# Akaok mintri  Lao động Thương binh song Xã hội Phạm Thị Hải Chuyền bahrau tabiak harak brei bruk dong ka urang ngak mai veik taneh ia kayua bruk srau kadau di Libi. Tui nan, hu daong jien harak kapal haoh ka urang ngak mai veik taneh ia meyah po ba urang nao ngak oh hu jien blei harak kapal haoh, ngan saong dom urang hu tukvak ngak bruk di Libi kuhria tal harei 15/07/2014 song yaom daong yau ini: 5.000.000 đồng/sa urang ka urang ngak hu tukvak ngak bruk meng ginup 3 bilan trun, 3.000.000 đồng/sa urang, ka urang ngak hu tukvak ngak bruk meng 3 bilan tal ginup 6 bilan 2.000.000 đồng/sa urang, ka urang ngak hu tukvak ngak bruk meng 6 tal ginup sa thun, song 1.000.000 đồng/sa urang ka urang ngak hu tukvak ngak bruk meng labaih sa thun.

# Tui tacei pato di Thủ tướng Rajaei ka bruk iew dom mentri, dom gah brei ngak tui dom jalan pacang caga jit ruak pandiak tabiak darah kayua Ebola, harei 12 bilan 8, Cục khik iek urang ngak negar langiu, Mentri LĐTB saong XH hu harak payua dom doanh nghiep brei khik caga prein yawa urang ngak Viet Nam daok ngak bruk di negar langiu. Tui nan, dom doanh nghiệp hu ba urang nao ngak bruk negar langiu tui harak pambuak bruk brei ngak njauk bruk pacang caga jit ruak, pasang iek, pathau khan ka Cuc Khik iek urang ngak negar langiu dahlau di harei 16 bilan 8 thun 2014 bruk urang ngak kayua doanh nghiep ba nao ngak bruk di dom labik hu jit ruak jeng yau di bhum taneh ia Châu Phi. Pathau khan ka urang ngak daok diukrai, ngak bruk di dom labik hu jit ruak brei pacang caga ruak ka siam rup eng.

# Bahrau ni, di ban sit Đa Nang, FPT Đa Nang pahadar 10 thun padang tagok. Dalam tukvak tapa, FPT Đa Nang oh padeih praong tagok song jeng sa công ty Công nghệ thông tin prong di abih di ban sit Đang Nang song bhum kreih negar. Meng 100 urang ngak tuk camereip, urak ni, FPT Đa Nang hu labaih 3000 urang ngak hu bruk ngak tani tanat saong daong patagok KTXH di ban sit song khu vực. Tui kuhria dalam thun ni, jiak 1500 kỹ sư công nghệ thông tin di FPT Đà Nẵng hu mbaok tame bruk  ủy thác phần mềm ka 30 công ty prong di dunya, dalam nan hu rilo dự án yaom rilo triệu đô la Mỹ, dong ngak brei ban sit ni jeng sa labik pachreih urang nao tal ka bruk xuất khẩu phần mềm.

# Tui Sở Ngak nong saong Patagok palei pala tỉnh Đắk Nông, urang ngak nong tak klak labaih 350 hecta cao su piah salih tapa pala phun karei. Kayua tukvak tapa, yaom cao su di darak  pasar dunya trun khang, ngak ka urang pala cao su khat trak. Dom bein cao su lavik thun kayua pala cao su pajaih di palei oh hu khang kajap, brtei takik ratak, yau nanye mikva salih tapa pala amriak kalu, caphe, kruac aih, piah duah jien tame rilo jang. Taneh apla cao su daok mboh rilo abih nan lac di  huyện Đắk R’lấp, huyện Đắk Song, huyện Tuy Đức saong huyện Krông Nô.

# 2 ar  pacang ia ndik di krong Cửu Long nan lac  Tha La song Trà Sư, huyện Tịnh Biên, tỉnh An Giang hu peih bruk tathuak ia piah  patrun  áp lực ia di gah angaok krong ribong song pabak ia ka dom tỉnh Kiên Giang, Cần Thơ song dom tỉnh dok jiak taphia hu ia pruh ka bilan Thu đông. Bruk tathuak ia thun ni di 2 binek Tha La song Trà Sư avar jang dom thun labaih sa bilan tui bruk tacei ba di UB bhap bini tỉnh, Sở ngak nong song patagok palei pala, dom puk palei song dom tỉnh dok jiak taphia tui jalan sami samar kayua ia di krong Cửu Long dok tagok khang.

