# Biar harei 13/4, pak jabat Raja-ei rah tabiak mbang nyaom ka pak di Ủy ban negar ka APEC 2017 ala bruk tacei ba di Akaok Ủy ban Negar, Phaok Thủ tướng Phạm Bình Minh. Phaok Thủ tướng pandar dom Mentri, ngành saong bal pambuak tal njauk jhul pakhang bruk kuhria caga cơ sở vật chất, hậu cần, lễ tân, an ninh, y tế, pathau khan piah ngak njauk tui tukvak ba tabiak; samar padang jalan peih ngak dom bruk ilamo nghệ thuật prong ka thun APEC 2017.

# Bruk Elnino dui atah ngak ka dom danao ia dalam tỉnh Quảng Bình kurang ia trak. Dom danao ia daok hu meteh dung tích thiết kế min. Bilan Hè thu thun ni mbuan si rah tabiak bruk kurang ia pala saong ia pandar di bhap bini. Tỉnh Quảng Bình dok peih ngak rilo jalan ngak samar pacang caga pandiak. . Ong Nguyễn Thành Long, Phó akaok Chi cục Thủy Lợi, Sở ngak nong song patagok palei pala tỉnh Quảng Bình brei thau: Pandiak bhang, tỉnh QB dang anak bruk kurang ia. Kayua yau nan ye, Chi cục Thủy lợi hu panuac ka Sở ngak nong, UB tỉnh tacei pato dom puk palei đơn vị hu jalan khik ia  ngan song dom danao ia. Pandar  ia pruh patak patom meng di akaok vụ. Urak ni khol hulin hu pandar jalan patrun ia di angaok mblang hamu.

# Kuhria tal thun 2015, dalam negar hu labaih 8 triệu 900 ribau đoàn viên công đoàn. Meng puac thun 2012 tal abih thun bloh, dalam negar kết nạp bahrau hu jaik 2 triệu đoàn viên công đoàn, padang labaih 14 ribau 400 công đoàn cơ sở, patagok công đoàn viên dalam negar hu labaih 8 triệu 900 ribau urang saong labaih 121 ribau công đoàn cơ sở.

# Mesup harei 13/4 di  Công ty Bình Thắng, dalam Cụm công nghiệp vật xây dựng Hố Nai, huyện Trảng Bom, tỉnh Đồng Nai, kayua ong Phạm Văn Lâm ngak po hu khuak khang. Taduan hu panuac khan, gah Cảnh sát pacang pandam apui khuak ka 4 di huyện Trảng Bom hu mbaok chip, hadei di labaih 30 minite pui meng hu pandam.  Gah chức năng brei thau pui khuak oh hu urang metai min khuah ralai labaih  1.000m2 nhà xưởng, tong abih  hệ thống phun sơn khut khat trak song dom pandap panda thành phẩm , tui kuhria khat lihik labaih 5 tỷ đồng.

# Biar harei 13/4, pak bal Việt Trì, tỉnh Phú Thọ, mBan Peih ngak Pacit daa Po Hùng - Lễ  hội Đền Hùng thun 2016 hu taom gaok báo chí brei thau ka DVD  “Daoh xoan Phú Thọ palih ruah”. Ini lac bruk ngak di tỉnh Phú Thọ piah meyaih khan inem krung ilamo “daoh Xoan Phú Thọ” tal taong abih bhap bani. DVD daoh Xoan Phú Thọ pali ruah hu 10 kadha daoh xoan meng kan kayua dom nghệ nhân ranaih dalam dom phường xoan meng kan daoh, hu ghi hình di dom phường xoan meng kan pambuak pagam tal dom adat cambat tanarakun.

# Liên hiệp dom kapul hữu nghị, Hội Hữu nghị Việt Nam song dom negar Campuchia, Lào, Thái Lan song Hội Hữu nghị Việt Nam – Đông Nam Á ban raya Hồ Chí Minh bahrau peih lễ hội tết meng kan Campuchia, Lào, Myanmar song Thái Lan thun 2016. Danak dak ni hu rah tabiak meng harei 13 tal 15/4 yaok thun. Lễ hội parang eik adat meng kan di dom negar yau: lễ menei ia Phật, saik ia tagok takuia song khan aow, tadhau ayuh ka gauk kak kon tangin, ba mai chreih chrai bui sambai. Thun ni lễ hội dok hu harei patom ilamu mbang huak song pato tamia Lam Vong.   

# Harei 13/4, pak baha Ochumpruksa, xã Vị Thủy, huyện Vị Thủy, Bí thư Tỉnh ủy Hậu Giang Trần Công Chánh haong dom urang pal akaok dom sở, ban, ngành hu mai tadhau ayuh, alin pandap ka dom sư sãi saong bhap bani Khmer tuk Tết Chôl Chnăm Thmây. Tui Bí thư Tỉnh ủy Trần Công Chánh, labaih 22.000 urang bangsa Khmer dalam tỉnh hu rik daong gam haong puk palei padang ngak kinh tế - xã hội dak harei dak cakrok patagok. Ralo baoh sang Khmer pala drak, raong glaong tabiak truh kan kathaot, paglaong rai diuk mbang ngui.

Patui di ni dom khau tin dunya:

# Dalam dom bruk di mbang nao rivang Lào, harei 13/4 ong Đinh Thế Huynh, Ủy viên mintri Chính trị, Thường trực Ban Bí thư hu nao rivang song tadhau ayuh tết ong Khăm-tày Xi-phăn-đon, Chủ tịch Đảng, chủ tịch negar Lào dahlau deih, taduan raok kapul urang dang  akaok tỉnh Chăm-pa-xắc kayua ong Bun-thỏng Đi-vi-xay, Ủy viên Trung ương Đảng, Bí thư-Tỉnh trưởng mai salam, hu mbaok di Lễ uan raok thun bahrau song Đảng bộ, karja  song bhap bini  tỉnh Chăm-pa-xắc

# Meng harei 13 tal harei 15/4, bhap bani grauk labik dalam negar Thái Lan chreih chai uan raok Tết meng kan, uan raok thun bahrau Sỏng-Khản (Songkran). Ini lac tuk piah ka bhap bani dalam taneh ia jang yau tuai damuai dunya hu mboh janih ilamo biak mekre di urang Thái nan lac adat thaik aia. Dalam lễ Sỏng-khản ini, taong abih bhap bani urang Thái Lan hu padeih ngak.

# Urang vak di rayo sap ndom VN dok di Trung Quốc brei thau số liệu di Tổng cục Hải quan Trung Quốc ba tabiak di mesup harei 13/4 lac, yaom jien pablei tabiak negar langiu di negar ni trun khang dalam 3 bilan akaok thun ni. Tui nan, abih tih yaom jien xuất nhập khẩu pandap panda di TQ dalam 3 bilan akaok thun 2016 hu 5 ribau 200 tỷ Nhân dân tệ, samu 812 tỷ đô la, trun 5,9% dut song tuk vak ni thun dahlau, dalam nan, xuất khẩu trun 4,2% dok nhập khẩu trun 8,2%. Xuất khẩu di TQ tapa dom negar yau Liên minh châu Âu , Mỹ song ASEAN jeng trun abih./.