# Harei kabroi (12/5), pak bal Đà Nẵng, Liên hiệp Các tổ chức hữu nghị, Kapul Ilamu dak rai sajarah saong kapul ngak ikan bal Đà Nẵng peih mittinh phản đối bruk Trung Quốc ba caik giàn khoan suan adat hukum pak bhum tasik Việt Nam. Pak van mttinh, lambaok kapul ilamu dak rai sajarah bal Đà Nẵng ndom lac: Liên hiệp các tổ chức chức hữu nghị, kapul ngak ikan saong Kapul ilamu dak rai sajarah bal Đà Nẵng lambaok ka bhap bani bal Đà Nẵng phản đối bruk ngak suan di Trung Quốc, pandar Trung Quốc ba tabiak truh oh hu điều kiện giàn khoan aia dalam Hải Dương 981 saong dom gilai hu phao ndao, gilai quân sự tabiak truh bhum tasik Việt Nam; saong brei mboh njauk hatai haong kadha ndom puac di Thủ tướng Nguyễn Tấn Dũng dalam page harei 11/5 pak Nyaom biai pakat glaong ASEAN -2014.

# Jeng dalam harei kabroi 12/5, labaih dua ribau bhap bini ban Can Thơ lambaok vakil ka abih bhap bini , dom nhân sĩ, trí thức ba gauk mai di labik mblang bein Lưu Hữu Phước, quận Ninh Kiều piah brei mboh bruk pandik hatai saong lên án bruk cagar daluan di Trung Quốc  meblah tasik Viet Nam. Rilo băng rôn hu bhap bini, dom sinh viên, urang dahlau diah ngak bol lin tuan tagok saong panuac lac “Oh brei Trung Quoc ba gian khoan Hải Dương 981 tame bhum tasik labik ngak po di Viet Nam”, “ Trung Quoc tabiak truh bhum tasik di Viet Nam”. Di labik ini, hu biak ralo manuac brei panuac lên án bruk khieu khich, ngak sraw kadau di Trung Quoc.

 #  Kapul nyaom Việt Nam pak Pháp dalam nan hu kapul urang Việt Nam daok pak Pháp (UGVF), kapul ilamo saong Chuyên gia Việt Nam (AVSE), Kapul Sinh viên Việt Nam daok pak Pháp (UEVF) saong pak dom puk palei, Liên minh Sinh viên Việt Nam daok pak Pháp (ADEVF), nyaom Biển Đông pal Pháp (BDTP), kapul Xây dựng, Cơ học saong Vật Liệu (GCMM), Kapul Cầu Đường Pháp (CDP)… hu ba gauk tabiak sa tuyên bố chung phản đối dom bruk ngak di Trung Quốc dalam bhum tasik di Việt nam. Tuyên bố iew taong abih manuac sia dunya, abih di nyu nan lac dom negar daok hu tuyên bố chủ quyền pak Biển Đông, tagok sap phản đối bruk ngak khiêu khích saong xâm lược di raja-ei Trung Quốc, taphia di nan rik pren gam haong bhap bani saong bol lin dalam negar mesruh metak khik caga chủ quyền taneh ia, khik kajap pulao, kaoh, rilo darah di palei negar.

 # Piah caga ka mbang nyaom 7, Quoc hoi mbang 13 jaik rah tabiak, harei kabroi 12/5, Kapul urang Quoc hoi tinh Soc Trăng hu taom gaok cư tri di dom xã, phường, ban sit dalam tỉnh. Di labik taom gaok cử tri xã Tân Thạnh, huyện Long Phú dom panuac pok tagok Quoc hoi, Rajaei saong tỉnh hu cử tri pataom tame 3 kadha praong yau ye, sarak bayar dhar phol urang buh prein yawa ka taneh ia, bruk buh jien padai tame ngak jalan mbak palei pala birau saong salih bruk ngak nong. Langiu di nan, rilo cử tri jeng caong khin Đảng, karja brei sangka rilo jang tal sarak pagrap tanat raidiuk xã hội, danak dak daong sang daok, taneh daok, taneh pala drak ka urang kan kathaot, urang daok sa drei.

  # Dalam 3 bilan akaok thun 2014, “bruk an ninh trật tự jang yau trật tự an toàn xã hội tỉnh Bình Thuận hu ralo siam mekre”. Nan lac taong yaom di mBan tacei pato tỉnh ka bruk dak padang  phong trào taong abih bhap bani khik caga an ninh trật tự saong pacang cakak kaol kanjah jhak dalam mbang nyaom pataom iek veik  3 bilan akaok thun   bahrau rah tabiak di harei kabroi (12/5). Gam haong bruk patrun dom vụ tội phạm xâm phạm trật tự xã hội, ye bruk njauk bala angaok jalan mbak di Bình Thuận dalam quý I jeng trun gam 3 gah nan lac số vụ, số urang metai saong số urang njauk rambuis meng 30-50% dut haong tukvak ini thun dahlau. Anak tal, tỉnh Bình Thuận patui veik jhul pakhang dom jalan pacang caga, mesruh haong dom janih tội phạm bahrau tamuh tagok, pacang caga tội phạm hu tổ chức; patagok dom jalan ngak piah thau ka tình hình, ba lực lượng khik iek tuyệt đối an toàn dom bruk ngak pahadar saong dom harei roya prong dalam thun.  

