# Page ini (12/4), Quốc hội nyaom mbang tamat padeih. Dahlau di tuk akaok Quốc hội Nguyễn Thị Kim Ngân pok panuac tamat mbang nyaom, Quốc hội biểu quyết brei tapa sarak ka danak dak patagok kinh tế - xã hội 5 thun 2016-2020; Biểu quyết brei tapa sarak ka bruk pataom iek veik bruk ngak tukvak 2011-2016. Dalam van ngak bruk harei kabroi, Quốc hội hu phê chuẩn angan dom Phaok Chủ tịch saong dom Ủy viên Hội đồng bầu cử negar.

# Thun ni, pachit daa Po Hùng, Lễ hội Đền Hùng hu peih ngak dalam 5 harei meng harei 12/4 tal harei 16/4/2016 ( nan lac meng harei 6 tal harei 10/3 tui saka bilan) di tỉnh Phú Thọ. Gam song tỉnh Phú Thọ, daok hu mbaok dong ngak pachit di 3 tỉnh Hưng Yên, Bình Thuận, Cà Mau. Tal tuk vak ni bruk kuhria caga hu ngak salah bloh, tỉnh Phú Thọ daok caga taduan raok bhap bini dalam song langiu negar mai hu mbaok.

# Akaok Cục An toàn pandap panda (Mentri Y tế) Nguyễn Thanh Phong dalam sa mbang nyaom kayua Bộ Y tế peih tabiak harei 11/4, lac: taong abih bhap bani, abih di nyu lac urang blei pandar njauk khang hatai jang dalam bruk tacei tabiak brei thau dom janih pandap panda kaya mbang oh siam piah dak harei dak jhul kadul likuk saong tah klaak pandap panda oh siam tabiak truh rai diuk yaok harei. Paih pachreih bhap bani tacei brei thau dom bruk ngak suan gah vệ sinh an toàn pandap panda, Mentri ngak nong saong patagok palei pala hu tabiak bruk thưởng ka bhap bnai urang halei brei thau ka pandap panda oh siam tal Jabat Thanh tra chuyên ngành di Mentri. Yaom jien thưởng meng 1 tal 50 triệu đồng tui bruk sit atau praong. 

# Meyah pandiak bhang daok dui atah song oh hu hajan yau urak ni, labaih 12.000 boh sang di tỉnh Bình Định meda kurang ia pandar. Meng akaok thun tal ni, ia hajan di tỉnh Bình Định hu sa meteh dut song rilo thun. Tal urak ni, 27 dalam 161 danao di tỉnh Bình Định daok thu ia, rilo danao ia dok hu meng 40%  dung tích thiết kế  trun jeng meda thu ia dalam tuk vak anak tal.

# Ủy ban Bhap bani tỉnh Đồng Nai bahrau brei buh tabiak 12 tỷ đồng piah peih ngak dom mbang pametai jamaok, lăng quăng pak taong abih 171 xã, phường dalam tỉnh piah pacang cakak ruak pandiak tabiak darah saong jit ruak kayua vi rút Zika. Ini lac yaom jien prong abih meng dahlau mai hu tỉnh ini buh brei ka bruk pacang caga jit ruak. Meng ini tal puac thun 2016, tui kuhria mboh dahlau ruak pandiak tabiak darah meda daok tamuh khang.

# Meng labaih 1 adit ni mai, yaom njam patam di dom darak meng kan di ban raya HCM tagok meng 2 tal 5 ribau sa kg. Makna kayua langik pandiak bhang, dom bhum pala njam nyu thu lagu, njom mbak  nan ye njam pabak ka darak pasa daok takik nao., Saai Phan Thị Nhàn, pablei njam di pasa Thị Nghè quận Bình Thạnh brei thau: Njam patam, njam hagait jeng tagok yaom. Njam patam 25 ribau đồng sa kg tagok. Njam tagok 5 ribau đồng sa kg. Langik pandiak pala oh hu song pandiak mbak  nan ye njam hagait jeng tagok yaom.

# Salam uan Tết Chôl Chnăm Thmây di bhap bani bangsa Khmer, harei 11/4, karja tỉnh Bạc Liêu pambuak haong Ban Tacei pato Tây Nam Bộ peih bruk taom mbaok labaih 400 urang Khmer lac dom ong bhik, Ban quản trị dom baha Khmer, urang jakar Khmer. Bạc Liêu urak ini hu jaik 15 ribau baoh sang Khmer ngan haong labaih 88 ribau urang, meblah labaih 7% bhap bani dalam tỉnh. Dom thun tapa, meng peih ngak dom sarak daong patgaok ngak mbang kinh tế - xã hội dalam bhum urang bangsa  Khmer gam haong bruk sangka, daong palaghaih di dom pakat ủy Đảng, karja nan ye rai diuk mbang ngui daok dang di bhap bani bangsa hu grap tanat.

Khaw tin dunya:

# Thủ tướng Campuchia Hun Sen brei thau negar ni dok dang anak bruk pandiak bhang khang, saong hu panuac cong khin Trung Quốc brei patui bruk tathuak ia trun ala krong Mê Kong. Brei panuac di tỉnh Prey Veng (Prây Vên), gah merong  Campuchia, ong Hun Sen brei thau Trung Quốc hu 2 mbang tathuak ia trun krong Me Kong, j saong hu panuac ieu Bắc Kinh patui ngak bruk ni. Taphia di nan, , Thủ tướng Hun Sen  sa mbang tra hu panuac ieu urang nong Campuchia patak patom ia tuk bilan hajan thun ni tui kuhria tal kreik bilan 7 meng hu hajan kayua gaok El Nino, dalam tuk bilan hajan yaok thun lac meng bilan 5.

# Cảnh sát Thái Lan daok patagok dom jalan ngak piah khik kajap an ninh dom pulao di bhum taneh gah meraong negar ini, piah caga ka Lễ hội thaik aia Xổng-cran tuk kuhria mboh dahlau lac hu biak ralo tuai du lịch tuh mai ini dalam dom harei lễ hội. Gah an ninh meda pasang iek tuai damuai, urang ngak, pandap panda angaok gilai ghe meyah duah mboh khả nghi. Langiu di nan, gah an ninh jeng pasang iek dom phương tiện pajeng ba piah khik caga siam mekre ka tuai damuai . Lễ hội thaik aia Xổng-cran nan lac rija meng kan mai daneiy angan pak Thái Lan hu peih ngak yaok thun piah uan raok thun bahrau. Lễ hội rah tabiak meng harei 13 tal harei 15 bilan 4.

# Bruk njaom mbak song tác động di  vi-rút Zi-ka (Zika) ngan song anek menuac rilo jang dut song kuhria mboh tuk camereip. Ni lac panuac di tiến sĩ  Xchu-chét -Phó Giám đốc pasak pacang caga song dut iek jit ruak Mỹ anak báo giới harei 11/4. Tui tiến sĩ  Xchu-chét, roh duah brei thau, vi-rút Zi-ka pambak di menuac tapa labik kaik di janih jamuk vằn A-đét hu pagam tal rilo biến chứng ngan song urang metain, oh lac ba tal akoak sit di anek kama saoh./.