# Phó Thủ tướng Hoàng Trung Hải hu panuac tacei pato ka bruk padang ngak cơ chế, sarak pachreih patagok  bruk pajeng ba meng jalan krong ribong dalam taneh ia song bhum taneran krong CL. Tui nan, bruk nao mai jalan kraong ribaong hu patagok samu gauk di taong abih gah piah pabak ka bruk pajeng ba pandap panda song tuai damuai hu siam lagaih, abih takik jien padai. Bruk padang ngak kết cấu hạ tầng jalan krong ribong njauk pambuak song dom gah jalan karei ka nyu mbuan, lagaih. Pambuak bruk patagok jalan krong ribong song dom gah karei karei yau thủy lợi, thủy điện. 

# Harei kabroi 13/8, Kapul urang jakar Trung ương kayua Ủy viên Mentri Chính trị, Thường trực Ban Bí thư Lê Hồng Anh ba kaok mai rivang saong ngak bruk haong Tỉnh ủy Đồng Tháp. Di var ngak bruk, ong Le Hong Anh taong yaom glaong bruk kham merat di Đảng bộ saong bhap bini Đồng Tháp yam tapa dom kan kandah dalam bruk ngak kinh tế piah ngak siam dom bruk ngak di drei, ba bruk patagok kinh tế dalam 6 bilan akok thun hu labaih 6%. Langiu di nan, ủy vien Mentri Chinh trị, Thường trực Ban Bí thư Lê Hồng Anh mboh lac, bruk dak padang Đảng di tỉnh hu rilo siam lagaih, bruk ngak di mặt trận negar saong dom kapul hu rilo salih birau, tỉnh hu peih ngak siam Sarak Trung ương 4 “Dom kadha ka bruk dak padang Đảng urak ini” pambuak saong Chỉ thị 03 di Mentri Chính trị, ba bruk bac megru saong ngak tui jalan hadah krah siam mekre di Ho Chi Minh jeng bruk bhian randap saong kuhria caga ka Nyaom roya Đảng bộ tỉnh mbang X, tukvak 2015-2020.

          # Mban tacei jalan Tây Nam bộ pambuak bruk song Học viện Chính trị Quốc gia Hồ Chí Minh song Tỉnh ủy Sóc Trăng peih bruk taom mbaok 150 chức sắc, chức việc, nhà tu hành di tỉnh Sóc Trăng. Meng thun 2007 tal urak ni, mban tacei jalan Tây Nam bộ pambuak bruk song dom mintri, dom gah TƯ song dom tỉnh ban di bhum TNB peih labaih 200 mbang taom mbaok dalam bhap bini urang bangsa takik song dalam agama hu labaih 80 ribau urang mai pataom mbaok, brei mboh bruk sangka di Đảng, karja brei ka mikva agama, urang bangsa takik.

 # Kuhria tal mong 4 page ini – tui mong Việt Nam, jaik abih dom urang ngak kong birau hu panduan ba meng Libya tapa Ai Cập, tagok jalan mai Viet Nam. Kapal haok MS - 960 birau di abih pajeng ba 143 urang ngak kong di hãng kapal haok Ai Cập. Yau nan, hu 214 urang ngak kong mai meng Cairo mai Viet Nam, patagok urang ngak mai Viet Nam tui jalan kapal haok tapa Ai Cập mbiah tal tukvak ini hu 677 urang. Taong abih dom urang ngak nan lac urang ngak bruk ka C.ty Vinamex, tapa gah pur Libya ngak bruk tui hrak pambuak bruk saong urang thầu Hyundai Engineering di Hàn Quốc.

