# Tapa tui iek mbang nyaom meng blaoh di Quốc hội, ong Phạm Hồng Quang, daok pak jalan Hồ Tùng Mậu, bal Pleiku mboh lac, Quốc hội hu pilih ruah tabiak dom urang pal akaok ngan haong ralo manuac urang yaom lac bahrau min hu tapa ralo bruk ngak praong. Ong Quang jia saong caong khin, dalam tukvak anak tal, dom urang pal akaok ba tangin tame chip dalam bruk pacang cakak tham nhũng.

# Dalam dom urang bahrau di rajaei mbang ni, ong Cao Đức Phát, hu brei ngak veik akaok mintri ngak nong song patagok palei pala. Cử tri Lê Văn Quân daok di  xã Đa Lộc, huyện Châu Thành, tỉnh Trà Vinh  cong khin: Dahlau di abih likau tadhau ayuh akaok mintri hu ngak veik. Hulin lac urang nong di tỉnh Trà Vinh cong lac dalam mbang bahrau ni akaok mintri caik hatai sangka rilo jang tal bruk thủy lợi ngak habar ka siam, piah nyaik hu pandiak mbak patrun kan kandah ka urang nong. Ka dua lac yaom pandap ngak nong song chất lượng vật tư ngak nong brei sangka rilo jang

# Harei kabroi (12/4), 300 tấn brah di raja-ei daong ka anek saih hu ba tal huyện Sa Pa, tỉnh Lào Cai. Yau nan Sa Pa lac labik puac abih di Lào Cai taduan hu brah daong di Raja-ei dalam mbang ini. Phụ huynh Giàng A Sáu, palei Móng Sến 1, xã Trung Chải, huyện Sa Pa, tỉnh Lào Cai brei thau: "sang drei hu 3 urang anek, 1 anek bac sang bac langiu ini daok dua anek daok bac dalam diah. Sang bac brei thau yaok bilan, sa anek sang drei hu daong brei 15kg, tapa nan jeng langyah hu rilo kan kandah ka baoh sang. Dahlak mboh sarak daong brei di Karja urak ini lac biak siam."

# Ia di krong praong Nha Trang, tỉnh Khánh Hòa dok trun khang, ngak ka tong abih ban Nha Trang song bhum jiak tapen dang anak bruk kurang ia pandar. Urak ni rilo labik di krong Cái daok thu jaik abih, urang mbuan si caluai tabiak kreik krong. Di binek pacang mbak di xã Vĩnh Phương, ban  Nha Trang ia di ala krong beir jang mbaok binek labaih 20cm. Labik ni urak ni hu 12 bilai jhuk ia pabak ka bruk ngak nong, 4 sang mac ia pabak ia pandar ka urang di huyện Diên Khánh song ban Nha Trang. Piah pabak ginup ia ka 4 sang mac ni, ia di krong praong brei hu takik di nyu lac 1,42m3 dalam sa giây.

# Pandiak bhang dui atah, ia njaom mbak angaok kraong Đồng Nai saong kraong Sài Gòn daok ngak kan kandah tapak tal bruk pabak aia di Bal Raya Hồ Chí Minh. Hu  417 ribau baoh sang dalam bal raya kurang aia hacih, ralo meng daok pak dom quận, huyện lingiu ban. Yaom lac bal raya hu buh tame labaih 10 ribau tỷ đồng padang ngak sang mac aia pia paglaong công suất pabak aia ka bal raya meng 1 triệu 700.000 m3 sa harei melam tagok 2 triệu 570.000m3/ sa harei melam, min bruk pabak ia ka bhap bani jeng daok gaok rilo kan kandah. 

# Salam uan tết  Chôl Chnăm Thmây di mik va Khmer Nam bộ, Mban tacei jalan Tây Nam bộ hu nao tadhau yhut Kapul jum pataom dom sư sãi ranam taneh ia tỉnh Trà Vinh, dom boh baha, dom boh sang sarak karja Khmer song 20 boh sang kan kathaot di tỉnh tỉnh Trà Vinh, Ong Kim Phone, Akaok Ban quản trị baha Âng, Phường 8, ban sit  Trà Vinh, tỉnh Trà Vinh bui sambai lac: Tuk hu kapul di Tây Nam bộ mai rivang baha, khol hulin  biak hadah mbaok meta, biak bui sambai. Khol hulin thau dar phol Kapul hu mai rivang. Khol hulin lac bangsa Khmer halan hatain jum pataom, rik dong pren yava song adei saai urang Kinh, urang Hoa padang ngak ban Trà Vinh kaya meda.

# Harei 12/4, Tỉnh đoàn Sóc Trăng pambuak haong Công ty nhựa Miền Tây, Công ty cổ phần Nhựa Cần Thơ saong Hợp tác xã xây dựng Vạn Phước, bal Cần Thơ, peih bruk pok brei labaih 200 thùng padang aia pandar saong pandap panda kaya mbang ka bhap bani hu rai diuk kan kandah pak tỉnh Sóc Trăng. Taong abih pandap nan kuhria tabiak yaom jien labaih 140 triệu đồng. Amuk Lý Thị Lộc, sa baoh sang Khmer kathaot daok di ấp Giồng Chát, xã Liêu Tú, huyện Trần Đề lac, bhap bani Khmer biak sambai hu dom urang ngak pahla daong brei thùng padang aia pandar dalam tukvak daok kurang aia pandar trak yau urak ini: “Sang kathaot oh hu jeik piah padang aia, sang dahlak kan kandah nan ye hu daong brei, Dahlak biak thau dhar phol.”

Khaw tin dunya:

# Urang Mianma bahrau peih rilo bruk ngak praong piah uan raok Harei pataom saik ia (Thingyan) – harei roya meng kan raok thun bahrau di (dom?) negar Đông Nam Á ni. Urang           Mianma sahaneng lac, bruk saik ia tame urang meda rao hacih dom kanjah jhak di thun dahlau, piah yam tame sa thun bahrau hu siam mekre hacih saat. 

# Trung Quốc caong khin ngak bruk haong binah daok veik di dunya piah duah tabiak jalan siam ka bruk khủng hoảng dalam ngành thép urak ini. Nan lac panuac di Mentri Ngoại giao Trung Quốc ba tabiakharei kabroi 12/4 hadei di tuk negar Anh pandar negar ngak tabiak thép dang akaok dunya ini padeih chip bruk "pablei tuh pablei thac" kayua ngak tabiak labaih urak ini. Kayua labaih biak rilo dalam ngành thép daok ngak ka Trung Quốc patagok bruk pablei tabiak tukvak tapa. Kadha ini ngak ka yaom thép dunya  trun di tanut kỷ lục kuhria meng dom pluh thun tapa.   

# Yaom menyek dunya harei kabroi 12/4 tagok glong di abih kuhria meng di akaok thun ni, yaom 43 đôla sa thùng.  Tamat mbang giao dịch mesup kabroi, menyek tamo Bren (Brent) biển Bắc  yaom 43,33 đôla sa thùng, dalam tuk yaom menyek tamo Tếch-dát ( Texas) di Mỹ jeng tagok 40,75 đôla sa thùng.Tui panuac khan di chuyên gia, makna lac kayua yaom menyek hu dong meng dom khau tin biak siam ka sa mbang ginum biai di kapul dom negar pablei menyek (OPEC) di harei 17/4 anak, dalam nan meda pataom tame langyah bruk labaih menyek urak ni./.