# Taduan panuac daa di Tổng thống  Iran – Hassan Rouhani (Hát-xan Rô-ha-ni), Akaok negar Trương Tấn Sang saong diuk di gait gam haong kapul pakat glaong negar drei hu nao tal mblang kapal haok Mehrabd, peih mbaok mbang nao rivang pakat Karja negar Iran meng harei 13 tal harei 16/3. Dalam mbang nao rivang Iran mbang ini, Akaok negar Trương Tấn Sang saong Tổng thống Hassan Rouhani meda ndom biai nao mai ka dom jalan ngak piah jhul pakhang talei pambuak bruk pablei salih nao mai, abih di nyu lac dom gah kinh tế prong yau jien padai, gilang pariak, dầu khí, taphia di nan jeng hu ndom biai ka dom kadha dunya saong khu vực bo dua gah daok sangka.

# Harei 13/3 ong Nguyễn Thiện Nhân, Ủy viên mintri Chính trị, akaok  Ủy ban Trung ương Mặt trận negar Việt Nam song dom urang QH mbang 13 đơn vị tỉnh Bắc Giang hu taom gaok cử tri di ban Bắc Giang. Di var taom gaok, cử tri ban sit Bắc Giang brei thau ka bruk pandap lậu, pandap ja, khak drak, jruk khik caga phun pala ja, dom jabat chức năng brei hu dom jalan ngak lagaih piah langyah pasiam veik. . Ủy viên mintri Chính trị, Akaok Ủy ban Trung ương Mặt trận negar Việt Nam Nguyễn Thiện Nhân hu caik hatai tui pang saong taduan mek dom panuac caong khin di cử tri Bắc Giang.

# Urak ini hu labaih 320 héc ta padai  đông xuân pak dom xã An Ninh Tây, An Ninh Đông, An Cư saong An Hòa dalam huyện Tuy An, tỉnh Phú Yên njauk njaom mbak. Dalam nan, labaih 20 héc ta lahik abih. Phun padai daok dalam vaktu ndaih dhar, daok si sraoh min njauk aia mbak njaom tame nan ye phun padai thu hala, héo rũ, ngak trun sản lượng. Ong Nguyễn Trọng Tùng, Akaok Sở Ngak nong saong patagok palei pala tỉnh Phú Yên brei thau: “Ngan haong dom labik pala padai, urak ini Sở Ngak nong saong patagok palei pala hu roh duah, khảo nghiệm jang yau palih ruah dom pajaih padai siuk pandiak, dalam nan độ mbak jaik 4 tal 6 binah ribau. Ngan haong dom labik pala njam ye pachreih mikva pandar bingun khoan sit. Dom puk palei beik binek padang aia saong pasiam veik ar pacang jang yau brong tathuak aia, patagok  bruk padang piah aia taba jang yau pandar tối đa halau aia piah pandar ka bruk pala drak jang yau ngak mbang ngak huak.”

# Urak ni, Đồng Nai hu 40 trang trại rong glang tui tanut VietGap song 500 boh sang rong hu brei angan lac sang rong glang tui tanut VietGap, 400 boh sang hu chứng nhận hacih saat jit ruak. Piah khik iek siam jit ruak song hacih saat pandap mbang, abih di nyu nan lac bruk pandar chất cấm dalam rong pabui, ĐN dok jhul patagok dom bruk rong glang tui tanut VietGap. Ong Pham Minh Báu, Phó Giám đốc Sở ngak nong song patagok palei pala  tỉnh Đồng Nai brei thau: Khol hulin kham merat ngak yau habar khik kajap bruk ni. Kayua tuk brei thau lac pandap mek hu tanut VietGap, brei khik hu angan je, chất lượng di pandap hu pathau khan ni. Khol hulin hu ba tabiak bruk lac meyah boh sang rong atau urang halei kayua kein bila bo ngak suan ngak oh siam tal chất lượng pandap ye khol hulin klak chip.

