# Panuac khan meng Ban Nội chính Trung ương brei thau: pak Nyaom biai di  Ban Nội chính Trung ương piah ba menuac tabiak ứng cử Quốc hội khóa XIV, taong abih gauk jeng njauk hatai brei ong Phan Đình Trạc, Ủy viên Trung ương Đảng, Akaok ban Nội chính Trung ương saong ong Lê Minh Trí, Ủy viên Trung ương Đảng, Phaok Akaok Ban Nội chính Trung ương tabiak ứng cử Quốc hội khóa XIV.

# Thủ tướng rajaei daok brei dong trợ 523,7 tỷ đồng ka 34 puk palei meng kadung jien TƯ thun 2016 piah pasiam dom khut khat kayua pandiak bhang njom mbak bilan Đông Xuân thun 2015 - 2016. Dahlau nan, bilan 2 thun 2016, Thủ tướng rajaei hu dong 85,1 tỷ đồng meng kadung jien TƯ thun 2015 ka 6 tỉnh Quảng Trị, Đắk Lắk, Đắk Nông, Long An, An Giang, Đồng Tháp piah pasiam pandiak bhang song njom mbak bilan Hè Thu thun 2015.

#  Vụ Đông Xuân thun 2014-2015, tỉnh Đắk Nông hu labaih 12.000 ha phun pala njauk pambak kayua tua riya pandiak bhang, ngak khat lahik ka yaok pluh ribau baoh sang urang nong. Meng bruk đề xuất di Đắk Nông, Raja-ei hu brei jaik 15 tỷ đồng piah daong ka urang pasiam veik dom khat lahik kayua tua riya pandiak bhang, pasiam veik bruk ngak mbang pala drak. Phun jien ini hu Sở Jien padai buh brei dahlau ka 5 huyện njauk khat lahik trak nan lac Krông Nô, Đắk Mil, Cư Jút, Đắk Song, Tuy Đức saong bal sit Gia Nghĩa. Yau nan min tal urak ini, urang nong jeng oh ka taduan mek hu jieng daong ini.

# Ong Nguyễn Mạnh Hùng, Phó Chủ tịch Ủy ban bhap bini tỉnh, gam ngak Trưởng Ban tacei ba xử lý lục bình tỉnh Tây Ninh brei thau, meng bilan 4 thun 2016 tỉnh ba tabiak bruk xử lý lục bình di krong Vàm Cỏ Đông, piah giải tỏa krong hu laneing lanoi, palagaih ka kapan gaiy nao mai mbuan lagaih jang di jalan krong ni. Tui nan, dom palei pala tapen krong Vàm Cỏ Đông hu trách nhiệm tháo dỡ cọc, chà và trục vớt lục bình; jang yau pathau khan, jak ba urang dok di tapen krong jhui padang geing, chà chắn khik lục bình piah tong chap ikan.

# Urak ini, hadang thẻ thương phẩm pak labik raong tỉnh Tiền Giang daok hu yaom glaong, urang raong hadang biak bui sambai kayua hu jien mek tame glaong saong rai diuk grap tanat. Tui ong Liễu Hồng Châu, daok pak xã Bình Đông, bal sit Gò Công, yaom hadang thẻ prong nde 50 drei sa kg pablei hu jaik 150.000 đồng sa kg, glaong jang tukvak ini thun dahlau meng 40.000 – 50.000 đồng/kg. Baoh sang ong Châu hu 2 danao raong hadang taong abih mblang taneh  1 ha. Yaok thun ong raong hu 2 vụ hadang sú, năng suất mek hu 10 tấn hadang angaok sa ha dalam sa vụ.

# Hadei di 5 thun peih ngak sarak padang palei pala bahrau, bhap bini tỉnh Cà Mau hu rik dong labaih 30 tỷ đồng, dalam nan kuhria taeng binah taneh bo urang jao brei piah padang ngak dom danak dak dân sinh labaih 10 tỷ đồng. Thun ni, tỉnh Cà Mau kham merat buh 20 tỷ đồng piah padang ngak xã palei pala bahrau, tui kuhria pachreih ba rik dong labaih 5 tỷ đồng hu buh ngak dahlau ka 6 xã dok dalam tanut padang xã tanut chuẩn palei pala bahrau dalam thun ni.

# Meng harei 18 - 23/3, pak tỉnh Kon Tum meda rah tabiak harei nyaom nghệ thuật bhap bani Tây Nguyên pagam haong Adit ilamo – Rivang ma-in tỉnh Kon Tum mbang ka 3 thun 2016. Harei nyaom hu mbaik di 13 kapul nyaom nghệ nhân mai meng 5 tỉnh Tây Nguyên dalam nan lac Kon Tum, Gia Lai, Đăk Lăk, Đăk Nông, Lâm Đồng ngan haong jaik 600 nghệ nhân, nghệ sỹ saong ca sỹ hu mbaok tame danak dak daoh tamia ngan haong kadha “Tanjoh sữa sử thi”. Dom bruk ngak hu peih ngak dalam vaktu ini nan lac: Harei nyaom tạc tượng kayau bhap bani, ngak tabiak alat ragam bangsa; Parang iek ka Drap ar ilamo Tây Nguyên; Trình diễn nghệ thuật chỉnh chiêng, giao lưu trình diễn cồng chiêng saong dom kadha ma-in bhap bani …

Khaw tin dunya:

# Urang dang akaok y tế Mỹ brei thau urak ni negar hu jiak 200 urang njom virut Zika, tong abih urang ni meng negar langiu. Gam song bruk nan, urang dang akaok y tế hu panuac ieu QH brei 1,9 tỷ USD dong pacang caga jit ruak di Mỹ Latinh song caga virus pambak tal Mỹ. Sa binah dalam hu nao tal Puerto Rico, labik jit ruak dok pambak khang ngan song 159 urang ruak.

# Mentri Ngoại giao Mỹ brei thau lac thưởng yaom jien 5 triệu đôla Mỹ ka urang halei brei thau dom kadha pambuak pagam tal dua urang 2 urang khủng bố nguy hiểm manuac Áp-ga-ni-xtan (Afghanistan), nan lac Áp-đun Sa-bu (Abdul Saboor) saong Áp-đun-la Nu-ba-ha (Abdullah Nubahar). Ini lac 2 chuyên gia chất patuh, duh ka dom bruk ngak khủng bố pak Áp-ga-ni-xtan.  

# Hiệp hội padai brah CRC di Prang ba tabiak bruk pala lua mi saat pamong tal bruk khik caga chất lượng asar padai song khik caga môi trường, piah brei adat ka urang nong Prang pacang hu siam jang bruk khủng hoảng./.