# Hadei di 3 thun peih ngak, dự án “Bruk ngak song An sinh xã hội ka urang jaoh jo” tỉnh ĐN hu dong ka 247 urang jaoh jo. Dự án hu pato bruk ngak, dong duah bruk ngak, brei mesraiy phun jien oh mek liba, brei thau ka sarak piah urang jaoh jo meda ngak bruk raong rup song prong jang nan lac padang DN. Meng dự án ni, rilo urang jaoh jo di tỉnh ĐN hu salih rai duik meng bruk rong glang, sx sit, ngak bruk lagaih di dom DN. Meng dom siam lagaih di tỉnh ĐN, luac thun ni, Ban điều phối dự án meda peih prong klah rabha ilamu ka urang jaoh jo di dom tỉnh ban karei karei.

 # Anak bruk pambak ruak mbuan ba tal metai di Virut Ebola, Ủy ban bhap bini ban raya Hồ Chí Minh tacei pato:  dom jabat, to chuc biak đặc biệt meng brei urang nao tal labik hu jit ruak, gam pathau khan ka urang ngak, tuai damuai dulich mai Viet Nam meng labik hu jit ruak brei khan ka prein yawa di drei. Di dom pabah mbang, pandar mac dut iek than nhiet, pasang rup pabhap, brei daok karei saong dut iek darah. Dalam tuk mbih hu ruak Ebola di Viet Nam, ban raya HCM brei tui iek, dut ike prein yawa di taong abih urang hu taom gaok manuac ruak dalam 21 harei  meng tuk taom gaok hadei di abih.

# Harei ni, 14/8, gru saih HLV Nguyễn Duy Hùng tagok jalan tapa negar Thái Lan hu mbaok di mbang chaoh blong U 19 kamei vô địch Đông Nam Á 2014. Giải chaoh blong U 19 kamei ĐNÁ 2014 hu rah tabiak meng harei 16 tal 26/ 8 di ban ine Bangkok - Thái Lan song hu mbaok di 5 kapul Thái Lan, Việt Nam, Myanmar, Timor Leste song Singapore. Dom kapul brei pakacah tui vòng tròn kuhria điểm 1 mbang piah xếp hạng. 2 kapul dang akaok saong dang dhi 2 hu taom gauk dalam mbang chung kết meblah ngôi vô địch.  

Khaw tin dunya:

# Urang daong bruk ka Tổng giám đốc Gah Y tế dunya Mari Pônli Kiêni brei thau, kháng thể Di-máp kayua sa cong ty ngak jru di Mỹ ngak tabiak mboh hu kein lagaih ngan saong 2 urang ruak camereip hu pandar nan lac dom urang bac si Mỹ njom virut Ebola tuk daok ngak bruk pahala di Libêria. Amuk Kiêni jeng brei, Gah y tế dunya brei ginum biai di puac bilan ini piah biai ka dom bruk brei dahlau jru pacang caga Êbôla urak ini hu biak takik.

# Harei kabroi, ong Xu-ra-chai (Surachai), phó akaok Hội đồng lập pháp pakat negar di Thái Lan (jabat hu bruk ngak dreih yau Quốc hội lâm thời) brei thau, meyah Patau Thái Lan phê chuẩn Chu3 tịch song  2 Phó Chủ tịch Hội đồng lập pháp pakat negar di harei ni 14/8,  ye Hội đồng lập pháp pakat negar hu peih nyaom biai di harei 15/8 piah pasang iek brei tapa Kadung jien karja thun 2015 di TL song yaom jien abih tih 2 ribau 575 tỷ bạt (labaih  77 tỷ đô la Mỹ) piah khik njauk bruk pandar cai kadung jien karja dalam thun 2015, hu peih ngak meng harei 1/10 anak tal.

 #  Rajaei Vê-nê-xuê-la hu ba 12 tấn pandap daong ngak pahala camereip tal urang Palextin gaok kan kandah kayua chiến dịch taong tame di (Isarel) tame Dải Gada (Gaza).Tui khaw tin birau di abih, 12 tấn pandap daong nan hu pandap mbang, jru tavao, khan ao, kalik jauh saong dom janaih karei saong pajeng ba tui kapal haok tal Ai Cap. Ini lac taneh ia brei parabah pandap daong ka urang Palextin di Dải Gada, labik gah meraong taneh ia ini./.