# Tui bruk ba tabiak di Ban tacei pato Padang ngak palei pala bahrau tỉnh Tây Ninh, dalam thun 2016, tỉnh Tây Ninh kham merat hu 6 xã mek hu  chuẩn palei pala bahrau. Taphia di nan, khik kajap 16 xã mek hu angan palei pala bahrau saong tal puac thun 2016, dalam tỉnh hu 22 xã mek hu chuẩn palei pala bahrau. Piah ngak ka pahu bruk ba tabiak, tỉnh daok jhul pakhang bruk pathau khan, jak ba paglaong akaok saneng ka urang jakar, ka bhap bani tui ralo jalan laghaih haong yaok urang piah paglaong tính tự giác, chủ động, sáng tạo dalam bruk peih ngak, jak ba taong abih pren khang di rahra tame bruk padang ngak palei pala bahrau.

# Harei 13/3, Thành đoàn Cần Thơ pambuak bruk song kapul FPT peih danak dak “ Harei adit hajao song dam dara Cần Thơ” danak dak hu jiak 1000 urang đoàn dam dara ban Cần Thơ hu mbaok tame rilo bruk hu makna yau urang đoàn dam dara nao kabak pachreih tui bruk “ Dam dara Cần Thơ  ngak bruk kayua bhap bini” puh hareik di đô thị, pala phun. Abih di nyu nan lac dom urang jarka, công nhân viên di FPT Cần Thơ song urang đoàn dam dara hu mbaok tame bruk brei darah halan hatain ngan song labaih 240 đơn vị drah hu alin brei.

#  Pak Sang ilamo bhap bani xã tapen negar Krông Na, huyện Buôn Đôn, tỉnh Đắk Lắk, Sở Ilamo padih saong rivang ma-in bahrau pambuak bruk haong Ủy ban bhap bani huyện Buôn Đôn peih Harei pataom ilamo meng kan dom bangsa huyện Buôn Đôn thun 2016. Harei pataom rah tabiak ngan haong ralo bruk ngak ndung bak asal ilamo dom bangsa yau: lễ cúng tapen aia, lễ cúng pren yava ka anek lamen, lễ cúng po yang. Harei pataom ilamo meng kan dom bangsa Buôn Đôn oh lac tok ngak brei khik ramik saong patagok dom yaom ilamo meng kan di dom bangsa bo daok ngak brei meyaih khan ka tiềm năng du lịch Buôn Đôn ngan haong tuai damuai dalam saong langiu negar.

Khaw tin dunya:

# Nhật báo Độc Lập di Anh meng bloh brei thau Tổng thống Mỹ Barắc Obama meda mai tal Luân đôn (Anh) dalam bilan 4 piah ieu cử tri Anh khik bruk lac thành viên  dalam Liên minh châu Âu (EU).  Dalam bilan 6 anak tal cử tri Anh meda hu mbang trưng cầu ý dân piah “ nao atau dok veik” dalam Liên minh châu Âu. Tổng thống Mỹ Obama brei thau ong khin negar Anh dok veik EU piah dong pambuak talei rohim tapa Đại Tây Dương.

# Raja-ei Hy Lạp harei 13/3 brei thau daok kuhria caga labik daok bahrau ka labaih 13 ribau urang di cư daok gar veik jaik sang ga I-đô-mê-ni (Idomeni) pak tapen negar gah Barak di negar ini tal dom trại tị nạn kayua điều kiện pren yava di urang di cư, gam haong hajan gam gam pak labik ini dalam tukvak tapa. Tui nan, Raja-ei Hy Lạp sanya ba brei baoh kajang ka urang di cư saong grap tanat ka dom urang nan dom điều kiện mbang daok, pandap mbang menyum saong iek glang pren yava di tanut siam abih.

# Karja Ye-men  bahrau brei tapa jalan langyah bruk cuộc khủng hoảng hareik harom nerak tathuak, oh lac ngak jhak tal pren yava bhap bini bo dok dui tui dom srau kadau di Li-băng dalam tuk vak tapa. Tui akaok mintri THông tin Li-băng Ram-zi I-rê-ji (Ramzi Jreij), 2 mblang hareik meda hu padang jiak ban ine Bây-rút ( Beirut) song sa mblang hareik dok di gah merong ban hu peih pambah mbang veik dalam 2 bilan piah mek hareik harom dok pataom jeng mbuk meng bilan 7 thun dahlau./.