# Biar harei kabroi 12/5, Kapul pasang iek saong tacei pato pacang caga jit ruak  ka 4 di Mentri Y tế hu var ngak bruk saong Sở Y tế ban raya Ho Chi Minh ka bruk mbuan rah tabiak jit ruak kateik angaok gauk di labik ini. Meng akok thun mbiah tal ini hu 1.600 mbang  urang ruak sởi, 3.300 mbang urang ruak tangin takai cambuai, 548 mbang urang ruak tagok baoh ia, jaik 3.000 mbang urang ruak pandiak tabiak darah. Dalam nan, urang ruak sởi daok tagok rilo, meng 621 urang di bilan 3 tagok tal 656 mbang urang di bilan 4 yaom lac dom mbang ruak sởi biến chứng hu truh blaoh.

 # Hadei di dua bilan caik trạm cân pasang iek radaih quá tải angaok quốc lộ 20 (pak Km97 + 300, labik tapa bal sit Đạm B’ri, huyện Đạ Huoai), lực lượng liên ngành tỉnh Lâm Đồng hu mboh saong xử lý vi phạm jaik 400 radaih pajeng quá tải, dalam nan mek khik Harak ba-ar brei adat peih radaih 334 urang. Abih tih radaih hu pasang iek dalam tukvak tapa nan lac 4.334 sruh, dalam nan hu 380 sruh pajeng quá tải trọng. Dom radaih vi phạm hu lực lượng liên ngành ngak biên bản, patabiak quyết định xử phạt hành chính ngan haong yaom jien labaih 1 tỷ đồng. Langiu di nan, gah kiểm soát Quân sự tỉnh Lâm Đồng (pambuak bruk pasang iek pak trạm cân) jeng hu pasang iek, xử lý 20 radaih biển số bhong saong ngak biên bản 11 sruh radaih vi phạm, payua tagok Thanh tra Bộ Quốc phòng langyah.

Khaw tin dunya:

          #  Ngoại trưởng Mỹ Giôn Ke-ri mbang camereip brei panuac suh sah ka bruk Trung Quốc ba gian khoan menyek saong gilai tame bhum tasik suan hukum di labik ngak po tasik di Viet Nam. Brei panuac saong dom urang vak mbao dahlau di tuk peih bruk Ndem biai chiến lược Mỹ - Xinhgapo mbang ka 3 di ban ine Washington, Ngoại trưởng Giôn Keri ndom lac bruk ngak di Trung Quoc di bhum tasik kaoh pulao Hoàng Sa ngak suh sah ka Mỹ saong dom taneh ia jaik taphao. Ong lac: “ Taong abih dom taneh ia hu bruk nao mai angaok jalan tasik Biển Đông saong tasik Hoa Đông thei jeng suh sah ka bruk ngak nan di Trung Quoc. Khol dahlak caong mboh sa bộ quy tắc hu padang ngak saong gauk hu padang ngak, khin mboh bruk nan hu langyah dalam siam mekre tui Hukum tasik, tapa urang dang kreh, atau tapa jalan karei karei min juai tui jalan ginuh gauk tapak saong taong paoh gauk”. Yau nan, urang dang akok pakat glaong di Quoc hoi saong Rajaei Mỹ jeng hu brei panuac ka bruk ngak sraw kadau di Trung Quoc di tasik Biển Đông.

# Dom harei tapa, gam haong bhap bani dalam negar saong kiều bào drei daok grauk labik angaok dunya, mikva Việt kiều daok pak Campuchia biak pandiak hatai anak bruk Trung Quốc ba giàn khoan tame bhum tasik di di Việt Nam. Caong khin di mikva Việt kiều Campuchia tuk ini nan lac rik daong hasit sap ndom, jum pataom gauk, sa hatung hatian haong gauk ngak brei padeih bruk Trung Quốc lih tame chủ quyền pulao tasik di taneh aia.

# Tổng thống U Thên Xên birau ini hu panuac iew dom urang ngak praong di dom taneh ia Đông Nam Á iew lac ASEAN brei langyah dom bruk pambak tal bein doi khí hậu dalam tuk langik tasik kan kandah kayua bien doi khí hậu dak harei dak trak di dom taneh ia ini. Tổng thống U Thên Xên hu ba tabiak bruk brei padang ngak sa kadung jien samar chip piah paglaong bruk caga bien đoi khí hau saong patrun patakik bala meng langik tasik di ASEAN; iew dom taneh ia ASEAN brei cak rok patagok hệ thống brei thau dahlau; padang dom kapul nyaom daong bala, dom pandap panda, mac jamraih ka yaok taneh ia piah ngak bruk hu drak samar tuk hu bala rah tabiak./.