# 600 baoh sang daok ka baoh sang urang kan thaot saong 4 sruh radaih oto cứu thương praong siam kuhria tui yaom jien labaih 29 tỷ đồng birau hu Gilang pariak pablei salih cổ phần Công thương Việt Nam brei ka mikva dalam tỉnh Cà Mau. Tapa nan, daong dom baoh sang kan kathaot hu labik daok praong siam, tani tanat. Gam rik daong biak rilo saong drak samar takik hu bruk palai damen dalam bruk pajeng ba nao urang iek ruak cấp cứu.

7/ Bahrau ni di ban raya HCM Cục y tế Dự phòng mintri y tế peih nyaom biai patagok dom jalan pacang caga ruak aih craoh di gah merong negar. Di nyaom biai, dom urang lambaok vakil ndom lac, 20 tỉnh ban di gah merong, dalam nan hu 13 tỉnh ban di bhum taneran krong CL, song labaih 34 triệu urang dok mbuan njauk ruak aih craoh. Ni lac sa labik prong, hu rilo krong ribong, rilo menuac urang, rong glang rilo song abih di nyu nan lac bruk vệ sinh môi trường di rilo labik oh ka siam. Gam song nan lac bruk bhian randap, akaok sahanang ka bruk  vệ sinh cá nhân di bhap bini dok beir. Bhunm taneran krong CL jeng dok hu jiak 12% boh sang dok nao jaman di danao raong ikan. Piah pacang caga siam lagaih brei patagok bruk ngak di kapul y tế cơ sở, paglong akaok sahanang pacang caga jit ruak dalam bhap bini. 

Khaw tin dunya:

# Taduan panuac da-a di Quoc hoi Lào, kapul urang ngak bruk di Uỷ ban Đối ngoại Quốc hội Việt Nam tapa rivang saong ngak bruk di Lào meng harei 12 tal harei 14 bilan 8 piah bac megru, daong ka Lào peih ngak hu saim mekre nyaom roya Nghị viện dom taneh ia ASEAN mbang 35 iew (AIPA35). Đại hội đồng AIPA mbang 35 meda hu 2 mbang ginum biai taong abih gah saong 4 mbang ginum biai di dom Uỷ ban chính trị, kinh tế, xã hội, bruk nội bộ saong padang ngak; bruk ginum biai ngan saong yaok taneh ia saong dom taneh tui pasang iek.

#  Sa kapul 280 radeih tải pajeng pandap dong di Nga hu tagok jalan nao tal gah Đông Ucraina, hadei di tuk Ủy ban Chữ Thập đỏ dunya song Nga, Ucraina njauk gauk brei peih bruk daong pahla di labik ni. Dom harak mbao Nga brei thau, Kapul radeih tải tabiak tui 2 ribau tấn pandap dong tal bhum dok meriak gauk di quân đội song gah đối lập di Ucraina, labik bo tui Liên hợp quốc hu sa ribau 300 urang metai kayua bruk srau kadau dok catang tagok. Gah Nga brei thau kapul dong pahla ni kayua UB Chữ Thập đỏ dunya peih ngak min pandap dong song radeih pajeng ba kayua Nga pabak brei.

# Meng tuk tamuh jit ruak di Tây Phi meng akaok thun mbiah tal,  jit ruak Êbôla ngak ka labaih 1.000 urang metai yaom lac kham merat rilo di rajaei dom taneh ia dalam khu vuc jeng yau dom taneh ia karei di dunya. Jit ruak dak harei dak pambak praong di taneh ia Tay Phi, abih di nyu nan lac Ghinê, Libêria, Siêra Lêôn saong mbuan pambak tal dom taneh ia karei di dunya. Tui Gah y tế dunya, jit Êbôla ngak ka 1.779 urang njom ruak saong 1.013 urang metai. Urak ini, oh ka hu jru iek ruak meda mbuan metai tal 90% . Gah Y tế dunya kakei jit ruak meda daok rah tabiak dalam kan kandah dalm dom bilan anak tal./.