Tấn Sang hu vak tame dalam sổ tang yau ini "Giáo sư, Tiến sỹ Trần Văn Khê, urang abih rai rik daong ka âm nhạc Việt Nam, rik daong biak ralo ka bruk meyaih khan ilamo Việt Nam tui jalan âm nhạc. Bruk ngak di ong miat miat lac drap ar prong glaong di ilamo Việt Nam".

# Tui mintri Kế hoạch song Đầu tư, dalam 6… akaok thun ni, dalam negar pachreih hu 5 tỷ 490 triệu đôla Mỹ  phun jien di negar langiu, samu 80% dut song tuk vak ni thun dahlau. Dalam 48 negar song bhum taneh buh jien tame Việt Nm, HQ dang akaok song yaom phun jien tut angan tame rilo jang 1 tỷ 520 triệu đôla Mỹ, labaih 27,7%  yaom phun jien di negar langiu buh tapak tame  VN.

# Mentri Pajeng ba bahrau peih bruk brei radaih nduac tapa jalan Hồ Chí Minh, labik tapa tỉnh Gia Lai. Jalan ini atah jaik 60km, hu ngak haong yaom jien jaik 1.800 tỷ đồng, tui jalan BOT. Jalan ini hu peih ngak meng bilan 6 thun 2013, hu ngak salah dahlau jang tukvak 6 bilan.

# Harei 28/6 Kapul DN ranaih umo tỉnh Quảng Ngãi pambuak bruk song kapul Sinh viên Việt Nam tỉnh peih harei “Daong pren bilan pakacah” thun 2015. Tui nan dom kapul halan hatain peih bruk pajeng ba, kuhria labik dok ka labaih 1000 thí sinh hu rai duik kan kandah, dok di bhum atah bayah di tỉnh Quảng Ngãi tame tỉnh Bình Định pakacah trung học phổ thông pakat negar. Dahlau di tuk peih ngak, Kapul DN ranaih umo tỉnh QN hu jao brei 20 pok jien bac ka dom thí sinh hu rai duik kan kandah dong ka dom adei sahaneng hatai tame pakacah.

# Jeng dalam harei nan, pak bal Phan Thiết, Tỉnh Đoàn Bình Thuận jeng hu pambuak haong Hiệp hội Doanh nhân ranaih tỉnh peih ngak danak dak “Pabak pren bilan pakacah 2015”. Danak dak daong radaih pajeng 130 thí sinh kathaot, anek saih hu rai diuk kan kandah pak bal  Phan Thiết saong huyện pulao Phú Quý tame bal raya Hồ Chí Minh pakacah mbang pakacah phổ thông trung học pakat negar 2015. Dom adei daok hu daong vé nao radaih buýt saong jien nao mai dalam Phan Thiết hadei di mbang pakacah. Adei Lê Minh Trường, anek saih sang bac Trung học Phổ thông Bùi Thị Xuân, phường Mũi Né, bal Phan Thiết khan lac: Sang dahlak kan kandah. Tuk hu Tỉnh Đoàn daong nyu ngak ka khaol dahlak sahanag hatai jang ka sang danaok, saong khaol dahlak meda sahanag hatai yam tame mbang pakacah praong ini.

# Pachreih tui harei “Boh sang VN”, melam bloh 28/6, Sở Văn hóa, Thể thao song Du lịch tỉnh Sơn La hu peih danak dak daoh tamia “Boh sang anit ranam”. Dalam danak dak ni, dom kadha doh gheih song hu makna pok meyaom ka baoh sang, amaik ame hu ngak ka urang mboh drut drui, bak hatai anit ranam. Saai Phạm Ngọc Quyên dok di ban sit Sơn La hu mbaok dalam danak dak khan lac:

Lac sa urang hu mbaok tapak dalam danak dak “Boh sang anit ranam” hulin mboh biak drut drui.Tapa nan, hulin caong urang ame atau amaik halei nan, yaom lac nao labik halei, jeng hadar song mai veik boh sang, kayua boh sang nan lac labik hu yaom glaong di abih.

# Sở Ilamo padhih saong Rivang ma-in tỉnh Đắc Lắc bahrau peih giải Taekwondo klup kapul ranaih tỉnh Đắc Lắc 2015. Giải thun ini hu mbaok 143 vận động viên mai meng 14 klup kapul dalam tỉnh, pakacah pak 26 hạng cân, di 2 nyaom umo: Ala 12 thun saong 12 tal 14 thun, pakacah tui jalan đối kháng.

Khaw tin dunya:

# Dom chuyên gia khí tượng Tây Ban Nha hu panuac kakei bhap bini njauk ba tabiak jalan pacang caga tuk langik pandiak meda rah tabiak di negar ni dalam dom harei ana ktal, mbuan si  khuak glai glong. Dom mbang pandiak meng Châu phi dok mong tal gah barak negar ni, ngak ka nhiệt độ di TBN dom harei akako adit tal meda tagok tal 40 độ C. Karja di labik ni urak ni oh brei cuh phao bingu dalam bán kính 500 mét jiak glai glo song hu panuac ndom lac dom urang jhuk pakao hala oh klak pakao palai rai.

# 20h30' melam 28-6 (tui tukvak puk palei), rah tabiak sa mbang patuh saong ngak khuah prong pak sa  công viên giải trí dalam khu Tân Bắc, bal Đài Bắc, Đài Loan (Trung Quốc). Mbang patuh ngak ka 510 urang njauk rambuis, dalam nan hu 183 urang njauk rambuis trak. Dom urang hu mbaok pak nan brei thau, makna ba tal khuah kayau janih tapung hu pruh tabiak piah ngak jeng sambo màu tuk laik tame dom baoh gom hadah hu nhiệt độ glaong ngak brei patuh.

# Harei 28/6, Akaok Tổng cục pasang iek jit ruak di mintri y tế Thái Lan Xổ-phôn (Sophon)brei thau, pren yava di urang ruak umo 75 thun urang Ô-man njauk ruak hội chứng suy hô hấp cấp vùng Trung Đông (MERS) daok siam veik. Tui kuhria dalam var dut iek puac di abih dalam harei ni 29/6, meyah lac urang ruak nan hu kết quả dut iek âm tính song vi-rút MERS, ye meda hu xuất viện./.